ARYNews.tv | Urdu – Har Lamha Bakhabar

Tag: خان کے 100 دن

  • ملک بھر میں اسلامی بینکنگ نظام متعارف کروایا جائے، عمران خان کی ہدایت

    ملک بھر میں اسلامی بینکنگ نظام متعارف کروایا جائے، عمران خان کی ہدایت

    اسلام آباد: وزیراعظم عمران خان نے ملک بھر میں اسلامی بینکنگ نظام متعارف کروانے کی ہدایت جاری کردی۔

    تفصیلات کے مطابق وزیراعظم عمران خان کی زیر صدارت ملکی معیشت سےمتعلق اہم اجلاس ہوا جس میں وزیرخزانہ اسد عمر، گورنر اسٹیٹ بینک، سیکریٹری خزانہ اور وزیراعظم کے معاونِ خصوصی اشفاق حسین سمیت اقتصادی ماہرین نے شرکت کی۔

    اجلاس میں ملک کی اقتصادی صورت حال سے متعلق ایکشن پلان پر تبادلہ خیال کیا گیا۔

    گورنر اسٹیٹ بینک نے دورانِ اجلاس وزیراعظم کو بریفنگ دی کہ پاکستان بینکنگ سہولتوں سےسب سےکم استفادہ کرنے والاملک ہے کیونکہ صرف 16 فیصد آبادی بینکنگ سہولیات استعمال کررہی جن میں 11 فیصد خواتین بھی شامل ہیں۔ انہوں نے آگاہ کیا کہ عوام کی کثیر تعدادمذہبی رجحان کی وجہ سے بینکنگ نظام سے دور رہنے کو ترجیح دیتے ہیں۔

    گورنر اسٹیٹ بینک نے بریفنگ دی کہ آئندہ5سال کیلئےجامع پلان بنایاجارہا ہے جس کے تحت اسلامک بینکنگ اورڈیجیٹل پیمنٹ کوفروغ دیاجائےگا۔

    اُن کا کہنا تھا کہ ’5سالہ منصوبہ بندی کےتحت 30لاکھ روزگارکےمواقع پیدا کیے جاسکیں گے جبکہ ایس ایم ای نظام کےتحت  5 کھرب ڈالرکی ایکسپورٹس بھی بڑھے گی‘۔ گورنر اسٹیٹ بینک نے آگاہ کیا کہ ’کمرشل اورمائیکرو فنانس بینکنگ پرکام تیزکیا جائےگا‘۔

      وزیراعظم نے قومی اقتصادی حکمت عملی کے 5 سالہ منصوبہ بندی کی منظوری دیتے ہوئے کہا کہ ’اقتصادی استحکام کے ذریعے غربت پر قابو پانے میں مدد ملے گی‘۔

    اُن کا کہنا تھا کہ ملک کےاقتصادی نظام کی مضبوطی کیلئے اہم فیصلے کرنا ہوں گے، اسلامک بینکنگ نظام کی وجہ سے زراعت جیسےشعبوں کوبھی ترقی ملےگی۔

    وزیر اعظم نے بیکنگ اصلاحات کے لیے پیش کیے گئے پروگرام کی تعریف کرتے ہوئے پانچ سالہ منصوبہ بندی پر جلد عملدرآمد شروع کرنے کی ہدایت بھی کی۔

  • سٹیزن پورٹل، حکومت کو 1 لاکھ سے زائد شکایات موصول، 16 ہزار کا ازالہ کردیا گیا

    سٹیزن پورٹل، حکومت کو 1 لاکھ سے زائد شکایات موصول، 16 ہزار کا ازالہ کردیا گیا

    اسلام آباد: وزیراعظم عمران خان کے معاونِ خصوصی افتخار درانی نے کہا ہے کہ 24 دنوں میں ایپ کے ذریعے ایک لاکھ سے زائد عوامی شکایات موصول ہوئیں جن میں سے 84 ہزار سے زائد درخواستوں پر کام جاری ہے جبکہ 16 ہزار  سے زائد کو حل کردیا گیا۔

    اسلام آباد میں میڈیا کو بریفنگ دیتے ہوئے افتخار درانی کا کہنا تھاکہ 24 دنوں کے دوران شکایتی ایپ کے ذریعے عوام نے 1 لاکھ 10 ہزار سے زائد شکایات وزیراعظم آفس کو ارسال کیں جن میں سے 16ہزار 770 کو حل کردیا گیا جبکہ 84ہزار پر کام جاری ہے۔

