Tag: 19 افراد ہلاک

  • چاڈ کے صدارتی محل پر حملہ، 19 افراد ہلاک

    چاڈ کے صدارتی محل پر حملہ، 19 افراد ہلاک

    افریقی ملک چاڈ کے دارالحکومت اینجامینا میں صدارتی محل پر حملہ آوروں نے اچانک دھاوا بول دیا، اس موقع پر 18 حملہ آور اور ایک سیکیورٹی اہلکار ہلاک ہونے کی اطلاعات ہیں۔

    صدارتی محل کے واقعے میں درجنوں افراد کے زخمی ہونے کی بھی اطلاعات ہیں، حکومتی ترجمان کے مطابق حملے کے دوران گولیوں کی آوازیں سنی گئیں اور سڑکوں پر ٹینکوں کی موجودگی بھی دیکھی گئی۔

    غیر ملکی خبر رساں ادارے کی رپورٹ کے مطابق ترجمان نے میڈیا کو بتایا کہ جھڑپوں میں مرنے والوں کی تعداد 19 ہے، جن میں سے 18 حملہ آور 24 رکنی گروپ کے رکن تھے جو صدارتی محل حملہ کرنے آیا تھا۔

    اس حوالے سے وزیر اطلاعات اور وزیر خارجہ عبد الرحمٰن کولا ملا نے کہا ہے کہ صورتحال مکمل طور پر قابو میں ہے، انتشار کی ہر کوشش ناکام بنا دی گئی ہے۔

    چاڈ کے سکیورٹی ذرائع نے بھی بتایا ہے کہ بدھ کی شام مقامی وقت کے مطابق تقریباً پونے 8 بجے صدارتی عمارت کے اندر مسلح کمانڈوز نے فائرنگ کی تاہم صدارتی محل کے سکیورٹی اہلکاروں نے انہیں قابو میں کرلیا۔

    مذکورہ واقعہ بدھ کی شام 7:45 بجے (1845 جی ایم ٹی) اس وقت پیش آیا جب ایک مسلح گروہ نے صدارتی محل کے اندر فائرنگ شروع کی۔ ذرائع کے مطابق تمام راستے بند کر دیے گئے تھے اور فوجی ٹینک سڑکوں پر گشت کر رہے تھے۔

  • میکسیکو میں مسافر بس گہری کھائی میں جا گری، 19 افراد ہلاک

    میکسیکو میں مسافر بس گہری کھائی میں جا گری، 19 افراد ہلاک

    میکسیکو میں مسافر بس گہری کھائی میں جا گری جس کے نتیجے میں کم از کم 19 افراد ہلاک اور 6 زخمی ہوگئے۔

    حکام کے مطابق بس کو حادثہ وسطی ریاست زکاٹیکاس میں پیش آیا، بس مکئی لے جانے والے ٹریکٹر سے ٹکرا کر کھائی میں جا گری، حادثے کے بعد ٹریکٹر ڈرائیور موقع سے فرار ہوگیا۔

    پولیس نے بتایا کہ لاشوں اور زخمیوں کو اسپتال منتقل کردیا دیا گیا، واقعے کی مزید تحقیقات جاری ہیں، امدادی ٹیموں نے گہری کھائی میں گرنے والی لاشوں کو نکالنے کے لئے کا م شروع کیا۔

    سوشل میڈیا پرپوسٹ کی گئی تصاویر میں حکام اور امدادی ٹیموں کو علاقے کو محفوظ بنانے اور لاشیں نکالنے کے لئے مل کر کام کرتے ہوئے دکھایا گیا ہے۔

  • بھارت میں قیامت خیز گرمی؛ ہیٹ ویو سے 19 افراد ہلاک

    بھارت میں قیامت خیز گرمی؛ ہیٹ ویو سے 19 افراد ہلاک

    نئی دہلی: بھارتی دارالحکومت نئی دلی میں شدید گرمی کے باعث ہیٹ ویو سے 5 افرادہلاک ہو گئے۔

    بھارتی میڈیا کی رپورٹ کے مطابق کئی ممالک کی طرح بھارت بھی ان دنوں شدید ہیٹ ویو کی لپیٹ میں ہے، نئی دہلی میں صرف 3 دنوں میں ہیٹ ویو کے باعث 5 اموات رپورٹ ہو چکی ہیں۔

    بھارتی دارالحکومت نئی دہلی میں گرمی کی شدت51 ڈگری سینٹی گریڈ تک محسوس کی گئی جو 6 سالوں کے دوران سب سے زیادہ درجہ حرارت ہے، جبکہ نوئیڈا سمیت شمالی بھارت بھی شدید گرمی کے لپیٹ میں ہے۔

    بھارتی میڈیا کے مطابق نوئیڈا میں 14 افراد زندگی کی بازی ہار گئے، دہلی کے لوک نایک جے پرکاش اسپتال کے ڈاکٹرز کا کہنا ہے کہ ہیٹ ویو کی زد میں آنے والوں میں اکثریت مزدوروں اور سائیکل رکشہ چلانے والوں کی ہے۔

    ڈاکٹرز کا کہنا ہے کہ ہلاک ہونے والوں میں بیشتر  کی عمر 60  سال سے زیادہ  ہیں، جبکہ اسپتالوں میں داخل کرائے جانے والے بیشتر افراد الیکٹرو لائٹ ڈیفیشینسی، ہیٹ اسٹروک اور بخار میں مبتلا ہیں۔

    ڈاکٹرز کا مزید کہنا ہے کہ دہلی کے اسپتالوں میں بعض مریضوں کو وینٹی لیٹر پر رکھا گیا ہے، بھارت میں اب تک موسم گرما میں ہیٹ اسٹروک کے 40 ہزار سے زیادہ مشتبہ کیسز ریکارڈ کیے گئے۔

