ARYNews.tv | Urdu – Har Lamha Bakhabar

Tag: 14-day judicial remand

  • مریم نوازکی پیشی پر ہنگامہ آرائی ، گرفتار58 لیگی کارکنان 14 روزہ جوڈیشل ریمانڈ پرجیل منتقل

    مریم نوازکی پیشی پر ہنگامہ آرائی ، گرفتار58 لیگی کارکنان 14 روزہ جوڈیشل ریمانڈ پرجیل منتقل

    لاہور: مسلم لیگ ن کی نائب صدر مریم نواز کی پیشی کے دوران ہنگامہ آرائی کے الزام میں گرفتار58 لیگی کارکنان کو 14 روزہ جوڈیشل ریمانڈ پر جیل بھیج دیا گیا ، گرفتار افراد میں (ن)لیگ کےایم پی اےعدنان فریدبھی شامل ہیں۔

    تفصیلات کے مطابق مطابق جوڈیشل مجسٹریٹ ذوالفقار باری کی عدالت میں مریم نوازکی پیشی کے دوران ہنگامہ آرائی کے الزام میں گرفتار58 لیگی کارکنان کو پیش کیا گیا ، ،وکیل ملزمان نے کہا پرامن احتجاج ہر شہری کا بنیادی حق ہے ، پولیس نے غیر قانونی طور ہر مقدمے میں ملوث کیا ،عدالت ملزمان کو مقدمہ میں سے ڈسچارج کرنے کا حکم دے۔

    جس کے بعد عدالت نے 58 لیگی کارکنان کو14روزہ جوڈیشل ریمانڈپرجیل بھیج دیا ، گرفتار افرادمیں (ن)لیگ کےایم پی اےعدنان فریدبھی شامل ہیں، لیگی کارکنان کونیب دفترکےباہرپتھراؤ کے الزام میں گرفتار کیا گیا تھا۔

    مزید پڑھیں: نیب پیشی پر ہنگامہ آرائی، مریم نواز اور 300 افراد کے خلاف مقدمہ درج

    یاد رہے مریم نواز کی نیب میں پیشی کے موقع پر صورتحال کشیدہ ہوگئی تھی، نیب دفتر کے باہر لیگی کارکنان کی جانب سے پولیس پر پتھراؤ کیا گیا جبکہ لیگی کارکنوں نے نیب دفتر کے باہر رکاوٹیں ہٹادیں تھیں۔

    پولیس کی جانب سے لیگی کارکنوں کومنتشر کرنے کیلئے نیب آفس کے باہر واٹر کینن بھی طلب کی تھی، لیگی کارکنان گاڑی ایل ای 3378میں پتھر سےبھرے شاپرلیکرآئے تھے ، لیگی کارکنوں نے گاڑی کےاندر سے پتھر نکال کر پولیس پر برسائے تھے۔

    لیگی کارکنوں کے پتھراؤ کے باعث نیب دفتر پرکھڑیوں کے شیشےٹوٹ گئے جبکہ لیگی کارکنان نے نیب دفتر کے باہر بیریئر بھی توڑنےکی کوشش کی تھی۔

  • رمضان شوگرملز کیس : عدالت نے حمزہ شہباز کو 20 جولائی تک جوڈیشل ریمانڈ پر جیل بھجوا دیا

    رمضان شوگرملز کیس : عدالت نے حمزہ شہباز کو 20 جولائی تک جوڈیشل ریمانڈ پر جیل بھجوا دیا

    لاہور : احتساب عدالت نے رمضان شوگر ملز کیس میں اپوزیشن لیڈر پنجاب اسمبلی  حمزہ شہباز کے جسمانی ریمانڈ کی استدعا مسترد کرتے ہوئے  بیس جولائی تک جوڈیشل ریمانڈ پر جیل بھجوا دیا، نیب کی جانب سےحمزہ شہبازکےجسمانی ریمانڈکی استدعاکی گئی تھی۔

