دہلی (8 اگست 2025): ریسلنگ فیڈریشن آف انڈیا نے اپنے ایک دو نہیں بلکہ 11 بھارتی ریسلرز کو ہیرا پھیری کے الزام میں برطرف کر دیا ہے۔
بھارتی میڈیا کے مطابق ریسلنگ فیڈریشن آف انڈیا نے 11 ریسلرز کو معطل کر دیا ہے۔ ان پر اپنی عمر کے حوالے سے جعلسازی کرنے اور ریسلنگ فیڈریشن کو دھوکے میں رکھنے کے الزامات ہیں۔
رپورٹ کے مطابق ریسلنگ فیڈریشن نے مذکورہ 11 ریسلرز کی جانب سے جعلی پیدائشی سرٹیفکیٹ جمع کرانے پر جعلسازی کا مرتکب قرار دیتے ہوئے یہ قدم اٹھایا ہے۔
ریسلرز نے خود کو اصل سے بہت کم عمر ظاہر کرنے کے لیے حد کراس کر دی اور کچھ کیسز میں پیدائش کے 12 سے 15 سال بعد برتھ سرٹیفکیٹ جاری کیے گئے۔ ان ریسلرز کے برتھ سرٹیفکیٹ جعلی اور فوٹوشاپ کے ذریعے اپ ڈیٹ کیے گئے تھے۔ جعلی برتھ سرٹیفکیٹ پر پہلے 5 اور اب 6 ریسلر کو معطل کیا گیا ہے۔
ریسلنگ فیڈریشن آف انڈیا نے دہلی میونسپل کارپوریشن سے مجموعی طور پر 106 ریسلرز کے برتھ سرٹفکیٹ کی تصدیق کرائی تھی۔
بلدیہ دہلی نے 95 پہلوانوں کے برتھ سرٹیفکیٹ کی تصدیق کی جب کہ 11 ریسلرز کے پیدائشی سرٹیفکیٹ کو جعلی قرار دیا۔