  • میکسیکو میں مسافر بس اور ٹرک میں خوفناک تصادم، 19 افراد ہلاک

    میکسیکو میں مسافر بس اور ٹرک میں خوفناک تصادم، 19 افراد ہلاک

    امریکی ریاست میکسیکو میں مسافر بس اور ٹرک میں خوفناک تصادم کے نتیجے میں 19 افراد موقعے پر ہی ہلاک ہو گئے۔

    غیر ملکی میڈیا رپورٹ کے مطابق  میکسیکو کے شمالی ریاست سینالوا میں مسافر بس اور ٹرک میں خطرناک تصادم کے نتیجے میں 19 افراد موقعے پر ہی ہلاک جبکہ 18 افراد زخمی ہو گئے۔

    رپورٹ کے مطابق بس میں کل 37 افراد سوار تھے، پولیس نے حادثے کی وجوہات کا تعین کرنے کے لیے تحقیات شروع کر دی ہیں۔

  • افغانستان میں برطانوی سیکیورٹی کمپاؤنڈ کے قریب دھماکا‘ 10 افراد ہلاک

    افغانستان میں برطانوی سیکیورٹی کمپاؤنڈ کے قریب دھماکا‘ 10 افراد ہلاک

    کابل : افغان دارالحکومت کابل میں برطانوی سیکیورٹی کمپاؤنڈ کے باہر خودکش دھماکے میں 10 افراد ہلاک اور 19 زخمی ہوگئے۔

    تفصیلات کے مطابق کابل کے مشرقی علاقے میں واقع جی فور ایس نامی برطانوی سیکیورٹی کمپنی کے کمپاؤنڈ کے باہر خودکش بمبار نے خود کو دھماکے سے اڑا لیا جس کے بعد حملہ آوروں کی سیکیورٹی فورسز سے جھڑپ ہوئی۔

    افغان حکام کے مطابق خودکش حملے میں 10 افراد ہلاک اور 19 زخمی ہوگئے۔

    عینی شاہدین کے مطابق دھماکے کے بعد علاقے میں فائرنگ کی آوازیں بھی سنی گئیں، دھماکے کے نتیجے میں کمپاؤنڈ کے قریب واقع گھروں کو بھی نقصان پہنچا۔

    دوسری جانب جی فور ایس نے ٹویٹر پر اپنے پیغام میں حملے کی تصدیق کرتے ہوئے کہا کہ ہمارے کمپاؤنڈ پرحملہ ہوا ہے اور اس حوالے سے ہم افغان حکام سے رابطے میں ہیں۔

    خیال رہے کہ جی فور ایس نامی کمپنی افغان سیکیورٹی فورسز کو تربیت فراہم کرتی ہے اور کابل میں واقع برطانوی دفترخارجہ کو بھی سیکیورٹی فراہم کرتی ہے۔

    افغانستان میں امریکی فضائی حملہ، 30 شہری ہلاک

    یاد رہے کہ گزشتہ روز افغانستان کے صوبے ہلمند میں امریکی فضائی حملے میں 30 شہری ہلاک ہوگئے تھے، ہلاک ہونے والوں میں خواتین اور بچے بھی شامل تھے۔

  • روس: کریمیا کے کالج میں طالب علم کا حملہ، 19 افراد ہلاک

    روس: کریمیا کے کالج میں طالب علم کا حملہ، 19 افراد ہلاک

    ماسکو: روس کے زیر انتظام علاقے کریمیا کے ایک کالج میں دھماکے اور فائرنگ کے نتیجے میں حملہ آور سمیت 19 افراد ہلاک اور 70 سے زائد زخمی ہوگئے۔

    غیرملکی خبررساں ادارے کے مطابق روس سے الحاق شدہ سابق یوکرینی علاقے کریمیا کے پولی ٹیکنیک کالج میں ایک طالب علم نے کیفے ٹیریا میں پہلے دھماکا خیز مواد پھینکا اور پھر کالج کی عمارت میں فائرنگ شروع کردی جس کے نتیجے میں 18 افراد ہلاک ہوئے جبکہ حملہ آور نے خود کو گولی مار لی۔

    حملے کے نتیجے میں 70 سے زائد افراد زخمی ہوئے جنہیں ریسکیو اہلکاروں نے طبی امداد کے لیے اسپتال منتقل کردیا۔

    حملے کے بعد مقامی حکام نے جزیرہ نما کریمیا میں ایمرجنسی نافذ کرتے ہوئے 19 کلو میٹر طویل پل پر بھی سیکیورٹی تعینات کردی جو روس کو کریمیا سے ملاتا ہے جسے رواں برس ہی آمدورفت کے لیے کھولا گیا تھا۔

    روسی صدر کے ترجمان کے مطابق اس حملے کی تحقیقات جاری ہیں، پیوٹن نے تفتیش کاروں کو واقعے کی تحقیقات کرنے اور ہلاک شدگان کے لواحقین سے اظہار تعزیت کی ہدایات جاری کی ہیں۔

    ایک طالبہ کا کہنا ہے کہ وہ حملے سے کچھ دیر قبل ہی گراؤنڈ سے گئیں تھیں، ان کا کہنا تھا کہ متاثرین میں طلباء اور اساتذہ شامل ہیں۔

    روسی میڈیا کے مطابق حملہ آور طالب علم کے دوست کا کہنا ہے کہ وہ ٹیکنیکل کالج سے سخت نفرت کرتا تھا۔

    روسی تفتیش کاروں کا کہنا ہے کہ ایک 18 سالہ طالب علم واقعے کا ذمہ دار تھا جس نے بعدازاں اپنی جان بھی لے لی، طالب علم کی شناخت ولادیسلاف روسلیا کے نام سے ہوئی ہے۔