ARYNews.tv | Urdu – Har Lamha Bakhabar

Tag: 14 august

  • ملک بھرمیں یومِ آزادی کی تقریبات کا انعقاد

    ملک بھرمیں یومِ آزادی کی تقریبات کا انعقاد

    اسلام آباد: ملک بھر میں 69 واں یومِ آزادی روایتی جوش و خروش اور جذبے سے منایا جارہاہے مرکزی تقریب جناح کنونشن سینٹر اسلام آباد میں منعقد ہوئی۔

    تفصیلات کے مطابق جناح کنونشن سنٹر اسلام آباد میں منعقد ہونے والی تقریب میں صدرِمملکت ممنون حسین، وزیراعظم نواز شریف اور آرمی چیف جنرل راحیل شریف سمیت اہم ملکی شخصیات شریک ہیں۔

    صدر ممنون حسین نے پرچم کشائی کرکے تقریب ک باضابطہ آغاز کیا۔

    صدرِمملکت اور وزیراعظم کے پیغامات

    صدرمملکت ممنون حسین اوروزیراعظم نوازشریف نے ملک کے 69 ویں یوم آزادی پر قوم دلی مبارکباد پیش کی ہے۔

    صدرمملکت نے قوم کے نام اپنے ایک پیغام میں کہا ہے کہ ’’آج کا دن ہمیں اپنے بزرگوں کی قربانیوں کو یاد رکھنے کا دن ہے‘‘۔

    انکا کہنا تھا کہ ہمارے زیادہ تر مسائل کاسبب تعلیم کے میدان میں پیچھے ہونا ہے۔

    وزیراعظم نے اپنے پیغام میں کہا ہے کہ ’’آزادی کی نعمت کے تحفظ کیلئےمعاشرے میں باہمی تعاون اورخیرسگالی کوفروغ دیناہوگا اور متحد ہوکرحصول پاکستان کےمقاصد حاصل کرنے ہوں گے‘‘۔

    ان کاکہناتھاکہ ’’آج خوداحتسابی کادن ہے ہمیں سوچناہوگاکہ ہم دوسری قوموں سے پیچھے کیوں ہیں‘‘۔

    وزیراعظم کاکہناتھاکہ ’’ہمیں ان عظیم شہیدوں کو یادرکھنا چاہیے جنہوں نےآزادی کی خاطر اپنا سب کچھ قربان کردیا‘‘۔

    گارڈز کی تبدیلی

    کراچی میں بانی پاکستان قائد اعظم محمد علی جناح کے مزار پر گارڈز کی تبدیلی کی پروقار تقریب کا انعقاد کیا گیا جس میں پاک بحریہ کے چاق و چوبند دستوں نے سلامی دیتے ہوئے اپنی ذمہ داریاں سنبھالی۔ مزارِقائدپر48کیڈٹس اور48سیلرزگارڈزنے فرائض سنھبال لئے۔

    تقریب کے مہمان خصوصی کموڈور نیول اکیڈمی فواد امین بیگ نے مزارِ قائد پر فاتحہ خوانی کی اور پھولوں کی چادر چڑھائی۔

    دوسری جانب لاہور میں بھی مزار اقبال پر گارڈز تبدیلی کی پروقار تقریب منعقد ہوئی جس کے مہمان خصوصی میجرجنرل طارق امان تھے۔ مزار اقبال پربلوچ رجمنٹ کی جگہ رینجرزکے چاک وچوبنددستے نے ذمہ داریاں سنبھال لیں۔

    یوم آزادی کا آغاز وفاقی اور صوبائی دارالحکومتوں میں توپوں کی سلامی اور مساجد میں سلامتی کی دعاؤں کے ساتھ ہوا۔ اسلام آباد میں اکتیس اور صوبائی دارالحکومتوں میں 21 توپوں کی سلامی دی گئی جبکہ مساجد میں نمازفجرکےبعد ملک کی سلامتی اور ترقی کیلئے خصوصی دعائیں مانگی گئیں۔

