Tag: 2 ڈاکو ہلاک

کراچی : شہرقائد کےعلاقے تیموریہ میں پولیس نے مقابلے کے دوران دو ڈاکوؤں کو ہلاک کرنے کا دعویٰ کیا ہے۔

ایس ایس پی سینٹرل کے مطابق کراچی کے علاقے بفرزون میں سیون سی اسٹاپ کے قریب دو مسلح افراد اسلحہ کے زور پر شہریوں سے لوٹ مار کر رہے تھے۔

ایس ایس پی سینٹرل کا کہنا ہے کہ پولیس ٹیم موقع پر پہنچی تو ڈاکوؤں نے فائرنگ کردی، پولیس کی جوابی کارروائی میں دونوں ڈاکو مارے گئے۔

انہوں نے کہا کہ ہلاک ملزمان سے اسلحہ اور موبائل فونز برآمد ہوئے ہیں جبکہ ملزمان کی لاشوں کو ضابطے کی کارروائی کے لیے عباسی شہید اسپتال پہنچا دیا گیا ہے۔

کراچی : احسن آباد انڈسٹریل ایریا میں مبینہ پولیس مقابلہ‘ 2 ملزمان گرفتار

خیال رہے کہ گزشتہ ہفتے کراچی کےعلاقے احسن آباد میں پولیس نے مبینہ پولیس مقابلے میں 2 ملزمان کو گرفتار کرکے ان کے قبضے سے اسلحہ برآمد کیا تھا۔

کراچی : لیاری میں پولیس مقابلہ‘3 ملزمان ہلاک

یاد رہے کہ رواں ماہ 10 مئی کو کراچی کے علاقے لیاری کلاکوٹ میں رات گئے بابا لاڈلا گروپ سے تعلق رکھنے والے 3 ملزمان پولیس مقابلے میں مارے گئے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

کراچی: شہرقائد میں رینجرزاورپولیس کی کارروائیوں کے دوران 2 ڈاکو ہلاک جبکہ ایک مشتبہ شخص کو حراست میں لے لیا گیا۔

تفصیلات کے مطابق کراچی کے علاقے لسبیلہ اورپٹیل پاڑہ کے اطراف میں رینجرز نے سرچ آپریشن کے دوران ایک مشتبہ شخص کوحراست میں لے کر نا معلوم مقام پر منتقل کر دیا۔

رینجرز حکام کے مطابق سرچ آپریشن میں رینجرز کی بھاری نفری نے حصہ لیا اورگھر گھر تلاشی لی گئی۔

دوسری جانب کراچی میں عوامی کالونی میں پولیس نے شہریوں سے لوٹ مار کرنے والے دو ڈاکوؤں کو مقابلے میں ہلاک کر دیا، ملزمان کے قبضے سے اسلحہ، موٹرسائیکل اور نقدی برآمد ہوئی۔

ادھر کراچی کے علاقے کورنگی سے پانچ روز قبل اغوا کیا گیا بچہ بازیاب کرا لیا گیا، بچے کو اس کے پڑوسیوں نے اغوا کیا تھا اوراس سے مشقت کراتے تھے۔

کراچی : ڈکیتی کی وارداتوں میں ملوث ملزمہ گرفتار، ساتھی فرار

یاد رہے کہ دو روز قبل شہر قائد کی سڑکوں پر ساتھیوں کے ساتھ لوگوں سے لوٹ مار کرنے والی لڑکی کو پولیس نے گرفتار کرلیا تھا، ملزمہ کے ساتھی اپنے شکار کوبندوق دکھاتے اور یہ خاتون ان کی جیبیں خالی کردیتی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی : شہر قائد کے علاقے کلفٹن زمزمہ میں واقع ایک دکان میں ڈکیتی کرنےوالے ملزمان سیکورٹی گارڈ کی فائرنگ سے ہلاک ہوگئے۔

تفصیلات کے مطابق کراچی میں کلفٹن کےعلاقے زمزمہ میں واقع کمپیوٹر کی دکان پردوملزمان نے لوٹ مارکی، ملزمان نقدی ، لیپ ٹاپ اوردیگر سامان لوٹ کر فرار ہورہے تھے کہ سیکورٹی گارڈ نے فائرنگ کردی۔

فائرنگ کے نتیجے میں دونوں ملزمان شدید زخمی ہوگئے جنہیں پولیس نے گرفتار کرکے طبی امداد کے لیے اسپتال منتقل کیا جہاں دونوں ڈاکو ہلاک ہوگئے۔

پولیس حکام کے مطابق ہلاک ڈاکوؤں کی شناخت دانش اور ریاض کے نام سے ہوئی ہے۔

دوسری جانب کراچی کے علاقے جمشید روڈ پر فائرنگ سے ایک شخص جان کی بازی ہارگیا۔ فائرنگ میں جاں بحق ہونے والے شخص کی شناخت نہیں ہوسکی۔

کراچی ڈیفنس میں فائرنگ ، خواجہ سرا جاں بحق

یاد رہے کہ دو روز قبل کراچی کے علاقے ڈیفنس فیز سکس میں نامعلوم افراد نے فائرنگ کرکے چندا نامی خواجہ سرا کو قتل کردیا تھا، مقتول کے ساتھی کا کہنا تھا کہ کار سوار افراد نے پہلے تنگ کیا اور پھر فائرنگ کردی۔

کراچی میں پولیس کی کارروائیاں‘ 2 ڈاکو ہلاک‘ 16 گرفتار

واضح رہے کہ تین روز قبل کراچی کے مختلف علاقوں میں پولیس کی کارروائیوں کے دوران 2 ڈاکو ہلاک جبکہ 16 افراد کو گرفتار کرکے اسلحہ برآمد کرلیا گیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