اسلام آباد : پاکستان اور چینی کمپنی کے درمیان آٹھ ہزار تیس میگاواٹ کےچودہ پاور پلانٹس لگانے کے منصوبوں پر دستخط ہوگئے۔
پاکستان میں بجلی بحران پر قابو پانے کیلئے چین نے اپنی دوستی نبھا دی۔ اسلام آباد میں پاکستان اور چینی کمپنی کے درمیان چھ سو ساٹھ میگاواٹ کےدو منصوبوں پردستخط ہوگئے۔
دونوں ملکوں کے درمیان سات ہزار تین سو تیس میگاواٹ کے پاور پلانٹس کےبارہ منصوبوں کےوڈیولنک کےذریعےمعاہدے بھی کئے گئے۔
سات سو میگاواٹ کا کروٹ پاور پلانٹ، یو ای پی کا ہنڈریڈ میگاوٹ کا ونڈ پاور پلانٹ ،پچاس میگاواٹ کا سچل پاور پلانٹ کامنصوبہ، ہائیڈرو چائنا کا پچاس اور قائدہ اعظم سولر پارک کے ایک ہزار میگاواٹ کے منصوبوں کے معاہدے بھی کئے گئے۔
پورٹ قاسم پر تین سو بیس میگاواٹ کے کول پاور ، حبکو کا چھ سو ساٹھ میگاواٹ پاور پلانٹ ، تیرہ سو بیس میگاواٹ کے ایس ای سی تھر کو ل پاور ، چھ سو ساٹھ میگاواٹ کا اینگرو تھر پاور پلانٹ، سکی کناری آٹھ سو ستر میگا واٹ کا منصوبہ ، تیرہ سو بیس میگاواٹ کا ساہیوال کول پار پلانٹس اور سالٹ رینج تین سومیگاوٹ کے کول پلانٹ کے معاہدے بھی کئے گئے۔
پاکستان اور چین کے درمیان مٹیاری سے لاہور ٹرانسمیشن لائن کے منصوبوں کے مالیاتی امور طے پا گئے ہیں، صرف دستاویزات کا تبادلہ باقی ہے۔