    پی ایف اکیڈمی رسالپورمیں پاک فضائیہ کی تاریخی آزادی پریڈ کی رنگارنگ تقریب ہوئی،اس موقع پرایئروائس مارشل عاصم ظہیر نےکہاکہ ملک دشمن عناصر سے نمٹنے کی بھرپورصلاحیت رکھتے ہیں۔

    ملک کے دیگر حصوں کی طرح شمالی وزیرستان میں بھی عوام جشن آزادی کی خوشیاں منا رہے ہیں، میر علی میں کرکٹ ٹورنامنٹ کھیلا گیا جس کو دیکھنے کے لئے کیا بچے کیا بڑے سب امڈ آئے، واضح رہے کہ میر علی میں آج 10 سال بعد جشنِ آزادی کی تقریب کا انعقاد کیا گیا جس میں قبائلی عمائدین سمیت عوام نے بڑی تعداد میں شرکت کی

    کوئٹہ میں ملی نمغوں، پاکستان کی ثقافتی رنگوں اور آتش بازی کے دلکش مظاہرے کے ساتھ یوم آزادی کا شاندار طریقے استقبال کیا گیا۔

    برطانوی ہائی کمشنر کی مبارک باد

    پاکستان میں مقیم برطانوی ہائی کمشنر فلپ بارٹن نے بھی اپنے ٹویٹر پیغام میں پاکستانی قوم کو آزادی کی مبارک باد دی۔

    #AzadiMubarak

  • آج ملک بھر میں یوم آزادی ملی جوش و جذبہ سے منایا جارہا ہے

    آج ملک بھر میں یوم آزادی ملی جوش و جذبہ سے منایا جارہا ہے

    کراچی: آج اہل ِ پاکستان اپنا انسٹھواں یوم ِ آزادی منارہے ہیں پاکستان میں یومِ آزادی جسے یوم استقلال بھی کہا جاتا ہے۔

    ہرسال 14 اگست کوبرطانوی راج اور ہندو سامراج سے آزادی کے دن کی نسبت سے منایا جاتا ہے۔ یہ وہ دن ہے جب پاکستان 1947ء میں انگلستان سے آزاد ہو کر معرض وجود میں آیا۔ 14 اگست کا دن پاکستان میں سرکاری سطح پر قومی تہوار کے طور پر بڑے دھوم دھام سے منایا جاتا ہے پاکستانی عوام اس روز اپنا قومی پرچم فضاء میں بلند کرتے ہوئے اپنے قومی محسنوں کو خراج تحسین پیش کرتے ہیں۔

    ملک بھر کی اہم سرکاری عمارات پر چراغاں کیا جاتا ہےاوراسلام آباد جو کہ پاکستان کادارالحکومت ہے، اس کو خاص طور پر سجایا جاتا ہے، اسکے مناظر کسی جشن کا سماں پیدا کر رہے ہوتے ہیں اور یہیں ایک قومی حیثیت کی حامل تقریب میں صدر پاکستان اور وزیرآعظم قومی پرچم بلند کرتے ہوئے اس بات کا عہد کرتے ہیں کہ ہم اس پرچم کی طرح اس وطن عزیز کو بھی عروج و ترقی کی بلندیوں تک پہنچائیں گے۔

    ان تقاریب کے علاوہ نہ صرف صدارتی اور پارلیمانی عمارات پر قومی پرچم لہرایا جاتا ہے بلکہ پورے ملک میں سرکاری اور نیم سرکاری عمارات پر بھی سبز ہلالی پرچم پوری آب و تا ب سے بلندی کا نظارہ پیش کر رہا ہوتا ہے۔ یوم اسقلال کے روز ریڈیواور ٹی وی پہ براہ راست صدر اور وزیراعظم پاکستان کی تقاریر کو نشر کیا جاتا ہے اور اس عہد کی تجدید کی جاتی ہے کہ ہم سب نے مل کراس وطن عزیز کو ترقی، خوشحالی اور کامیابیوں کی بلند سطح پہ لیجانا ہے۔