    اُن کا کہنا تھا کہ عوام نے چوبیس دنوں کے دوران وزیراعظم آفس ایپ کو 4 لاکھ 54 ہزار بار ڈاؤن لوڈ کیا جس کے ذریعے وہ مسلسل اپنی شکایات درج کروا رہے ہیں، اب تک 54 فیصد مردوں جبکہ 6 فیصد خواتین نے ایپ ڈاؤن لوڈ کی۔

    اُن کا کہنا تھا کہ ’عوام کی بڑی تعداد نے بلدیاتی مسائل کے حوالے سے شکایات درج کروائیں جن کو تقریباً حل کر دیا گیا جبکہ انرجی سیکٹر کی 6ہزار 303 شکایات موصول ہوئیں‘۔

    مزید پڑھیں: حکومت عوام کو جواب دہ، آن لائن شکایات درج کروانے کی سہولت کا آغاز

    وزیراعظم کے معاونِ خصوصی کا کہنا تھا کہ 12 ہزار سے زائد شکایات تعلیم کے حوالے سے موصول ہوئیں جبکہ امن و امان، محکمہ صحت اور محکمہ لینڈ کی چار ہزار سے زائد شکایتی درخواستیں موصول ہوئیں۔ اُن کا کہنا تھا کہ ’کرپشن سے متعلق ابھی تک ایک بھی شکایات موصول نہیں ہوئی‘۔

    [bs-quote quote=”سرکاری محکموں میں کرپشن سے متعلق ابھی تک کوئی شکایات درج نہیں ہوئی” style=”style-9″ align=”center” author_name=”افتخار درانی”][/bs-quote]

    یاد رہے کہ 28 اکتوبر 2018 کو وزیراعظم عمران خان نے اسلام آباد میں منعقد ہونے والی تقریب میں وزراء اور حکومتی کارکردگی کے خلاف آن لائن شکایات درج کروانے کے لیے سے (عوامی شکایتی سیل اور آراء) سٹیزن پورٹل سروس کا افتتاح کیا تھا۔

    افتتاحی تقریب میں خطاب کرتے ہوئے عمران خان نے قوم کو مبارک باد دیتے ہوئے کہا تھا کہ’یہ نیا پاکستان ہے کیونکہ اب حکومت عوام کو جواب دہ ہوگی‘۔

    عمران خان کا کہنا تھا کہ پرانے پاکستان میں نوآبادیاتی نظام قائم تھا جس کی وجہ سے عوام حکمرانوں کے غلام تھے اور غریب پاکستانی سرکاری دفاتر میں اپنے کاموں کے لیے دھکے کھاتے تھے جبکہ بااثر اور پیسوں والے اپنے کام رشوت دے کر  جلدی کروالیتے تھے۔

    یہ بھی پڑھیں: سٹیزن پورٹل سے بیک وقت 3 لاکھ 82 ہزار شکایات موصول ہو سکیں گی، وزیرِ اطلاعات

    وزیراعظم کا کہنا تھا کہ ’سٹیزن پورٹل نظام کےتحت ملک کےکسی بھی حصےسےعام آدمی حکومت یا سرکاری محکمے کی شکایت درج کرواسکے گا، اس سے ہمیں معلوم ہوگا کہ اسلام آبادکے عوام کو پانی کی ضرورت ہے یا وہ میٹرو بس سروس چاہتے ہیں‘۔

    ایپ استعمال کرنے کا طریقہ کار

    گوگل پلے اسٹور سے ایپ ڈاؤن لوڈ کر کے اس پر آئی ڈی بنائیں تاکہ شناخت ظاہر ہو مگر حکومت اسے خفیہ بھی رکھے گی۔آئی ڈی بنانے کے بعد صارف کے سامنے تین مینیو کھلیں گے، مقامی شہری، اوورسیز پاکستانی، یا غیر ملکی؟ جس میں سے کسی ایک کو منتخب کرنا ضروری ہوگا۔

    بعد ازاں صارف کے سامنے ایک اسکرین کھلے گی جس میں وہ اپنی شکایت درج کرے گا، اُس کے بعد اسکرین پر لکھا آئے گا کہ پہلے سے اس مسئلے پر کتنی شکایات درج ہیں۔

