Tag: 16 افراد ہلاک

  • تارکین وطن کی کشتیاں ڈوبنے سے 16 افراد ہلاک

    تارکین وطن کی کشتیاں ڈوبنے سے 16 افراد ہلاک

    ترکیہ اور یونان میں تارکین وطن کی کشتیاں ڈوبنے سے دو خواتین سمیت 16 افراد جان سے گئے۔

    بین الاقوامی خبر رساں ادارے کی رپورٹ کے مطابق ترک حکام کا اس حوالے سے کہنا تھا کہ تارکین وطن کی کشتی چناق قلعہ کے شہر کے سمندری حدود میں ڈوبی ہیں۔

    دوسری کشتی یونانی جزیرے لیسبوس کے قریب حادثے کا شکار ہوئی، ڈوبنے والے 48 افراد کوبچا لیا گیا، حادثے کے شکار افراد کی شناخت کے بارے میں ابھی تک معلوم نہ ہوسکا۔

    خیال رہے کہ دسمبر 2024 میں جزیرے کریٹ کے قریب کشتی الٹنے سے 35 پاکستانیوں سمیت 40 افراد ڈوب گئے تھے۔

    نومبر 2024 کے اواخر میں ساموس اور لیسبوس جزیروں کے قریب دو کشتیاں ڈوبنے سے 6 بچوں اور 2 خواتین سمیت 9 تارکین وطن ہلاک ہو گئے تھے۔

    رپورٹ کے مطابق گزشتہ سال تقریباً 54,000 افراد یونان پہنچے، جن میں سے زیادہ تر افراد کشتیوں کے ذریعے پہنچ تھے۔

    امریکی ٹیرف کے جواب میں کینیڈا کا سخت ردِ عمل سامنے آگیا

    ریفیوجی سپورٹ ایجین (آر ایس اے) کی ایک رپورٹ کے مطابق 2024 میں بحیرہ ایجیئن میں کم از کم 171 افراد ہلاک یا لاپتہ ہوئے ہیں۔

  • پاکستان کا کینیڈا میں فائرنگ سے انسانی جانوں کے ضیاع پر دکھ کا اظہار

    پاکستان کا کینیڈا میں فائرنگ سے انسانی جانوں کے ضیاع پر دکھ کا اظہار

    اسلام آباد: ترجمان دفتر خارجہ نے کینیڈا میں فائر نگ واقعے میں ہونے والی ہلاکتوں پر دکھ اور افسوس کا اظہار کیا ہے۔

    تفصیلات کے مطابق ترجمان دفتر خارجہ عائشہ فاروقی نے کینیڈا کے علاقے نووا سکوشیا میں فائرنگ سے انسانی جانوں کے ضیاع پر دکھ کا اظہار کیا ہے۔

    ترجمان نے کہا کہ ہم اس واقعے پر اظہار ہمدردی و تعزیت کرتے ہیں اور فائرنگ کے واقعے میں نشانہ بننے والے بے گناہوں کے اہل خانہ کے دکھ میں شریک ہیں۔ عائشہ فارقی نے مزید کہا کہ دکھ کی اس گھڑی میں کینیڈا کے عوام اور حکومت کے ساتھ ہیں۔

    کینیڈا میں فائرنگ سے پولیس افسر سمیت 16 افراد ہلاک

    یاد رہے کہ گزشتہ روز کینیڈا کے صوبے نووا سکوشیا میں پولیس کی وردی میں ملبوس حملہ آور کی فائرنگ سے خاتون پولیس اہلکار سمیت 16 افراد ہلاک ہوگئے تھے۔ پولیس نے جوابی کارروائی کرتے ہوئے مشتبہ حملہ آور کو بھی ہلاک کردیا۔

    اس سے قبل گزشتہ سال کینیڈا کے شہر کیوبک میں مسجد میں فائرنگ کرکے 6 نمازیوں کو شہید کرنے والے ملزم کو عمر قید کی سزا سنائی گئی تھی۔

  • بنگلہ دیش میں ٹرینوں کے درمیان تصادم، 16 افراد ہلاک

    بنگلہ دیش میں ٹرینوں کے درمیان تصادم، 16 افراد ہلاک

    ڈھاکہ:: بنگلہ دیش کے ضلع براھمن بریا میں دو مسافر ٹرینوں کے درمیان تصادم کے نتیجے میں 16 افراد ہلاک جبکہ 40 سے زائد زخمی ہوگئے۔

