سائنس فکشن فلم ''گریویٹی'' برطانوی فلم ایوارڈ بافتا میں گیارہ نامزدگیوں کے ساتھ سر فہرست ہے جبکہ ''12 یئرز اے سلیو'' اور ''امریکن ہسل'' دس نامزدگیوں کے ساتھ دوسرے نمبر پر ہے۔
لاس اینجلس میں بافتا ایوارڈز کی نامزدگیوں کا جشن ہوا، جس میں سائنس فکشن فلم گریوٹی گیارہ نامزدگیوں کیساتھ سر فہرست رہی، آسکر ایوارڈ یافتہ اداکارہ سینڈرا بولاک اور اداکار جارج کلونی کی فلم ''گریویٹی کو بہترین فلم، بہترین اداکارہ، بہترین ہدایتکار اور بہترین برطانوی فلم کے لئے نامزد کیا گیا ہے۔
گریویٹی کو بہترین فلم اور بہترین برطانوی فلم دونوں کیٹیگریز میں نامزد کیا گیا ہے۔ ''ٹویلو یئرز اے سلیو کے ہیرو برطانوی اداکارہ چیویٹل ایجیوفور بہترین اداکار کی دوڑ میں شامل ہیں، اس کیٹیگری میں دوسرے اداکار امریکن ہسل کے کرسچئین بیل ، دی وولف آف وال اسٹریٹ کے لیونارڈو ڈی کیپریو اور کیپٹن فلپس کے ٹام ہینکس بھی شامل ہیں۔
جہاں گریوٹی ایوارڈز کی دوڑ میں سب سے آگے ہے، وہیں فلم فروزن کا میوزک تمام میوزک چارٹس پر سر فہرست ہے، انیمیٹڈ فلم فروزن کے میوزک نے سب کو دیوانہ بنا دیا اب تک ایک لاکھ پینسٹھ ہزار کاپیاں فروخت کی جا چکی ہیں۔