    شکایات کنندہ کو جو بھی مسئلہ درپیش ہے اُس کو منتخب کر کے وہ اپنی شکایت درج کرے گا۔

  • مساجد میں وضو کے لیے استعمال ہونے والا پانی پودوں کو دیا جائے گا

    مساجد میں وضو کے لیے استعمال ہونے والا پانی پودوں کو دیا جائے گا

    لاہور: واسا (واٹر اینڈ سینی ٹیشن ایجنسی) نے مساجد میں وضو کے لیے استعمال ہونے والا پانی شہر میں ہریالی بڑھانے کے لیے استعمال کرنے کا فیصلہ کر لیا۔

    تفصیلات کے مطابق واسا نے کہا ہے کہ وضو کے دوران استعمال ہونے والا پانی ٹینکوں میں ذخیرہ کیا جائے گا، تاکہ یہ پانی ضائع نہ ہو اور ہریالی بڑھانے کے لیے کام آ سکے۔

    [bs-quote quote=”لاہور میں واقع مختلف پارکوں کے ساتھ بنی ہوئی 70 مسجدوں کے لیے واٹر ٹینک بنائے جائیں گے۔” style=”style-7″ align=”left” color=”#dd3333″ author_job=”واسا”][/bs-quote]

    واسا کا کہنا ہے کہ لاہور میں واقع مختلف پارکوں کے ساتھ بنی ہوئی 70 مسجدوں کے لیے ایسے واٹر ٹینک بنائے جائیں گے جن میں وضو کا پانی جمع کیا جائے گا۔

    واسا کے مطابق یہ جمع شدہ وضو کا پانی لاہور کے پارکوں میں موجود پودوں اور درختوں کو دیا جائے گا، اس سے نہ صرف پانی ضائع ہونے سے بچے گا بلکہ زیرِ زمین پانی کی سطح بھی بہتر ہوگی۔

    اس سلسلے میں وزیرِ ہاؤسنگ پنجاب محمود الرشید نے لاہور میں واسا کی جانب سے شروع کیے جانے والے ایک پائلٹ پراجیکٹ کا افتتاح بھی کر دیا ہے۔

    یہ بھی پڑھیں:  پاکستانی سائنس دان کا کارنامہ، استعمال شدہ پانی کی ری سائیکلنگ کا طریقہ دریافت

    واسا نے کہا ہے کہ مذکورہ پائلٹ پراجیکٹ پارکس اینڈ ہارٹی کلچر اتھارٹی کے سپرد کر دیا گیا ہے، پی ایچ اے پارکوں سے ملحقہ مساجد میں ٹینکس بنائے گا۔

    خیال رہے کہ پاکستان تحریکِ انصاف کی حکومت ملک میں ہریالی بڑھانے کے لیے کروڑوں درخت لگانے کی ایک بڑی مہم بھی پوری کر چکی ہے، جب کہ ملک بھر میں پانی کے مسائل سے بھی نمٹنے کے لیے اقدامات کیے جا رہے ہیں۔

  • وزیر خزانہ اسد عمر کی زیر صدارت اقتصادی رابطہ کمیٹی کا اجلاس

    وزیر خزانہ اسد عمر کی زیر صدارت اقتصادی رابطہ کمیٹی کا اجلاس

    اسلام آباد: وزیر خزانہ اسد عمر کی زیر صدارت اقتصادی رابطہ کمیٹی کا اجلاس ہوا جس میں مختلف منصوبوں کی منظوری دی گئی۔

    تفصیلات کے مطابق وزیر خزانہ اسد عمر کی زیر صدارت اقتصادی رابطہ کمیٹی کا اجلاس منعقد ہوا۔ اجلاس میں پاسکو کے ذخائر میں موجود 2 لاکھ ٹن گندم پولٹری ایسوسی ایشن کو فروخت کرنے کی منظوری دی گئی۔

    پاسکو پولٹری ایسوسی ایشن کو گندم 1300 روپے فی من فروخت کرے گا۔

    اجلاس میں اسٹیل مل کے وفات پانے والے ملازمین کو پراویڈنٹ، گریجویٹی اور دیگر بقایا جات دینے کی منظوری دے دی گئی۔

    اقتصادی رابطہ کمیٹی نے طور خم بارڈر کے راستے افغانستان سے کاٹن درآمد کرنے کی بھی اجازت دے دی، افغانستان سے درآمد کاٹن کے لیے این پی پی او سے فائٹو سینٹری کا سرٹیفکیٹ لانا لازمی ہوگا۔

