Tag: 16 september

کراچی : رواں سال کا تیسرا اور آخری چاند گرہن سولہ اور سترہ ستمبر کی درمیابی شب کو ہوگا، ٹیلی اسکوپ کی مدد سے پاکستان میں چاند گرہن کا نظارہ کیا جا سکے گا۔

سولہ اور سترہ ستمبر کی درمیانی شب چاند کو ایک بار پھر گرہن لگے گا، ماہر فکیات کا کہنا ہے کہ دوہزار سولہ کا تیسرا چاند گرہن جمعہ سولہ ستمبر کو پاکستان کے معیاری وقت کے مطابق رات نو بج کر پچپن منٹ پر شروع ہوگا جو نصف شب ایک بج کر پچپن منٹ پر ختم ہوگا، اس کا دورانیہ چار گھنٹے ہوگا، یہ گرہن بڑے عرصے کے بعد پاکستان میں مکمل نظر آرہا ہے۔

چاند گرہن آسڑیلیا، جاپان، نیوزی لینڈ، پاکستان، بھارت، بنگلہ دیش، بھوٹان، ایران، عراق، کویت، یواے ای اور دیگر ممالک میں دیکھا جا سکے گا جبکہ امریکہ، کینیڈا اور دیگر ممالک میں نظر نہیں آئے گا۔

یہ چاند گرہن خاص بات یہ ہیں کہ یہ 22 ستمبر کے قریب لگ رہا ہے ، دن اور رات کا دورانیہ تقریبا برابر ہوتا ہے، جس کی وجہ سے ایسے Penumbral چاند گرہن کہا جا رہا ہے، Penumbral چاند گرہن کے دوران زمین کا مکمل سایہ چاند پر نہیں پڑتا۔

واضح رہے کہ رواں سال کا پہلا چاند گرہن 23مارچ میں جبکہ دوسرا 18 اگست کو ہوا تھا۔

یاد رہے کہ چاند گرہن اس وقت لگتا ہے جب چاند، سورج اور زمین ایک ہی سمت میں آ جاتے ہیں۔ چاند گرہن کے دوران سورج کی روشنی زمین سے گزر کر چاند میں جاتی ہے، جس کی وجہ سے چاند مکمل طور پر سرخی مائل نظر آتا ہے، چاند گرہن کبھی جزوی ہوتا ہے اور کبھی پورا۔ یہ اس کی گردش پر منحصر ہے۔