کراچی: رینجرز نے کراچی کے مختلف علاقوں میں کارروائی کرتے ہوئے 11 ملزمان کو گرفتار کرلیا، ملزمان سے غیرقانونی اسلحہ، گولیاں، مسروقہ سامان اور منشیات برآمد کرلی گئی۔
ترجمان رینجرز کے مطابق نارتھ کراچی انڈسٹریل ایریا سے 2 ملزمان گرفتار کیے گئے، ملزمان فراز عرف گٹو اور شاہد عرف لمبا اسٹریٹ کرائم میں ملوث ہیں۔
ترجمان رینجرز کا کہنا ہے کہ بلدیہ ٹاؤن، اتحاد ٹاؤن، سعید آباد سے 5 ملزمان گرفتار کیے گئے، ملزمان میں اسد خان، محمد مبشر، ذوہیب، محمد عامر اور محمد اسامہ شامل ہیں، ملزمان لوٹ مار، ڈکیتی، اسٹریٹ کرائم میں ملوث ہیں۔
رینجرز کے مطابق نارتھ کراچی انڈسٹریل ایریا سے منشیات فروش شعیب عرف راگو کو گرفتار کیا گیا، سعود آباد، نارتھ کراچی انڈسٹریل ایریا، بلدیہ ٹاؤن سے 3 ملزمان گرفتار کیے گئے۔
ترجمان رینجرز کے مطابق ملزمان عباس، زاہد عرف جان، مصطفی منشیات فروشی میں ملوث ہیں، ملزمان سے غیرقانونی اسلحہ، گولیاں، مسروقہ سامان، منشیات برآمد کرلی گئی۔
رینجرز کا کہنا ہے کہ گرفتار تمام ملزمان کو قانونی کارروائی کے لیے پولیس کے حوالے کردیا گیا ہے۔
مزید پڑھیں: کراچی، رینجز کی کارروائی، ایم کیو ایم لندن کے 2 کارندے گرفتار
واضح رہے کہ گزشتہ روز بھی رینجرز نے کارروائیاں کرتے ہوئے 11 ملزمان کو گرفتارکیا تھا، ملزمان اسٹریٹ کرائم، ڈکیتی سمیت دیگر جرائم کی وارداتوں میں ملوث ہیں۔
ترجمان رینجرز کے مطابق فریئر سے ایم کیو ایم لندن کے 2 کارندے گرفتار کیے گئے، گرفتار ملزمان ڈکیتیوں کی متعدد وارداتوں میں ملوث ہیں۔
ترجمان رینجرز نے کہا کہ گارڈن، نیپئر، میٹھادر اور کھارادر سے 9 ملزمان پکڑے گئے ہیں، ملزمان اسٹریٹ کرائم، ڈکیتی سمیت دیگر جرائم میں ملوث ہیں، ملزمان سے اسلحہ اور مسروقہ سامان برآمد کیا گیا تھا۔
