آئی پی ایل ٹائٹل جیتنے والی رائل چیلنجرز بنگلورو کی جیت کےک جشن میں بھگدڑ سے لوگوں کی ہلاکت کا مقدمہ فرنچائز اور دیگر کے خلاف درج کرلیا گیا۔
بنگلورو میں بھگدڑ کے حوالے سے مجرمانہ غفلت پر کیوبن پارک پولیس اسٹیشن میں رائل چیلنجرز بنگلور (آر سی بی)، ایونٹ مینیجر ڈی این اے، کے ایس سی اے انتظامی کمیٹی اور دیگر کے خلاف ایف آئی آر درج کی گئی ہے، 11 افراد کی موت کے سلسلے میں انھیں مجرمانہ غفلت کا ذمہ دار کہا جارہا ہے۔
مکمل طور پر ٹوٹ گیا ہوں، کہنے کے لیے الفاظ نہیں، کوہلی
کرناٹک حکومت نے ہائی کورٹ کو مطلع کیا کہ بھگدڑ کیس کو کریمنل انویسٹی گیشن ڈپارٹمنٹ (سی آئی ڈی) کو منتقل کر دیا گیا ہے جبکہ واقعے کی تحقیقات کے لیے ایک خصوصی ٹیم تشکیل دی جائے گی۔
آر سی بی کے آئی پی ایل ٹائٹل جیتنے کی خوشی میں چناسوامی اسٹیڈیم کے قریب 2.5 لاکھ سے زیادہ لوگ جیت کا جشن منانے جمع ہوئے تھے۔
بنگلورو سٹی پولیس کے 1,380 اہلکاروں کے ساتھ ساتھ 13 کے ایس آر پی پلاٹون (325 اہلکار) کو بھی تعینات کیا گیا تھا تاہم شدید بھیر کے باعث بھگدڑ مچنے کے نتیجے میں 11 افراد ہلاک اور 56 افراد زخمی ہوئے تھے۔
https://urdu.arynews.tv/rcb-victory-celebrations-turn-tragic-as-7-killed-in-stampede/