    سرکاری طور پر یوم آزادی انتہائی شاندار طریقے سے مناتے ہوئے اعلیٰ عہدہ دار اپنی حکومت کی کامیابیوں اور بہترین حکمت عملیوں کا تذکرہ کرتے ہوئے اپنے عوام سے یہ عہد کرتے ہیں کہ ہم اپنے تن من دھن کی بازی لگاکر بھی اس وطن عزیز کو ترقی کی راہ پر گامزن رکھیں گے اور ہمیشہ اپنے رہنما قائداعظم محمد علی جناح کے قول "ایمان، اتحاد اور تنظیم” کی پاسداری کریں گے۔

    سکولوں اور کالجوں میں بھی پرچم کشائی کی تقاریب کا انعقاد کیا جاتا ہے اور اس کے ساتھ ساتھ رنگارنگ تقاریب، تقاریر اور مذاکروں کا اہتمام بھی کیا جاتا ہے۔ گھروں میں بچوں ، جوانوں اور بوڑھوں کا جوش و خروش توقابل دید ہوتا ہے جہاں مختلف تقاریب کے علاوہ دوپہر اور رات کے کھانے کا بھی اہتمام کیا جاتا ہے۔

    بعد ازاں سیروتفریح سے بھی لطف اندوز ہوا جاتا ہے۔ رہائشی علاقوں ، ثقافتی اداروں اور معاشرتی انجمنوں کے زیر راہتمام تفریحی پروگرام تو انتہائی شاندار طریقے سے منائے جاتے ہیں علاوہ ازیں مقبرہء قائداعظم پر سرکاری طور پر گارڈ کی تبدیلی کی تقریب کا انعقاد ہوتا ہے ۔ اسی طرح واہگہ باڈر پر بھی ثقافتی تقاریب میں احترامی محافظوں کی تبدیلی کا عمل وقوع پزیر ہوتا ہے جبکہ غلطی سے واہگہ سرحد پار کرنے والے قیدیوں کی دوطرفہ رہائی بھی ہوتی ہے۔

  • جامعہ کراچی میں جشن آزادی کی بھرپور تقریبات

    جامعہ کراچی میں جشن آزادی کی بھرپور تقریبات

    کراچی: جامعہ کراچی میں جشن آزادی کی تقریبات بھرپور انداز میں منائی گئیں ، اساتذہ ، طلبا اور تدریسی و غیر تدریسی عملے نے پاکستان سے محبت کا والہانہ اظہار کیا۔

    کراچی میں جشن آزادی کی تیاریاں عروج پر ہیں، بڑوں کے ساتھ بچے بھی تیاریوں میں مشغول ہیں، تیرہ اگست کو جشن آزادی کی مناسبت سے جامعہ کراچی میں ہر سال کی طرح اس سال بھی تقریبات کا اہتمام کیا گیا۔

    یونیورسٹی میں ریلی کی مرکزی تقریب منعقد کی گئی تھی جس میں اساتذہ اورمختلف شعبہ جات کے طلبہ وطالبات نے بڑی تعداد میں شرکت کی۔

    اس موقع پر طلبہ کا کہنا ہے کہ کافی عرصے بعد کراچی کے عوام صحیح معنوں میں جشن آزادی روایتی جوش و جذبے سے منانا چاہتے ہیں کیونکہ اس سال دہشت گردی و ٹارگٹ کلنگ سمیت جرائم کے واقعات کم ہوئے ہیں اور شہر میں امن قائم ہوتا دکھائی دے رہا ہے ۔

    طلبہ کا کہنا تھا کہ ہم بھرپور یوم آزادی منانا چاہتے ہیں۔

  • کراچی میں یومِ آزادی پردہشت گردی کا بڑا منصوبہ ناکام

    کراچی میں یومِ آزادی پردہشت گردی کا بڑا منصوبہ ناکام

    راولپنڈی: سیکیورٹی فورسز نے یوم ِآزادی کے موقع پر کراچی میں دہشت گردی کا بڑا منصوبہ ناکام بناتے ہوئے اہم ملزمان کو گرفتار کرلیا۔