    تفصیلات کے مطابق لاہور کی احتساب عدالت کے جج ارشد نعیم نے رمضان شوگر ملز کیس کی سماعت کی، نیب ٹیم نے حمزہ شہباز کو عدالت کے روبرو پیش کیا۔ شہباز شریف بھی موجود تھے۔

    نیب پراسیکیوٹر کی جانب سے حمزہ شہباز کے جسمانی ریمانڈ میں 15 روز کی توسیع کی استدعا کی گئی تو عدالت نے استفسار کیا آپ بتائیں کہ جسمانی ریمانڈ میں توسیع کس لیے چاہیئے۔

    نیب پراسیکیوٹر وارث جنجوعہ نے کہا کہ کچھ افراد سے حمزہ شہباز کی موجودگی میں تفتیش کرنی ہے، رمضان شوگر ملز کے سی ایف او سمیت دیگر افراد سے تفتیش باقی ہے۔

    حمزہ شہباز کے وکیل نے کہا کہ جن افراد کو شامل تفتیش کرنا چاہتے ہیں وہ نیب میں پیش ہو رہے ہیں، کمپنی کے سی ایف او کا آج تک کہیں بھی نام نہیں آیا،کمپنی کو میاں شریف اور عباس شریف دیکھتے رہے، دونوں فوت ہو چکے ہیں۔

    شہباز شریف کے وکیل نے مؤقف اختیار کیا کہ رمضان شوگر ملز نالے کی تعمیر میں شہباز شریف یا حمزہ شہباز کا کوئی کردار نہیں۔ مقامی ایم پی اے رحمت اللہ کی درخواست پر نالہ تعمیر کیا گیا، جس کا مقصد مقامی افراد کے لئے سیوریج کی بہتر سہولت فراہم کرنا تھی، شہباز شریف اور حمزہ شہباز انکوائری میں شامل ہوئے مگر گرفتار کر لیا گیا، الزامات مکمل بے بنیاد ہیں۔

    حمزہ شہباز کے وکیل نے کہا کہ آج نیب کہتا ہے کہ حمزہ شہباز تعاون نہیں کر رہے جبکہ ہائی کورٹ میں تحریری طور پر نیب نے بتایا کہ حمزہ مکمل تعاون کر رہے ہیں۔ استدعا ہے کہ حمزہ شہباز کا مزید جسمانی ریمانڈ نہ دیا جائے۔

    دلائل کے بعد عدالت نے رمضان شوگر ملز کیس میں حمزہ شہباز کے جسمانی ریمانڈ کی استدعا مسترد کر دی اور بیس جولائی تک جوڈیشل ریمانڈ پر جیل بھجوا دیا۔

    خیال رہے حمزہ شہباز آمدن سے زائد اثاثہ جات کیس میں نیب کے پاس جسمانی ریمانڈ پر ہیں۔

  • منشیات برآمدگی کا الزام :عدالت نے رانا ثنا اللہ کو 14 روزہ جوڈیشل ریمانڈ پر جیل بھجوا دیا

    منشیات برآمدگی کا الزام :عدالت نے رانا ثنا اللہ کو 14 روزہ جوڈیشل ریمانڈ پر جیل بھجوا دیا

    لاہور : عدالت نے مسلم لیگ ن کےگرفتار رکن قومی اسمبلی راناثنا اللہ کو14دن کےجوڈیشل ریمانڈپرجیل بھجوادیا ، راناثنااللہ پرگاڑی سے15 کلو ہیروئن سمیت 21  کلو منشیات برآمد ہونے کا الزام ہے۔

    تفصیلات کے مطابق اے این ایف حکام نے مسلم لیگ ن کےگرفتار رکن قومی اسمبلی راناثنا اللہ کو ضلع کچہری پہنچا اور جوڈیشل مجسٹریٹ کی عدالت میں پیش کیا، اے این ایف کی جانب سے جسمانی ریمانڈ کی استدعا نہیں کی گئی۔

