کراچی : ٹریفک پولیس کراچی کی جانب سے 12 ربیع الاوّل کے سلسلے میں ٹریفک پلان تیار کرلیا گیا، جس کے تحت شہر میں ٹریفک کی روانی کو برقرار رکھا جائے گا۔
تفصیلات کے مطابق کراچی ٹریفک پولیس نے12ربیع الاوّل کے انتظامات کو حتمی شکل دے دی، ٹریفک حکام کا کہنا ہے کہ شہر بھر میں تمام شاہراہوں پر ٹریفک بلاتعطل بحال رکھی جائیگی۔
ترجمان ٹریفک پولیس کے مطابق اس حوالے سے5ایس پیز سمیت1019افسران اور اہلکار شاہراہوں پر تعینات کئے جائیں گے، کراچی کے شہری ہنگامی صورتحال یا مدد کیلئے ٹریفک پولیس ہیلپ لائن1915پر کال کرسکتے ہیں۔
ٹریفک پولیس کراچی کی جانب سے 12 ربیع الاول کے لیے کیے جانے والے انتظامات کوحتمی شکل دے دی گئی۔ شہر بھر سے برآمد ہونے والے جلوسوں اور منعقد کی جانے والی تقریبات کے باوجود تمام اہم شاہراہوں پر ٹریفک کی بلاتعطل روانی کو برقرار رکھنے کیلئے 5 ایس پیز سمیت 1019 افسران اور اہلکار pic.twitter.com/mOhPwstaka
— Karachi Traffic Police (@Khitrafficpol) October 8, 2022
ترجمان کا کہنا ہے کہ ڈی آئی جی ٹریفک پولیس کی جانب سے تمام ایس پیز اور ٹریفک سیکشن آفیسرز کو خصوصی ہدایت جاری کی گئی ہیں کہ جلوسوں کے روٹس سے کچھ فاصلے پر کار پارکنگ کو یقینی بنائیں۔
انہوں نے مزید کہا کہ 12ربیع الاول کے موقع پر شہری میوزک، گھڑ سواری، ون ویلنگ، تیز رفتاری اور غل غپاڑہ سے گریز کریں اور سٹی ٹریفک پولیس کے ساتھ تعاون کرکے معزز شہری ہونے کا ثبوت دیں۔
انہوں نے ہدایات دیں کہ سڑک پر کسی بھی قسم کی گاڑی کو غلط پارک نہ ہونے دیا جائے بلکہ مختص کردہ پارکنگ میں گاڑیاں پارک کی جائیں۔ عوام الناس سے التماس ہے کہ متبادل روٹس اختیار کریں۔ اپنے سفر کو محفوظ بنانے کے لیے ٹریفک قوانین کا احترام کریں۔