    تفصیلات کے مطابق آئی ایس پی آر کے ترجمان کا کہنا ہے کہ کراچی میں سیکیورٹی فورسز کی جانب سے اہم کاروائی کے دوران تحریک طالبان پاکستان کے کمانڈر سے متعدد غیر ملکی دہشت گرد گرفتار کرلئے گئے۔

    گرفتار شدگان میں تحریک طالبان سوات کا نائب امیر بخت زمان شامل ہے۔

    آئی ایس پی آر کے مطابق دہشت گردوں کا یہ گروہ کسی بڑی واردات کی تیاریوں میں مصروف تھا اور ان کی کئی ہفتوں سے نگرانی کی جارہی تھی ، تفتیش کے دوران یہ بات سامنے آئی کہ کالعدم تحریک طالبان سوات کا امیر خود کش بمباروں کا بندوبست کرنے کیلئے افغانستان میں موجود تھا ، جہاں سے خود کش بمبار کراچی لاکر یوم آزادی کے موقع پر دہشت گردی کی بڑے پیمانے پر وارداتیں کی جانا تھیں ،ان دہشت گردوں کو غیر ملکی مدد بھی حاصل تھی۔

    گرفتار شدہ دہشت گردوں کے پاس سے بارود سے بھری ہوئی ہائی روف کار اور موٹر سائیکل کے ساتھ ساتھ خود کش جیکٹیں اور بارودی مواد برآمد ہوا ہے۔

    گرفتار شدہ ملزمان سے ابتدائی تفتیش کے نتیجے میں کراچی اور حیدر آباد میں بڑے پیمانے پر سرچ آپریشن شروع کیا جارہا ہے اور دہشت گردوں کا بڑا نیکسز پکڑے جانے کا امکان ہے۔

    ذرائع کا کہنا ہے کہ ملزمان 14 اگست پر بڑے پیمانے پر دہشت گردی کرکے ملک میں قائم امن وامان کی فضا کو تہہ و بالا کرنا چاہتے تھے۔

    ترجمان کے مطابق کئی ہفتوں کی نگرانی کے بعد سکیورٹی فورسز نے 9اگست کو کراچی اور حیدر آباد میں بیک وقت کارروائیاں کرکے دہشت گردوں کا گرفتار کر لیا گیا ، دوران تفتیش اہم انکشافات کی توقع کی جارہی ہے ۔

  • ایم کیوایم کے وفدکو احتجاج کے بعد جانےکی اجازت مل گئی

    ایم کیوایم کے وفدکو احتجاج کے بعد جانےکی اجازت مل گئی

    لاہور:حکومت پنجاب نے فیصل چوک پرایم کیوایم کی جانب سے بھیجا جانےوالا راشن احتجاج کےبعد ماڈل ٹاؤن لےجانےکی اجازت دیدی۔

    ایم کیوایم کا وفد منہاج القرآن کےباہرجمع افراد کےلئےکھانا اوردیگرامدادی سامان لیکرماڈل ٹاؤن پہنچا توانتظامیہ نےاسےآگےجانےسےروک دیا،ایم کیوایم کےاحتجاج کےبعد حکام نےایم کیوایم کے وفد کو کھانا لے جانےکی اجازت دیدی جس کےبعد ایم کیوایم کے وفد نےکھانا منہاج القرآن کےعہدیداروں کے حوالے کیا۔

    پاکستان عوامی تحریک کے رہنماؤں نےتمام ترمشکلات کے باوجود کھانا پہنچانےپرایم کیوایم کی قیادت کاشکریہ اداکیا،دوسری جانب گورنرپنجاب چوہدری محمدسرورنے متحدہ قومی موومنٹ کےقائدالطاف حسین سے فون پررابطہ کیا اورموجودہ سیاسی صورتحال پر تفصیلی تبادلہ خیال کیا۔ایم کیو ایم کے قائد الطاف حسین نے گورنر پنجاب سے گفتگوکرتےہوئےکہا کہ سیاسی بحران کےخاتمے کیلئےتجاویز پیش کرنے کے باوجودمعاملات آگے نہیں بڑھ رہے۔