    اس سے قبل ہونے والے اقتصادی رابطہ کمیٹی کے اجلاس میں وزیر خزانہ نے پاکستان انٹرنیشنل ایئر لائنز (پی آئی اے) کے لیے خصوصی پیکج کی منظوری دی تھی۔

    اجلاس میں برٹ رسم گیس فیلڈ سے سوئی سدرن کو 100 ایم ایم سی ایف ڈی گیس اور ڈھوڈک گیس فیلڈ سے 120 ایم ایم سی ایف ڈی گیس سوئی ناردن کو دینے کی منظوری بھی دی گئی تھی۔

  • کراچی میں انسداد تجاوزات آپریشن کا تیسرا مرحلہ

    کراچی میں انسداد تجاوزات آپریشن کا تیسرا مرحلہ

    کراچی: صوبہ سندھ کے شہر کراچی میں کراچی میٹروپولیٹن کارپوریشن کی جانب سے کیا جانے والا تجاوزات کے خلاف آپریشن تیسرے مرحلے میں داخل ہوگیا۔ ناخوشگوار صورتحال سے نمٹنے کے لیے رینجرز کو بھی الرٹ کردیا گیا ہے۔

    تفصیلات کے مطابق کے ایم سی کے انسداد تجاوزات آپریشن کے تیسرے مرحلے کے تحت آج آرام باغ اور لائٹ ہاؤس کے اطراف کارروائی کی جائے گی۔ آپریشن کا آغاز صبح 11 بجے ہوگا۔

    آپریشن کے لیے انسداد تجاوزات افسران اور ملازمین کو 11 بجے تھانہ پریڈی پہنچنے کی ہدایت کردی گئی ہے۔ ذرائع کے ایم سی کا کہنا ہے کہ ناخوشگوار صورتحال سے نمٹنے کے لیے رینجرز کو الرٹ کردیا گیا ہے۔

    مزید پڑھیں: 50 سال بعد ایمپریس مارکیٹ کی دھلائی

    آپریشن کے زیر نظر لائٹ ہاؤس مارکیٹ کے تاجروں نے آج مارکیٹ بند رکھنے کا اعلان کیا ہے۔ دکانداروں کو گزشتہ روز نوٹس جاری کردیا گیا تھا۔

    آپریشن میں آرام باغ کے اطراف 180 غیر قانونی دکانیں گرائی جائیں گی۔ لائٹ ہاؤس کے اطراف بھی 250 سے زائد دکانیں نالے پر قائم ہیں جنہیں مسمار کردیا جائے گا۔

    فش مارکیٹ کو گرانے کے خلاف درخواست دائر

    دوسری جانب ایمپریس مارکیٹ سے متصل فش مارکیٹ کو گرانے کے خلاف سندھ ہائیکورٹ میں درخواست دائر کردی گئی۔ درخواست فش مارکیٹ کے 28 دکانداروں نے دائر کی ہے۔

    درخواست گزاروں کا کہنا ہے کہ فش مارکیٹ کو ایمپریس مارکیٹ کا حصہ قرار دیا گیا تھا۔ فش مارکیٹ کو مسمار نہ کرنے سے متعلق عدالتی حکم موجود ہے تاہم عدالتی حکم کے باوجود فش مارکیٹ کو مسمار کر دیا گیا۔

    عدالت نے کہا کہ عدالتی حکم موجود ہے تو انتظامیہ کے خلاف توہین عدالت کی درخواست دیں۔ عدالت نے دکانداروں کو توہین عدالت کی درخواست دائر کرنے کا حکم دیتے ہوئے سماعت ملتوی کردی۔

    خیال رہے کہ سپریم کورٹ نے ٹریفک جام اور بدامنی کا باعث بننے والی تجاوزات کا 15 روز میں خاتمے کا حکم دیا تھا جس کے بعد کراچی کی مقامی انتظامیہ نے گرینڈ آپریشن شروع کیا۔

    آپریشن میں کراچی کی تاریخی ایمپریس مارکیٹ میں بھی کارروائی کی گئی جہاں غیر قانونی دکانوں اور تعمیرات نے اس تاریخی عمارت کے حسن کو گہنا دیا تھا۔

