ARYNews.tv | Urdu – Har Lamha Bakhabar

Tag: 12 giraftar

  • پولیس مقابلوں میں چارملزمان ہلاک، بارہ گرفتار، اسلحہ برآمد

    پولیس مقابلوں میں چارملزمان ہلاک، بارہ گرفتار، اسلحہ برآمد

    کراچی : شہر قائد کے مختلف علاقوں میں پولیس مقابلوں میں چارملزمان مارے گئے، تفصیلات کے مطابق پولیس اور رینجرز نے مختلف علاقوں میں کارروائیاں کرتے ہوئے 12 ملزمان کو گرفتارکرکے اسلحہ اوربارودی مواد برآمد کرلیا۔

    پولیس نے پی آئی بی کالونی میں سرچ آپریشن کیا جہاں مقابلے میں دو ملزمان مارے گئے۔ دو زخمیوں سمیت چارملزمان کو گرفتار کرکے اسلحہ اوردستی بم برآمد کرلیا، نیو کراچی انڈسٹریل ایریا میں پولیس نے کارروائی کرتے ہوئے دو دہشت گردوں کو گرفتار کرکے اسلحہ ، دستی بم برآمد کرلیا۔

    منگھوپیر کے علاقے میں پولیس کا سرچ آپریشن، مسلح افراد کا فائرنگ اور دستی بم سے حملہ پولیس نے جوابی فائرنگ میں دو ملزمان ہلاک ہوگئے،ملزمان کے قبضے سے موٹرسائیکل ملی ہے.

    پولیس کاکہنا ہے کہ موٹرسائیکل میں مشکوک سامان موجود ہے جس کے بعد بم ڈسپوزل اسکواڈ کو طلب کرلیا۔ رینجرز نے گلشن اقبال اور گڈاپ کے علاقوں میں کارروائیاں کرکے عسکری ونگ کے چار ملزمان کوگرفتارکرلیا.

    ترجمان کے مطابق ملزمان کے قبضے سے اسلحہ برآمد ہوا ہے.

     

  • پولیس اور رینجرز کی کارروائیاں، درجن سے زائد ملزمان گرفتار

    پولیس اور رینجرز کی کارروائیاں، درجن سے زائد ملزمان گرفتار

    کراچی : شہر قائد میں رات سے اب تک فائرنگ میں ایک شخص ہلاک اورایک زخمی ہوگیا ،مختلف علاقوں میں پولیس اور رینجرز نے کاروائیاں کرتے ہوئے ایک درجن سے زائد ملزمان کو گرفتار کرکے اسلحہ برآمد کرلیا۔

    تفصیلات کے مطابق کورنگی ضیاء کالونی میں نامعلوم افراد کی فائرنگ سے ایک شخص ہلاک جبکہ لیاری میمن گوٹھ میں فائرنگ سے ایک شخص زخمی ہوگیا۔

    لیاری کے علاقے سلاٹرہاؤس کے قریب قانون نافذ کرنے والے اداروں نے خفیہ اطلاع پر کارروائی کرتے ہوئے چار افراد کو حراست میں لے لیا، حراست میں لئے گئے چاروں افراد کا تعلق لیاری گینگ وار کے شیرازکامریڈ گروپ سے ہے۔

    رینجرز نے ایک کارروائی کے دوران اہم دہشت گرد سلیم عرف ڈان کو گرفتار کرکے دھماکا خیز مواد اور اسلحہ برآمد کرلیا۔

    ذرائع کا کہنا ہے کہ ملزم بھتہ خوری اور اغواء برائے تاوان میں ملوث تھا، رینجرز حکام کا کہنا ہے کہ ملزم نے دوران تفتیش انکشاف کیا ہے کہ اس نے دو ہزار آٹھ میں نارتھ کراچی،کورنگی اور منگھو پیر کے علاقوں سے نو عام شہریوں اور ایک دھاگے کے تاجر کو تاوان کیلئے اغواء کیا۔

    ملزم نے انکشاف کیا کہ دو ہزار تیرہ اور چودہ میں شہر کے مختلف علاقوں سے آٹھ تاجروں سے بھتہ وصول کیا،دو ہزار چودہ میں ناظم آباد اور پہلوان گوٹھ میں زبردستی دکانیں اور مکان خالی کروائے، ملزم سے مزید پوچھ گچھ جاری ہے۔

    علاوہ ازیں لانڈھی پولیس نے الفلاح ،شاہ فیصل کالونی کے علاقوں میں کارروائیاں کرتے ہوئے چار ملزمان کو گرفتار کرلیا، ملزمان قتل،بھتہ خوری ، لوٹ مار اور دیگر جرائم میں ملوث ہیں، ملزمان کے قبضے سے اسلحہ اور لوٹا ہوا سامان برآمد ہوا ہے۔