    الطاف حسین نےکہا کہ وفاقی حکومت نےاعلان کے باوجود لاہوراورماڈل ٹاؤن سےاب تک رکاوٹیں نہیں ہٹائیں،انہوں نےموجودہ بحران کو دانشمندی سے حل کرانے کیلئے گورنر پنجاب سے کردار اداکر نے کی اپیل بھی کی، گورنر پنجاب کا کہنا تھا کہ وہ بحران کے خاتمے کیلئےاپنا کردار اداکرنے کو تیار ہیں۔

  • کراچی میں دہشت گردی کےواقعات تھم نہ سکے

    کراچی میں دہشت گردی کےواقعات تھم نہ سکے

    کراچی:شہرقائد میں دہشت گردی کےواقعات تھم نہ سکےڈیفنس سوسائیٹی میں سپریم کورٹ کے وکیل کے گھرکو نامعلوم افرادنےآگ لگادی جبکہ فائیواسٹارچورنگی کےقریب دہشت گردوں کے پولیس موبائل پرکریکرحملے سےدواہلکارزخمی ہوگئے۔

    ذرائع کےمطابق علی الصباح کراچی کےعلاقےڈیفنس فیزفائیو میں ایڈووکیٹ سپریم کورٹ اشفاق حسین رضوی کےگھرکونامعلوم افردنےآتش گیرمادہ چھڑک کرآگ لگا دی، آگ لگنےکےباعث گھرکی پرپارکنگ میں کھڑی دوگاڑیاں جل کر راکھ ہوگئیں جبکہ اہل خانہ نے چھت پرچڑھ کرجانیں بچائیں گاڑیوں میں لگنےوالی آگ کو فائربرگیڈ نے بجھایا۔

    ایڈووکیٹ اشفاق حسین کا کہنا ہےکہ انھیں کسی قسم کی کوئی دھمکی نہیں ملی تاہم ان کے پاس سول ایوی ایشن اتھارٹی،پی آئی اے،اور ٹریڈنگ کارپوریشن آف پاکستان سے متعلق کیسز موجود ہیں۔

    دہشت گردی کے دوسرے واقعہ میں نارتھ ناظم آباد میں فائیو اسٹارچورنگی کے قریب کھڑی پولیس موبائل پردہشت گردوں نےکریکرسےحملہ کردیا،جس کی ذد میںآکر مو بائل میں موجود دو پولیس اہلکار زخمی ہوگئے، جنھیں طبی امداد دینے کے لئے اسپتال منتقل کردیا گیا، حملے میں پولیس موبائل کو بھی نقصان پہنچا ہے۔

  • سندھ اسمبلی میں جشن آزادی،آتش بازی کا شاندار مظاہرہ

    سندھ اسمبلی میں جشن آزادی،آتش بازی کا شاندار مظاہرہ

    اسلام آباد:ملک بھرمیں یوم آزادی پورے جوش وجذبےسےمنایا جارہا ہے سندھ اسمبلی کی عمارت کوبھی بہت خوبصورتی سےسجایا گیا تھا،اس موقع پرآتش بازی کا شاندار مظاہرہ کیا گیا۔

    پورےملک میں جشن آزادی کی تقریبات کا شاندارآغازہوا، سندھ اسمبلی کی عمارت کو خوبصورتی سےسجایا گیا،اس موقع پرآ تش بازی کا شا ندارمظاہرہ کیا گیا جس سے آسمان پرقوس وقزح کےرنگ بکھر گئے،اس مو قع پرسندھ اسمبلی میں جشن آزادی کے حوالے سے پروقارتقریب منعقد کی گئی، سندھ اسمبلی میں پیپلزپارٹی،ایم کیو ایم،مسلم لیگ فنکشنل کےاراکین اسمبلی اوراسمبلی اسٹاف نے شمعیں روشن کیں،ملی نغمے گا ئے گئے۔