    کے ایم سی کے آپریشن کے تحت اب تک 2500 غیر قانونی دکانیں، 6 آر سی سی بیسمنٹ، 2 منزلہ عمارت، 150 تجاوزات، 450 ٹھیلے اور 750 سن شیڈز مسمار کیے گئے ہیں۔

  • حکومت کے 100 روز مکمل ہونے میں 12 دن رہ گئے

    حکومت کے 100 روز مکمل ہونے میں 12 دن رہ گئے

    اسلام آباد: پاکستان تحریکِ انصاف کی حکومت کے 100 روز مکمل ہونے میں 12 دن رہ گئے، مختلف وزارتوں کی 100 روزہ کارکردگی رپورٹس وزیرِ اعظم کو ملنا شروع ہو گئیں۔

    تفصیلات کے مطابق پی ٹی آئی حکومت کے سو روز 12 دن بعد مکمل ہو جائیں گے، اس سلسلے میں مختلف وزارتوں کی جانب سے کارکردگی سے متعلق رپورٹس وزیرِ اعظم عمران خان کو موصول ہونا شروع ہوگئیں۔

    [bs-quote quote=”وزیرِ مملکت برائے مواصلات مراد سعید نے کارکردگی میں سب کو پیچھے چھوڑ دیا۔” style=”style-7″ align=”left” color=”#dd3333″][/bs-quote]

    وزیرِ مملکت برائے مواصلات مراد سعید نے کارکردگی میں سب کو پیچھے چھوڑ دیا، مراد سعید کی کارکردگی سب سے اعلیٰ قرار پائی، وزیرِ اعظم نے انھیں شاباش دے دی۔

    وفاقی وزیرِ ریلوے کی کارکردگی بھی قابلِ ذکر رہی، شیخ رشید احمد نے 10 نئی ٹرینیں چلا کر آمدن میں 2 ارب کا ریکارڈ اضافہ کیا۔

    کارکردگی کے سلسلے میں ٹاپ 10 وزرا کی دوڑ میں وزیرِ خزانہ اسد عمر، وزیرِ ریلوے شیخ رشید، وزیرِ مواصلات مراد سعید، اور وزیرِ اطلاعات فواد چوہدری میں سخت مقابلہ ہے۔

    خیال رہے کہ حکومت نے 100 دن پورے ہونے پر کارکردگی رپورٹ شائع کرنے کا فیصلہ کیا ہے، 100 دن مکمل ہونے پر پشاور میں خصوصی تقریب منعقد ہوگی، جس میں وزیرِ اعظم عمران خان شرکت کریں گے۔

    یہ بھی پڑھیں:  حکومت کا 100دن پورے ہونے پر کارکردگی رپورٹ شائع کرنے کا فیصلہ

    کارکردگی رپورٹ میں حکومت کے آئندہ 5 سال کے لائحۂ عمل سے بھی آگاہ کیا جائے گا، وزیرِ اعظم کی ہدایت کے مطابق وزرا کو رپورٹ میں بتانا ہوگا کہ قومی خزانے کو کتنا فائدہ پہنچایا گیا، کفایت شعاری اور سادگی پر کہاں تک عمل ہوا؟

    وزرا کو یہ بھی بتانا ہوگا کہ عوام کے ریلیف کے لیے کیا اقدامات کیے گئے اور حکومتی منشور پر عمل در آمد، نئی اسکیموں اور کرپشن کے سدِ باب کے لیے کیا اقدامات کیے گئے۔

  • وزیراعلیٰ پنجاب نےڈیرہ غازی خان اربن بس سروس کا افتتاح کردیا

    وزیراعلیٰ پنجاب نےڈیرہ غازی خان اربن بس سروس کا افتتاح کردیا

    ڈیرہ غازی خان: وزیراعلیٰ پنجاب سردار عثمان بزدار کا کہنا ہے کہ نئے پاکستان میں ٹرانسپورٹ کی معیاری سہولتیں مہیا کی جائیں گی۔

    تفصیلات کے مطابق وزیراعلیٰ پنجاب سردارعثمان بزدار نے ڈیرہ غازی خان اربن بس سروس اور موبائل واٹرٹیسٹنگ لیبارٹری کا افتتاح کردیا۔

