Tag: 2افراد جاں بحق

کراچی : حیدری میں نامعلوم افراد نے گاڑی پر فائرنگ کردی ، جس کے نتیجے میں دو افراد جاں بحق ہوگئے جبکہ پولیس نے دعویٰ کیا ہے کہ ایک ٹارگٹ کلر رنگے ہاتھوں پکڑلیا ہے۔

پولیس  کے مطابق کراچی کے علاقے حیدری میں  نامعلوم موٹر سائیکل سواروں نے حیدری تھانے کے قریب گاڑی پر فائرنگ کر دی، جس کے باعث گاڑی میں سوار دو افراد جاں بحق ہوگئے۔

جاں بحق افراد کی شناخت محمد نواز اور محمد کریم کے نام سے ہوئی ہے, عبدالکریم کراچی کی معروف ٹیکسٹائل مل میں جنرل منیجر تھے جبکہ محمد نواز ان کا ڈرائیور تھا۔

دوسری جانب پولیس نے دعوی کیا ہے کہ گاڑی پر فائرنگ کرنے والے ایک ملزم کو گرفتار کر لیا گیا ہے۔

پولیس نے فوری ناکہ بندی کرتے ہوئے واقعے میں ملوث ایک ملزم ہاشم کو گرفتار کرکے اسلحہ برآمد کرلیا ہے اور اس کے دوسرے ساتھی کی گرفتار کیلئے کوششیں تیز کردی ہیں، گرفتار ملزم کا تعلق چارسدہ سے بتایا جاتا ہے جو کچھ روز قبل کراچی پہنچا تھا۔

پولیس کے مطابق ابتدائی طور پر واقعہ بھتہ خوری یا ذاتی دشمنی کا شاخسانہ معلوم ہوتا ہے تاہم مزید تفتیش جاری ہے۔