    آتش بازی کے شاندار مظاہرےکےبعدسندھ اراکین اسمبلی نےملک کےاستحکام،ترقی اور خوشحالی کےلئےدعائیں بھی کیں۔

  • آج ملک بھر میں یوم آزادی جوش و خروش سے منایا جارہا ہے

    آج ملک بھر میں یوم آزادی جوش و خروش سے منایا جارہا ہے

    کراچی (ویب ڈیسک) – آج اہل ِ پاکستان اپنا اڑسٹھواں یوم ِ آزادی منارہے ہیں پاکستان میں یومِ آزادی جسے یوم استقلال بھی کہا جاتا ہے ہرسال 14 اگست کوبرطانوی راج اور ہندو سامراج سے آزادی کے دن کی نسبت سے منایا جاتا ہے۔ یہ وہ دن ہے جب پاکستان 1947ء میں انگلستان سے آزاد ہو کر معرض وجود میں آیا۔ 14 اگست کا دن پاکستان میں سرکاری سطح پر قومی تہوار کے طور پر بڑے دھوم دھام سے منایا جاتا ہے پاکستانی عوام اس روز اپنا قومی پرچم فضاء میں بلند کرتے ہوئے اپنے قومی محسنوں کو خراج تحسین پیش کرتے ہیں۔ ملک بھر کی اہم سرکاری عمارات پر چراغاں کیا جاتا ہےاوراسلام آباد جو کہ پاکستان کادارالحکومت ہے، اس کو خاص طور پر سجایا جاتا ہے، اسکے مناظر کسی جشن کا سماں پیدا کر رہے ہوتے ہیں۔ اور یہیں ایک قومی حیثیت کی حامل تقریب میں صدر پاکستان اور وزیرآعظم قومی پرچم بلند کرتے ہوئے اس بات کا عہد کرتے ہیں کہ ہم اس پرچم کی طرح اس وطن عزیز کو بھی عروج و ترقی کی بلندیوں تک پہنچائیں گے۔

    ان تقاریب کے علاوہ نہ صرف صدارتی اور پارلیمانی عمارات پر قومی پرچم لہرایا جاتا ہے بلکہ پورے ملک میں سرکاری اور نیم سرکاری عمارات پر بھی سبز ہلالی پرچم پوری آب و تا ب سے بلندی کا نظارہ پیش کر رہا ہوتا ہے۔ یوم اسقلال کے روز ریڈیواور ٹی وی پہ براہ راست صدر اور وزیراعظم پاکستان کی تقاریر کو نشر کیا جاتا ہے اور اس عہد کی تجدید کی جاتی ہے کہ ہم سب نے مل کراس وطن عزیز کو ترقی، خوشحالی اور کامیابیوں کی بلند سطح پہ لیجانا ہے۔

    سرکاری طور پر یوم آزادی انتہائی شاندار طریقے سے مناتے ہوئے اعلیٰ عہدہ دار اپنی حکومت کی کامیابیوں اور بہترین حکمت عملیوں کا تذکرہ کرتے ہوئے اپنے عوام سے یہ عہد کرتے ہیں کہ ہم اپنے تن من دھن کی بازی لگاکر بھی اس وطن عزیز کو ترقی کی راہ پر گامزن رکھیں گے اور ہمیشہ اپنے رہنما قائداعظم محمد علی جناح کے قول "ایمان، اتحاد اور تنظیم” کی پاسداری کریں گے۔

