ڈی آئی خان : الیکشن کمیشن نے این اے38ضمنی انتخابات کا شیڈول جاری کردیا ہے، جس کے تحت پولنگ کا عمل 16مارچ کو ہوگا۔
اس حوالے سے الیکشن کمیشن کی جانب سے نوٹیفکیشن بھی جاری کیا جا چکا ہے،6فروری سے8فروری تک امیدوار کاغذات نامزدگی جمع کراسکیں گے۔
نوٹیفکیشن کے مطابق9فروری کو امیدواروں کے نام فائنل کئے جائیں گے جبکہ 13فروری کو نامزد امیدواروں کی اسکروٹنی کی جائے گی۔
الیکشن کمیشن کا کہنا ہے کہ 21فروری کو امیدواروں کی حتمی فہرست آویزاں کی جائے گی اور 22فروری تک امیدوار اپنا نام واپس لے سکیں گے۔
نوٹیفکیشن میں مزید کہا گیا ہے کہ 23فروری کو امیدواروں کو انتخابی نشان دیئے جائیں گے اور16مارچ کو صبح نو بجے سے شام 5 بجے تک پولنگ کا عمل ہوگا۔