  • اہم شخصیات کے قتل میں ملوث دوملزمان سمیت بارہ گرفتار

    اہم شخصیات کے قتل میں ملوث دوملزمان سمیت بارہ گرفتار

    کراچی : شاہراہ فیصل تھانے کی حدود میں پولیس نے کارروائی کرکے آئی بی ڈپٹی ڈائریکٹر اور پی آئی اے افسر کے قتل میں ملوث دو ملزمان کو گرفتارکرلیا، رینجرز نے مختلف علاقوں میں کارروائیاں کرتے ہوئے دس ملزمان کو گرفتار کرکے اسلحہ برآمد کرلیا۔

    پولیس کے مطابق گلستان جوہر کے علاقے میں قتل ہونے والے پی آئی اے افسر کے قتل میں ملوث دو ملزمان کو گرفتار کرکے اسلحہ برآمد کرلیا گیا۔

    پولیس کے مطابق ملزمان نے دوران تفتیش قمبر میں آئی بی کے ڈپٹی ڈائریکٹر سمیت چھ افراد کو قتل کرنے کا اعتراف کیا ہے۔

    پولیس کے مطابق ملزمان زمین کے تنازعہ پر لوگوں کو قتل کیا کرتے تھے۔ دوسری جانب رینجرزنے کراچی کے مختلف علاقوں میں ٹارگٹڈ کارروائیاں کرکے دس ملزمان کو گرفتار کرلیا جن کے قبضے سے اسلحہ برآمد کیا گیا ۔

    ترجمان رینجرز کے مطابق کارروائی بنارس، علی گڑھ کالونی، ایم پی آر سوکالونی، قصبہ کالونی، ملیر، برنس روڈ، پھول پتی لین، بہار کالونی، ریکسر لین، جھٹ پٹ مارکیٹ، دبئی چوک میں کی گئی ،ترجمان کے مطابق گرفتار ہونے والوں میں کالعدم تنظیموں اور لیاری گینگ وارکے کارندے بھی شامل ہیں۔

  • فائرنگ سے تین افراد جاں بحق،چھاپوں میں 12 سے زائد ملزمان گرفتار

    فائرنگ سے تین افراد جاں بحق،چھاپوں میں 12 سے زائد ملزمان گرفتار

    کراچی : شہرکے مختلف علاقوں میں فائرنگ سے 3افراد جاں بحق اور خاتون سمیت 2افراد زخمی ہوگئے۔رینجرز اور پولیس نے مختلف کارروائیوں میں کالعدم تنظیم کے دہشت گردوں سمیت ایک درجن سے زائد ملزمان کو گرفتار کرکے اسلحہ برآمد کرلیا۔پولیس کے مطابق سخی حسن کے قریب نامعلوم افراد کی فائرنگ سے اہلسنت و الجماعت کا کارکن محمد سعیدجاں بحق اور ایک کارکنان بھی زخمی ہوا۔

    ترجمان اہلسنت و الجماعت کے مطابق جاں بحق ہونے والے سعید ان کے مقامی رہنما تھے فائرنگ سے زخمی ہونے والے ساجد کا تعلق بھی اہلسنت و الجماعت سے تھا، ملیر میمن گوٹھ میں نامعلوم افراد نے فائرنگ کرکے عمیر داد نامی شخص کو قتل کردیا۔شاہ فیصل کے علاقے عظیم پورہ میں بھی مسلح ڈاکووں نے ڈکیتی مذاحمت پر فائرنگ کرکے منیر خان نامی شخص کو شدید زخمی کردیا جس نے زخموں کی تاب نہ لاتے ہوئے دم توڑدیا۔

    ملیر بن قاسم موڑ پر ڈکیتی مزاحمت پر فائرنگ سے خاتون سمیت 2افراد زخمی ہوگئے۔اورنگی ٹاون میں بھتہ نہ دینے پر نامعلوم ملزمان کپڑے کے تاجر کے گھر پر دستی بم سے حملہ کرکے فرار ہوگئے تاہم خوش قسمتی سے واقعے میں کوئی جانی نقصان نہیں ہوا۔اورنگی کی کنواری کالونی میں رینجرز نے چھاپہ مار کر 3دہشت گردوں کر گرفتار کرلیا ۔

    ترجمان رینجرز کے مطابق گرفتار دہشت گردوں کا تعلق کالعدم تنظیم سے ہے ملزمان کے قبضے سے اسلحہ بھی برآمد ہوا ہے۔لانڈھی کے مختلف علاقوں میں پولیس نے سرچ آپریشن کرکے متعدد افراد کو گرفتار کرلیا،پولیس کے مطابق زیرحراست افراد مختلف نوعیت کے جرائم میں ملوث ہیں جن سے پوچھ گچھ جاری ہے۔

    نارتھ ناظم آباد اور حسین آباد میں رینجرز کی ٹارگٹڈ کارروائی،تین ملزمان کوگرفتارکرلیا،ترجمان رینجرزکے مطابق گرفتار ملزمان ٹارگٹ کلنگ اور دیگرسنگین جرائم کی وارداتوں میں ملوث ہیں،ملزمان سے اسلحہ بھی برآمد ہوا ہے۔