Tag: 2 دہشت گرد

ساہیوال: کاؤنٹر ٹیررزم ڈیپارٹمنٹ (سی ٹی ڈی) نے ساہیوال میں کارروائی کرتے ہوئے دو دہشت گردوں کو گرفتار کر لیا۔

تفصیلات کے مطابق صوبہ پنجاب کے شہر ساہیوال میں سی ٹی ڈی نے بڑی کارروائی کرتے ہوئے کالعدم تنظیم کے 2 دہشت گردوں کو گرفتار کر لیا۔

ترجمان سی ٹی ڈی نے بتایا کہ گرفتار ہونے والے دہشت گردوں میں عباد اللہ اور رضا اللہ شامل ہیں،دونوں دہشت گردوں سےدستی بم،پستول، گولیاں ،نقدی برآمد کی گئی۔

ترجمان کے مطابق دہشت گردوں نے بڑی کارروائی کی منصوبہ بندی کر رکھی تھی۔دہشت گردوں کو تفتیش کے لیے نامعلوم مقام پر منتقل کر دیا گیا۔

سی ٹی ڈی نے دہشت گردی کا منصوبہ ناکام بنا دیا، ایک دہشت گرد گرفتار

یاد رہے کہ گزشتہ ہفتے سی ٹی ڈی نے لاہور میں دہشت گرد کو گرفتار کرکے خودکش جیکٹ، دستی بم اور بارودی سامان برآمد کیا تھا۔دہشت گرد کا تعلق کالعدم تنظیم سے تھا۔

محکمہ انسداد دہشت گردی کا کہنا تھا کہ دہشت گرد اسٹیشن کے قریب بارودی مواد سمیت خودکش حملہ آور کے انتظار میں تھا، دہشت گردوں نے حساس دفاتر کو نشانہ بنانے کی منصوبہ بندی کر رکھی تھی۔

کراچی:اسپیل انویسٹی گیشن یونٹ (ایس آئی یو) نے 2 مختلف کاررائیوں میں 2 دہشت گرد سمیت 3 ملزمان کو گرفتار کر لیا۔

تفصیلات کے مطابق ایس آئی یو نے 2 مختلف مقامات پر کامیاب انٹیلی جنس بیسڈ آپریشن کیے جس میں وفاقی انٹیلی جنس ادارے کے اہلکار بھی شریک رہے۔

ایس ایس پی ایس آئی یو نے بتایا کہ کاررائی کے دوران افغانستان سے تربیت یافتہ 2 دہشت گردوں کو گرفتار کر کےاسلحہ ودیگرسامان برآمد کر لیا گیا۔

ایس ایس پی کا کہنا تھا کہ ملزمان نے 2008 میں انٹیلی جنس بیورو کے 2 افراد کے قتل کا عتراف کیا،گرفتار ملزمان میں نبی گل اور محمدعقیل شامل ہیں، ملزمان نے قتل اور دیگروارداتوں میں ملوث ہونے کا بھی اعتراف کیا۔

دوسری جانب پولیس کو انتہائی مطلوب گینگ وار کا کارکن شہزاد عرف چھوٹوگرفتار کر لیا گیا، گرفتارگینگ وار ملزم کا تعلق عزیر بلوچ گروپ سے ہے۔

ایس ایس پی ایس آئی یو نے بتایا کہ ملزم نے 40 سے زائد قتل کی وارداتوں کا اعتراف کیا، ملزم بابا لاڈلا گروپ سمیت دیگر شہریوں کی ٹارگٹ کلنگ میں ملوث ہے۔ایس ایس پی کا کہنا تھا کہ ملزم نےقتل عزیر بلوچ کی ہدایت پر مختلف علاقوں میں کیے۔