    وزیراعلیٰ پنجاب نے کہا کہ بسیں ڈیرہ غازی خان کے مختلف روٹس پرچلائی جائیں گی، گرین بسوں کے چلنے سے شہریوں کو محفوظ سفر کی سہولت ملے گی، آرام دہ اورمعیاری ٹرانسپورٹ شہریوں کا حق ہے۔

    سردارعثمان بزدار نے کہا کہ نئے پاکستان میں ٹرانسپورٹ کی معیاری سہولتیں مہیا کی جائیں گی۔

    ترقیاتی اسکیمیں حکومت کا احسان نہیں، عوام کا حق ہیں‘عثمان بزدار

    یاد رہے کہ گزشتہ روز وزیراعلیٰ پنجاب کا کہنا تھا کہ پنجاب کے ہرضلع و تحصیل کے مسائل حل کرنے کی کوشش کروں گا۔

    سردار عثمان بزدارکا کہنا تھا کہ عمران خان کے وژن کے مطابق صوبے کے مسائل حل کریں گے، ڈی جی خان اور راجن پور کو بجٹ میں اتنا فنڈ ملے گا، جتنا لاہورکوملے گا۔

    وزیراعلیٰ پنجاب سردارعثمان بزدار کا مزید کہنا تھا کہ ترقیاتی اسکیمیں حکومتی احسان نہیں،عوام کا حق ہیں۔

  • حکومت کا 100دن پورے ہونے پر کارکردگی رپورٹ شائع کرنے کا فیصلہ

    حکومت کا 100دن پورے ہونے پر کارکردگی رپورٹ شائع کرنے کا فیصلہ

    اسلام آباد : حکومت نے 100 دن پورے ہونے پر کارکردگی رپورٹ شائع کرنے کا فیصلہ کرلیا ہے، 100 دن مکمل ہونے پر خصوصی تقریب منعقد ہوگی، جس میں وزیراعظم عمران خان شرکت کریں گے۔

    تفصیلات کے مطابق حکومت نے 100دن پورے ہونے پر کارکردگی رپورٹ شائع کرنے کا فیصلہ کیا ہے ، رپورٹ میں حکومت کے آئندہ 5 سال کےلائحہ عمل سے بھی آگاہ کیا جائے گا۔

    ذرائع کا کہنا ہے کہ وزیراعظم 100دن مکمل ہونے پر خصوصی تقریب میں شرکت کریں گے، خصوصی تقریب پشاور میں منعقد ہوگی۔

    یاد رہے چند روز قبل 100روزہ پلان کے تحت وزیر اعظم عمران خان وزارتوں کی کارکردگی قوم کے سامنے لانے کا فیصلہ کرتے ہوئے وزارتوں کو پہلے مرحلے کی کارکردگی رپورٹ جمع کرانے کی ہدایت کی تھی۔

    وزراء کو رپورٹ میں بتانا ہوگا کہ قومی خزانے کو کتنا فائدہ پہنچایا، کفایت شعاری،سادگی پرعمل ہوا؟ عوام کو ریلیف کے لیے کیا اقدامات کیے اور حکومتی منشورپرعملدرآمد ، نئی اسکیموں، کرپشن کے سد باب کے لیے کیا اقدامات کیے۔

    مزید پڑھیں :  100روزہ پلان ، وزیراعظم وزارتوں کی کارکردگی قوم کے سامنے لائیں گے

    وزیر اعظم وزارتوں کی کارکردگی قوم کے سامنےلائیں گے اور اعلیٰ کارکردگی کے حامل وزراکوحکومتی و عوامی سطح پر کریڈٹ دیں گے۔

    یاد رہے 21 اکتوبر کو ہونے والے ایک اجلاس میں وزیراعظم کی جانب سے اعلان کیے جانے والے 100 روزہ پلان پر عملدرآمد کے حوالے سے کابینہ اراکین کی کارکردگی کا جائزہ لیا گیا اوررپورٹ پیش کی گئی تھی۔

    وزیراعظم کی جانب سے دیے گئے بیشتر اہداف حاصل کرلیے گئے اور وزیرمملکت برائے مواصلات مراد سعید کارکردگی میں اول نمبر پر رہے، انہوں نے 1 ارب روپے کی زمین قبضہ مافیا سے واگزار کروائی۔

