کراچی: انسدادِ دہشت گردی کی خصوصی عدالت نے ایم کیو ایم کے مرکز نائن زیرو سے گرفتار ملزمان عبید کے ٹو، نادر شاہ اور فیصل محمود عرف موٹا کو دو مئی تک عدالتی تحویل میں جیل بھیجنے کا حکم دیدیا ۔
انسداد دہشت گردی کی عدالت میں ملزمان کو سخت سیکیورٹی میں بکتر بند گاڑیوں میں لایا گیا، تینوں ملزمان پر ٹارگٹ کلنگ، ناجائز اسلحہ ، دھماکہ خیز مواد رکھنے کے الزام میں مقدمات درج ہیں۔
نائن زیرو سے گرفتار تینوں ملزمان کو انسدادِ دہشت گردی کی خصوصی عدالت میں پیش کیا گیا، جہاں پولیس نے ملزمان کے خلاف حتمی چالان کی تیاری کے لئے مزید کچھ مانگتے ہوئے ان کے جوڈیشل ریمانڈ کی درخواست کی جسے عدالت نے قبول کرتے ہوئے ملزمان کو 2 مئی تک جوڈیشل ریمانڈ پر جیل بھیج دیا۔
ملزم فیصل محمود عرف موٹا کو نجی ٹی وی کے صحافی کے قتل کے الزام میں سزائے موت سنائی جاچکی ہے ۔
ملزم کو دوسری بار عدالتی تحویل میں جیل بھیجنے کا حکم جاری کیا گیا ہے۔