ریاض: سعودی عرب کے خلاف سازش کرنے کے الزام میں 7 خواتین سمیت 17 افراد کو گرفتار کرلیا گیا۔
عرب میڈیا کے مطابق سعودی عرب میں ریاست مخالف سازش کرنے اور دشمن ممالک سے روابط رکھنے کے الزام میں 7 خواتین سمیت 17 افراد کو گرفتار کرلیا گیا، ملزمان میں سے 3 خواتین سمیت 8 افراد کو پوچھ گچھ کے بعد رہا کردیا گیا۔
پبلک پراسیکیوٹر آفس کی جانب سے جاری بیان کے مطابق گزشتہ روز ریاست کے خلاف سازش کرنے اور ملک دشمن ممالک سے ساز باز کرنے کے الزام میں 17 افراد کو حراست میں لیا گیا تھا، ان افراد کو ملک کے مختلف علاقوں میں گرفتار کیا گیا تھا۔
[bs-quote quote=”پانچ مردوں اور تین خواتین کو پوچھ گچھ کے بعد تحقیقات مکمل ہونے تک عارضی طور پر رہا کردیا گیا ہے جبکہ جرائم کا اعتراف کرنے والے دیگر 5 مرد اور 4 خواتین زیر حراست ہیں۔
” style=”style-2″ align=”left”][/bs-quote]
پانچ مردوں اور تین خواتین کو پوچھ گچھ کے بعد تحقیقات مکمل ہونے تک عارضی طور پر رہا کردیا گیا ہے جبکہ جرائم کا اعتراف کرنے والے دیگر 5 مرد اور 4 خواتین زیر حراست ہیں۔
عرب میڈیا کے مطابق حکومت کے خلاف سازش کرنے کا اعتراف کرنے والے 5 مرد اور 4 خواتین کے خلاف شواہد اکٹھے کرلیے گئے ہیں، زیر حراست افراد پر الزام ہے کہ وہ ملک دشمن تنظیموں کے لیے کام کرتے تھے۔
زیر حراست ملزمان پر یہ بھی الزام ہے کہ انہوں نے خفیہ معلومات کے حصول کے لیے حساس اداروں میں اپنے لوگوں کو بھرتی کرایا اور بیرون ملک دشمن تنظیموں کی اخلاف حمایت بھی کی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