    خیال رہے پاکستان تحریک انصاف کی حکومت نے100روزہ پلان کے جائزے کیلئے ویب سائٹ بنائی تھی ، ویب سائٹ میں پلان کے بنیادی بڑے منصوبوں کو شامل کیا گیا، ویب سائٹ کی مدد سے حکومت کی 100 روزہ کارکردگی کے حوالے سے عوام کو آگاہ کیا جائے گا۔

    واضح رہے عام انتخابات 2018 سے قبل 20 مئی کو پاکستان تحریکِ انصاف کے چیئرمین عمران خان نے سو دن کی منصوبہ بندی کا اعلان کیا تھا اور کہا تھا کہ 100 دن کا منشور دے دیا ہے، یہ منشور ہماری سمت کا تعین کررہا ہے۔

    عمران خان کا کہنا تھا کہ ہمارے پاس کے پی میں حکومت کا تجربہ ہے، وفاقی حکومت مل جاتی تو ہماری ایسی تیاری نہ ہوتی، ہم نے کے پی میں 5سال حکومت کرکے سیکھا ہے۔

    سربراہ تحریک انصاف نے مزید کہا تھا کہ سو دن کے پلان کا مقصد حکومت کی تمام پالیسیاں بنانا ہے، سو دن کے پلان میں سوا3کروڑ سرکاری اسکولوں کے بچوں کی تعلیم پر توجہ دینی ہے، مدارس کے25لاکھ بچوں کو اعلیٰ تعلیم دینی ہے، مدارس کے بچوں کو بھی ڈاکٹر بنانا ہے، ہم نے نچلے طبقے کو اوپر لانا ہے، بیورو کریسی کو غیرسیاسی کیا جائے گا، سرکاری اسپتالوں کو ٹھیک کرنے گئے تو مافیا کا سامنا کرنا پڑا۔

  • وزیرِ اعظم کے احکامات اب پیلے، سبز اور سرخ کاغذوں پر بھیجے جائیں گے

    وزیرِ اعظم کے احکامات اب پیلے، سبز اور سرخ کاغذوں پر بھیجے جائیں گے

    اسلام آباد: وفاقی حکومت سے جاری کردہ سرکلر میں کہا گیا ہے کہ وزیرِ اعظم کے احکامات اب پیلے، سبز اور سرخ کاغذوں پر بھیجے جائیں گے۔

    تفصیلات کے مطابق وزیرِ اعظم کی جانب سے مختلف محکموں کو جاری کیے جانے والے احکامات کے لیے اب مختلف رنگوں کے کاغذ استعمال کیے جائیں گے۔

    [bs-quote quote=”عمومی نوعیت کی ہدایات سبز کاغذ پر جب کہ فوری احکامات پیلے رنگ پر جاری ہوں گے۔” style=”style-7″ align=”left” color=”#dd3333″][/bs-quote]

    وزیرِ اعظم عمران خان کے سیکریٹری اعظم خان کی جانب سے اس سلسلے میں احکامات جاری کر دیے گئے ہیں، سرکلر میں کہا گیا ہے کہ محکموں کو وزیرِ اعظم ڈلیوری یونٹ کے تحت احکامات بھیجے جائیں گے۔

    سرکلر کے مطابق وزیرِ اعظم کی جانب سے عمومی نوعیت کی ہدایات سبز کاغذ پر جاری ہوں گی جب کہ فوری احکامات اور نصف وقت گزرنے پر پیلے رنگ کے کاغذ پر یاد دہانی بھیجی جائے گی، جب 90 فی صد وقت گزر جائے گا تو سُرخ کاغذ پر یاد دہانی کا فرمان بھیجا جائے گا۔

    خیال رہے کہ یہ قدم پی ٹی آئی حکومت کی طرف سے سرکاری اداروں کی کارکردگی بہتر بنانے کے لیے اٹھایا جا رہا ہے، جو پچھلی حکومتوں کی خراب کارکردگی کے باعث ناگفتہ بہ ہو چکی ہے۔

    وزیراعظم عمران خان نے لاہور میں شیلٹر ہوم پروجیکٹ کا سنگ بنیاد رکھ دیا

    یاد رہے چند روز قبل وزیراعظم عمران خان نے ماضی میں نظرانداز اہل افسران کو اہم عہدوں پرتعینات کرنے کا فیصلہ کرتے ہوئے اسٹیبلشمنٹ ڈویژن سے خودمختاراداروں اور افسران سے متعلق رپورٹ طلب کرلی تھی۔

