Tag: 12افراد ہلاک

برازیلیا: برازیل میں مسلح شخص نےسالِ نو کی تقریب میں فائرنگ کرکے بیٹے سمیت 11افرادکوہلاک کردیا،اورخود کو بھی گولی مارلی۔

تفصیلات کےمطابق نامعلوم مسلح شخص نےبرازیل کے شہرساؤ پاؤلوسے 100کلومیٹر دور کیمپیناس میں ایک گھر میں گھس کر فائرنگ کردی۔

پولیس کےمطابق فائرنگ کے اس واقعے میں حملہ آور کی سابق بیوی اور بیٹے سمیت 11افراد ہلاک ہوئے اور 3افراد شدید زخمی ہوگئے جس کے بعدحملہ آور نے خود کو بھی گولی مار لی۔

برازیلین پولیس کا کہناہے کہ پڑوسیوں نے دھماکے سنے لیکن انہوں نے اسے فائرنگ کے بجائے سالِ نو کے موقع پر ہونے والی آتش بازی خیال کیا۔

پڑوسی کرسٹیانو میکاڈو نے کہا’جب ہم نے آتش بازی اور جشن دیکھنے کی غرض سے سڑک پر جانے کے لیے دروازہ کھولا تو ایک زخمی شخص ہمارے احاطے میں مدد حاصل کرنے کے لیے داخل ہوا‘۔

مزید پڑھیں:استنبول میں نائٹ کلب پرحملہ،39افرادہلاک

واضح رہے کہ ترکی کےشہر استنبول میں سالِ نو کی تقریبات کے موقع پر نائٹ کلب میں مسلح شخص نے گھس کر فائرنگ کی تھی جس کے نتیجے میں کم سے کم39افراد ہلاک اور 40زخمی ہوئے تھے۔

برلن: جرمنی کے دارالحکومت برلن کے کرسمس بازار میں ٹرک نےشہریوں کو کچل دیاجس کے نتیجے میں کم سے کم 12 افراد ہلاک جبکہ 48 زخمی ہوگئے۔

تفصیلات کےمطابق جرمنی کے دارالحکومت برلن میں کرسمس کی خریداری کے حوالے سے لگی ایک مارکیٹ میں نامعلوم شخص ٹرک نےشہریوں پر چڑھادیا،جس میں 12افراد ہلاک ہوگئے۔

عینی شاہدین کا کہنا ہے کہ ایسا معلوم ہوتا ہے کہ یہ ایک حملہ تھا تاہم جرمنی کی وزارتِ داخلہ نے اس امکان کو رد نہیں کیا کہ یہ حادثہ ہو سکتا ہے۔

واقعے کی اطلاع ملتے ہی پولیس اور ایمبولنسز کی بڑی تعداد موقع پر پہنچی اور لاشوں اور زخمیوں کو ہسپتال منتقل کیا۔

پولیس کا کہنا ہے کہ اس ٹرک کی نمبر پلیٹ پولینڈ کی تھی اور اس کی مالک پولینڈ سے تعلق رکھنے والی ایک ڈلیوری سروس کمپنی ہے۔

جرمن پولیس نے دعویٰ کیا کہ مبینہ طور پراس واقعے کے ذمہ دار ایک شخص کو گرفتار کرلیا گیا ہے۔

مزید پڑھیں:نیس حملے کی ذمہ داری دولت اسلامیہ نے قبول کرلی،پانچ افراد گرفتار

واضح رہے کہ رواں سال جولائی میں ایک ڈرائیور نے فرانس کے جنوبی شہر نیس میں قومی دن کی تقریبات میں شریک افراد پر ٹرک چڑھادیا تھا،جس کے نتیجے میں 84 افراد ہلاک جبکہ 200 سے زائد زخمی ہوگئے تھے۔