بیسل:سوئٹزرلینڈکے اسٹینلاس واورینکا پہلے راؤنڈ میں اپ سیٹ شکست کے بعد سوئس انڈور ٹینس ٹورنامنٹ سے باہر ہوگئے۔ بیسل میں جاری ٹورنامنٹ کا آغاز واورینکا کے لئے مایوس کن رہا۔
قازقستان کے میخائل کوکشکن نے واورینکا کو تین سیٹ کے سخت مقابلے کے بعد زیر کیا۔ ابتدائی دو سیٹس تک مقابلہ ایک ایک سے برابر تھا۔ فیصلہ کن سیٹ میں سوئس کھلاڑی روایتی کھیل پیش نہ کرسکے۔
واورینکا نے میچ میں تئیس ان فورس ایررز کئے جس کا حریف کھلاڑی نے بھرپور فائدہ اٹھایا اور میچ چھ چار، چھ سات اور چھ تین سے اپنے نام کرلیا۔
نیو یارک: پاکستان کے اعصام الحق اور بھارت کے روہن بھوپننا کی جوڑی پہلے راؤنڈ میں شکست کے بعد یو ایس اوپن ٹینس ٹورنامنٹ سے باہر ہوگئی۔نیو یارک میں جاری سال کے چوتھے اور آخری گرینڈ سلم ایونٹ کے مینز ڈبلز میں پاک بھارت جوڑی کا سفر پہلے راؤنڈ میں ہی ختم ہوگیا۔
اعصام اور بھوپننا کا مقابلہ اٹلی کے آندریس سیپی اور ڈینئیل بریسلی کی جوڑی سے تھا۔ اٹالین جوڑی نے تین سیٹ کے سخت مقابلے کے بعد کامیابی حاصل کی۔ ابتدائی دو سیٹس تک مقابلہ ایک ایک سے برابر تھا۔
فیصلہ کن سیٹ میں اٹالین جوڑی نے ٹائی بریک پر میدان مارا۔ اٹالین جوڑی کی فتح کا اسکور سات چھ، چھ چار اور سات چھ رہا
فرانس کے گیل مونفلس نے سنسناٹی اوپن ٹینس ٹورنامنٹ کا فاتحانہ آغاز کردیا۔ مونفلس نے ارجنٹینا کے فیڈریکو ڈیلبونس کو شکست دے کر دوسرے راؤنڈ کے لئے کوالیفائی کرلیا۔ امریکہ میں جاری ٹورنامنٹ کے پہلے راؤنڈ کے میچ میں فرانس کے گیل مونفلس نے ارجنٹینا کے فیڈریکو ڈیلبونس کو تین سیٹ کے مقابلے کے بعد زیر کیا۔ ابتدائی دو سیٹس تک مقابلہ ایک ایک سے برابر تھا۔
فیصلہ کن سیٹ میں مونفلس نے تجربے کا فائدہ اٹھاتے ہوئے کامیابی حاصل کرلی۔ مونفلس نے چھ تین، تین چھ اور چھ تین سے حریف کھلاڑی کو قابو کیا۔ ٹورنامنٹ میں نوواک جوکووچ اور اینڈی مرے سمیت کئی اسٹار کھلاڑی بھی ایکشن میں ہیں