    جس کے بعد عدالت نے راناثنااللہ سمیت 6ملزمان کو 14دن کے جوڈیشل ریمانڈ پر جیل بھجوادیا، دیگر ملزمان میں اکرم،عمر فاروق،عامررستم، عثمان احمد اور سبطین خان شامل ہیں۔

    عدالت نے رانا ثناللہ سمیت 6ملزمان کو 16 جولائی کو پیش کرنے کی ہدایت بھی کی۔

    رانا ثنااللہ کی پیشی پر ضلع کچہری میں سخت سیکیورٹی کے انتظامات کئے گئے ہیں اور پولیس کی بھاری نفری تعینات رہی جبکہ غیر متعلقہ افراد کو عدالت جانے سے روک دیا گیا تھا۔

    اینٹی نارکوٹکس فورس نے رانا ثنا اللہ کےخلاف مقدمہ درج کرلیا

    دوسری جانب اینٹی نارکوٹکس فورس نے رانا ثنا اللہ کےخلاف مقدمہ درج کرلیا ہے ، ایف آئی آر میں کہا گیا رانا ثنا اللہ کی گاڑی سے 21 کلو سے زائد منشیات برآمد ہوئی ، برآمد منشیات میں 15 کلو ہیروئن بھی شامل ، روکنے پر راناثنااللہ نے اہلکاروں کے ساتھ ہاتھا پائی کی۔

    ایف آئی آر کے متن میں کہا گیا رانا ثنا اللہ نےاختیارات کاناجائز فائدہ اٹھاتے ہوئے منشیات اسمگلنگ کی کوشش کی۔

    یاد رہے گزشتہ روز انسداد منشیات فورس نے رانا ثنا اللہ کو اسلام آباد سےلاہورجاتےہوئےموٹر وے سے حراست میں لیا تھا ، راناثنااللہ کی گاڑی سے بھاری مقدار میں ہیروئن برآمد ہوئی تھی ، جس کے بعد ترجمان اے این ایف نے گرفتاری کی تصدیق کردی تھی۔

    اے این ایف ذرائع کے مطابق گرفتار اسمگلر نے دوران تفتیش راناثنا اللہ کا منشیات اسمگلنگ میں معاونت کاانکشاف کیاتھا اور گرفتاری کےوقت راناثنااللہ کی گاڑی سے بھاری مقدارمیں ہیروئن بھی برآمدکی گئی۔

    مزید پڑھیں :اے این ایف نے رانا ثنا اللہ کو حراست میں لے لیا

    ذرائع کا کہنا تھا رانا ثناکے منشیات فروشوں سے تعلقات، منشیات کی اسمگلنگ سے حاصل رقم کالعدم تنظیموں کوفراہم کرنے کے ثبوت ہیں، رانا ثنا اللہ کے منشیات فروشوں سے رابطوں سے متعلق آٹھ ماہ سے تفتیش کی جارہی تھی، ایک ماہ قبل رانا ثنااللہ کے فرنٹ مین اورفیصل آباد ایئرپورٹ سے بھی دو افراد کوگرفتار کیاگیا۔

    گرفتارافراد نے انکشاف تھا کہ رانا ثنااللہ کے ساتھ چلنےوالی گاڑیوں میں منشیات اسمگل کی جاتی ہے، فیصل آباد ایئرپورٹ بھی منشیات اسمگلنگ کے لیے استعمال کیا جاتا تھا۔

    اے این ایف ذرائع نے بتایارانا ثناکی گاڑی کےذریعہ منشیات اسمگلنگ کی انٹیلی جنس اطلاع پر کارروائی کی گئی،گرفتاری کےوقت رانا ثنا کے ساتھ گاڑی میں اہلیہ اور قریبی عزیز بھی تھا، رانا ثنا کو مزید تفتیش کے لئے اسلام آباد منتقل کیا جائےگا۔