Tag: 2 اہلکار زخمی

صوابی: صوبہ خیبرپختونخوا کے شہر صوابی میں پولیس اور اشتہاری ملزمان کے درمیان فائرنگ کے تبادلے میں ڈی ایس پی شہید جبکہ دو اہلکار زخمی ہوگئے۔

تفصیلات کے مطابق صوابی کے علاقے کالو خان میں ایک مکان میں موجود اشہتاری ملزم نصیر کی گرفتاری کے لیے پولیس نے ڈی ایس پی کی قیادت میں چھاپا مارا۔

ملزمان نے پولیس کو دیکھتے ہی فائرنگ شروع کر دی جس کے نتیجے میں ڈی ایس پی شہید ہوگئے جبکہ اشتہاری ملزم کی فائرنگ سے دو اہلکار زخمی ہوگئے جنہیں مردان میڈیکل کمپلیکس اسپتال منتقل کر دیا گیا۔

پولیس کی جوابی فائرنگ سے اشتہاری ملزم بھی مارا گیا جس کے بعد پولیس نے علاقے میں سرچ آپریشن کرتے ہوئے ملزم کے ساتھیوں کی گرفتاری کے لیے ٹیمیں تشکیل دے دیں۔

ڈی پی او صوابی نے بتایا کہ آپریشن کے دوران پولیس کے ہاتھوں اشتہاری ملزم مارا گیا جبکہ اس کے ساتھ موجود شخص زخمی ہوا لیکن فرار ہونے میں کامیاب ہوگیا۔

شہید ڈی ایس پی کی نماز جنازہ پولیس لائن صوابی میں ادا کر دی گئی جس میں ڈی آئی جی مردان شیر اکبر خان اور ڈی پی او صوابی عمران شاہد کے علاوہ پولیس کے اہلکاروں نے شرکت کی۔

بعدازاں ڈی ایس پی کی میت کو ان کے آبائی علاقے شب قدر روانہ کر دیا گیا، شہید ڈی ایس پی گزشتہ 6 ماہ سے صوابی میں تعینات تھے۔

گجرات: صوبہ پنجاب کے شہر گجرات میں قیدیوں کے تشدد سے 2 جیل اہلکار زخمی ہوگئے۔

تفصیلات کے مطابق ڈسٹرکٹ جیل گجرات میں قیدیوں نے ہنگامہ آرائی کی،تمام قیدی جیل کی چھتوں پر چڑھ گئے،قیدیوں نے توڑ پھوڑ بھی کی۔قیدیوں نے مختلف حصوں میں آگ لگا کر جیل کا کنٹرول سنبھال لیا۔

قیدیوں کے تشدد سے زخمی ہونے والے 2 اہلکاروں کو اسپتال منتقل کر دیا گیا جہاں انہیں طبی امداد دی جا رہی ہے۔پولیس نے جیل کے اطراف میں اسنائپر تعینات کر دیے۔

پولیس کی جانب سے جیل میں ہوائی فائرنگ کا سلسلہ جاری ہے،آنسوگیس کا بھی استعمال کیا جا رہا ہے۔

لاڑکانہ سینٹرل جیل: قیدیوں نے جیل انتظامیہ کے 4 افراد کو یرغمال بنا لیا

یاد رہے کہ رواں ماہ 8 جون کو صوبہ سندھ کے شہر لاڑکانہ کی سینٹرل جیل میں قیدیوں نے جیل انتظامیہ کے 4 اہلکاروں کو یرغمال بنا لیا تھا، قیدیوں کا مطالبہ تھا کہ کرونا وائرس جیل میں پھیل گیا ہے، لہٰذا قیدیوں کو بیرکوں میں بند نہ کیا جائے۔