    تفصیلات کے مطابق بنگلہ دیش کے ضلع براھمن بریا میں دو مسافر ٹرینوں کے درمیان تصادم ہوا، حادثے میں 16 افراد جان کی بازی ہار گئے جبکہ درجنوں افراد زخمی ہوگئے۔ افسوس ناک واقعے کی اطلاع ملتے ہی امدادی ٹیمیں جائے وقوعہ پر پہنچیں اور زخمیوں کو اسپتال منتقل کیا جہاں انہیں طبی امداد دی جا رہی ہے۔

    بنگلہ دیشی پولیس حکام کے مطابق رات تقریباََ 2 بجے اُدین ایکسپریس پلیٹ فارم پر پہنچنے والی تھی کہ دوسری ٹرین سے ٹکرا گئی، تصادم سے ٹرین کی 2 بوگیوں کو شدید نقصان پہنچا ہے۔

    ریلوے حکام کا کہنا ہے کہ ایسا حادثہ صرف اس صورت میں ممکن ہے جب ٹرین کے ڈرائیور نے سگنل توڑا ہو تاہم واقعے کی وجوہات سامنے آنا باقی ہیں۔

    یاد رہے کہ رواں سال جون میں بنگلہ دیش کے شمال مشرقی علاقے میں ریل گاڑی پٹری سے اتر گئی تھی جس کے نتیجے میں 5 افراد ہلاک اور 100 افراد زخمی ہوگئے تھے، حادثہ ضلع مولوی بازار میں ڈھاکہ سے 203 کلو میٹر دور پیش آیا تھا۔

    ریلوے حکام کا کہنا تھا کہ ٹرین دھاکہ سے سلہٹ جا رہی تھی کہ اس کا ایک ڈبہ پٹری سے اتر کر نہر میں جاگرا تھا جبکہ 2 ڈبے نہر کے کنارے پر گرے تھے۔

     

  • امریکا میں فائرنگ کے مختلف واقعات، 16 افراد ہلاک

    امریکا میں فائرنگ کے مختلف واقعات، 16 افراد ہلاک

    واشنگٹن : امریکا میں چوبیس گھنٹے کے دوران ملک کی مختلف ریاستوں میں فائرنگ کے اکسٹھ واقعات ریکارڈ ہوئے۔

    تفصیلات کے مطابق امریکہ کی مختلف ریاستوں میں فائرنگ کے واقعات میں سولہ افراد ہلاک ہو گئے۔ غیرملکی خبررساں ادارے کے مطابق فائرنگ کے واقعات درج کرنے والے امریکی مرکز نے بتایاکہ پچھلے چوبیس گھنٹے کے دوران ملک کی مختلف ریاستوں میں فائرنگ کے اکسٹھ واقعات ریکارڈ ہوئے جن میں سولہ افراد ہلاک اور اڑتیس دیگر زخمی ہو گئے۔

    رپورٹ میں کہا گیا ہے کہ جن ریاستوں میں فائرنگ کے واقعات پیش آئے ان میں ٹیکساس، ٹینسی، نیوجرسی اور پنسیلوانیا شامل ہیں۔

    غیر ملکی خبر رساں ادارے کا کہنا تھا کہ امریکہ میں اسلحہ رکھنے کی مکمل آزادی ہے جس کی وجہ سے فائرنگ کے واقعات اس ملک میں معمول بن گئے ہیں۔

    امریکہ میں فائرنگ کے واقعات میں ہر سال ہزاروں افراد ہلاک اور زخمی ہو جاتے ہیں، طاقتور اسلحہ لابی کے دباؤ اور اثر و رسوخ کی وجہ سے کوئی بھی حکومت، ملک میں گن کنٹرول قوانین وضع کرنے میں کامیاب نہیں ہو سکی ہے۔

    امریکا: اسکول میں فائرنگ، 8 طالب علم شدید زخمی

    یاد رہے کہ گزشتہ ماہ امریکا کی ریاست کولوراڈو میں ایک اسکول میں دو مشتبہ افراد کی فائرنگ سے آٹھ طالب علم زخمی ہوگئے تھے، پولیس نے بروقت کارروائی کرکے حملہ آوروں کو گرفتار کرلیا تھا۔

    غیر ملکی خبر رساں ادارے کا کہنا ہے کہ کولوراڈو میں دو مشتبہ افراد نے اسٹیم اسکول ہائی لینڈزرنچ میں فائرنگ کرکے کئی طالب علوں کو یرغمال بھی بنائے رکھا تھا، بعد ازاں پولیس نے حملہ آوروں کو گرفتار کیا تھا۔