  • سمندر پار پاکستانیوں کے لیے ’نیا پاکستان کالنگ ویب پورٹل‘ کا افتتاح

    سمندر پار پاکستانیوں کے لیے ’نیا پاکستان کالنگ ویب پورٹل‘ کا افتتاح

    اسلام آباد : وزیر برائے اوورسیز پاکستانی زلفی بخاری نے سمندرپارپاکستانیوں کے لیے "نیا پاکستان کالنگ ویب پورٹل” کا افتتاح کردیا، پورٹل میں بیرون ملک ڈاکٹرز، انجینئرز، پروفیسرز و دیگر ماہرین کا ڈیٹا جمع کیا جائے گا اور ضرورت کے تحت بیرون ملک ماہر پاکستانیوں سے رابطہ کیا جاسکے گا۔

    تفصیلات کے مطابق وزیر برائے اوورسیز پاکستانی زلفی بخاری نے سمندرپارپاکستانیوں کے لیے نیا پاکستان کالنگ ویب پورٹل کاافتتاح کردیا ، پورٹل میں بیرون ملک ڈاکٹرز، انجینئرز، پروفیسرز و دیگر ماہرین کا ڈیٹا جمع کیا جائے گا جبکہ بیرون ملک پاکستانی اپنی تفصیلات پورٹل میں ڈال سکیں گے اور مختلف شعبوں میں ضرورت کےتحت بیرون ملک ماہرپاکستانیوں سے رابطہ کیا جاسکے گا۔

    وزیر اعظم کےمعاون خصوصی زلفی بخاری نے افتتاحی تقریب سے خطاب کرتے ہوئے کہا بیرون ملک پاکستانیوں کوواپس پاکستان لاناوزیر اعظم کاوژن ہے، چین نےبیرون ملک سےاپنےبہترین لوگ واپس بلائے، ماضی کی حکومتوں نےسمندرپارپاکستانیوں کواہمیت نہیں دی، سمندرپارپاکستانی ملک کے لئے کردار ادا کرنا چاہتے ہیں۔

    زلفی بخاری کا کہنا تھا کہ پہلی بارحکومت بیرون ملک پاکستانیوں کےلیےپلیٹ فارم دےرہی ہے، او پی ایف کی ویب سائٹ کو بھی جلداپ گریڈ کریں گے اور بیرون ملک پاکستانیوں کے معاملات کوفوری حل کانظام لائیں گے۔

    مزید پڑھیں : حکومت کا اوورسیز پاکستانیوں کی خدمات حاصل کرنے کا فیصلہ

    زلفی بخاری نے مزید کہا کہ 100 روز پلان کے بعد اوورسیز پاکستانیوں کے لیے مزید سہولتیں دیں گے۔

    ویب پورٹل کے تحت وزارت تمام اوورسیز پاکستانیوں کا ریکارڈ ویب سائٹ پر رکھے گی، جس شعبے کے ماہر کی خدمات درکار ہوں گی، اسے وطن واپس بلایا جاسکے گا اور اوورسیز ماہرین سے حکومتی اور نجی ادارے استفادہ کر سکیں گے۔

    یاد رہے اکتوبر میں وزیراعظم عمران خان کا کہنا تھا کہ کہ بیرون ملک مقیم پاکستانیوں کیلئےاسپیشل پیکج کااعلان کرنے والے ہیں،ہر طرح کی رکاوٹ ختم کریں گے تاکہ ترسیلات زرمیں اضافہ ہو اور اوورسیز پاکستانیوں کو ملک پہنچنے پرامیگریشن دشواری ختم کریں گے، مشن ہے اوورسیز پاکستانیوں کی دیکھ بھال بہتراندازمیں کریں گے۔

    بعد ازاں اسلام آباد میں وزارت اوورسیز کے حکام کے اجلاس میں وزیراعظم عمران خان نے اوورسیز پاکستانیوں سے متعلق اہم فیصلے کرتے ہوئے بیرون ملک مقیم پاکستانی محنت کشوں کو سہولتیں دینے کا اعلان کیا تھا۔

    اجلاس میں بیرون ملک مقیم پاکستانیوں کا جامع ریکارڈ ترتیب دینے کا بھی فیصلہ کرتے ہوئے نادرا اور وزارت اوورسیز کے حکام کو مذکورہ ریکارڈ ترتیب دینے کا عمل شروع کرنے کی ہدایت کردی گئی تھی