    سکولوں اور کالجوں میں بھی پرچم کشائی کی تقاریب کا انعقاد کیا جاتا ہے اور اس کے ساتھ ساتھ رنگارنگ تقاریب، تقاریر اور مذاکروں کا اہتمام بھی کیا جاتا ہے۔ گھروں میں بچوں ، جوانوں اور بوڑھوں کا جوش و خروش توقابل دید ہوتا ہے جہاں مختلف تقاریب کے علاوہ دوپہر اور رات کے کھانے کا بھی اہتمام کیا جاتا ہے اور بعد ازاں سیروتفریح سے بھی لطف اندوز ہوا جاتا ہے۔ رہائشی علاقوں ، ثقافتی اداروں اور معاشرتی انجمنوں کے زیر راہتمام تفریحی پروگرام تو انتہائی شاندار طریقے سے منائے جاتے ہیں علاوہ ازیں مقبرہء قائداعظم پر سرکاری طور پر گارڈ کی تبدیلی کی تقریب کا انعقاد ہوتا ہے ۔ اسی طرح واہگہ باڈر پر بھی ثقافتی تقاریب میں احترامی محافظوں کی تبدیلی کا عمل وقوع پزیر ہوتا ہے جبکہ غلطی سے واہگہ سرحد پار کرنے والے قیدیوں کی دوطرفہ رہائی بھی ہوتی ہے۔

  • جاوید ہاشمی مارچ سےعلیحدہ نہیں ہوئے،شیریں مزاری

    جاوید ہاشمی مارچ سےعلیحدہ نہیں ہوئے،شیریں مزاری

    لاہور:تحریک انصاف کےصدرمخدوم جاوید ہاشمی آزادی مارچ سےالگ ہوکرملتان چلے گئے ہیں،شیریں مزاری کہتی ہیں جاوید ہاشمی مارچ سےعلیحدہ نہیں ہوئے اعجازچودھری کہتے ہیں جاویدہاشمی خودافواہوں کی تردیدکرینگے

    تحریک انصاف کےصدرجاوید ہاشمی لانگ مارچ کے حوالے سےتحفظات پر پارٹی   چئیرمین عمران خان اورشاہ محمود قریشی سے اختلافات کے بعد قیادت سے ناراض ہوکر ملتان واپس چلے گئے ہیں۔

    تحریک انصاف کےصدر جاوید ہاشمی کی آزادی مارچ سےعلیحدگی کی اطلاعات کے بعد ترجمان تحریک انصاف شیریں مزاری نےجاویدہاشمی کےآزادی مارچ سےمتعلق اطلاعات کو بےبنیاد قرار دیا ہے۔

    آزادی مارچ پر پوری قیادت متفق ہے اور کوئی اختلاف موجود نہیں ہے، جبکہ تحریک انصاف پنجاب کےصدراعجازچودھری کا میڈیا سےگفتگومیں کہنا تھا کہ جاوید ہاشمی طبیعت ناسازہونےکی بنا پرآرام کررہے ہیں ،طبیعت ٹھیک ہونے پر خود میڈیا سے گفتگو کریں گےاورآزادی مارچ کی قیادت کریں گے۔

  • وزیراعظم نواز شریف آج قوم سے خطاب کریں گے

    وزیراعظم نواز شریف آج قوم سے خطاب کریں گے

    اسلام آباد:وزیراعظم نوازشریف آج قوم سےخطاب کریں گے،جس میں وزیراعظم ملک کی سیاسی صورتحال پرقوم کواعتماد میں لیں گے۔

    وزیراعظم پاکستان کےمعاون خصوصی عرفان صدیقی کا کہنا ہے کہ وزیراعظم اپنے خطاب میں حکومت کی کارکردگی قوم کےسامنے رکھیں گے اورسیاسی صورتحال پر قوم کواعتماد میں لیں گے۔

    وزیراعظم کے خطاب کا وقت رات آٹھ بجےطے ہوا ہے، وزیراعظم یہ خطاب ایسے وقت کر رہے ہیں جب پاکستان تحریک انصاف اور پاکستان عوامی تحریک آزادی اور انقلاب مارچ کرنے جا رہی ہیں۔

    عمران خان نے وزیراعظم کے استعفے اور وسط مدتی انتخابات کا مطالبہ کررکھا ہے، اورحکومت کی جانب سے بات چیت کی پیشکش مستردکر رکھی ہے۔