Tag: 2 کشمیری نوجوان شہید

سری نگر: قابض بھارتی فورسز نے مقبوضہ کشمیر کے علاقے بانڈی پورہ میں فائرنگ کرکے 2 کشمیری نوجوانوں کو شہید کردیا۔

تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے بانڈی پورہ میں 2 کشمیری نوجوان کو فائرنگ کرکے شہید کردیا۔

کشمیرمیڈیا سروس کے مطابق بھارتی فورسز نے نوجوان کو ضلع کے علاقے بانڈی پورہ میں تلاشی اور محاصرے کی کارروائی کے دوران شہید کیا۔

مقبوضہ کشمیر میں بھارتی مظالم کی انتہا ہوگئی، کرفیو کو 99ویں روز ہوگئے، کشمیری دنیا کی سب سے بڑی جیل میں قید ہیں اور دنیا مودی سرکاری کی ریاستی دہشت گردی پر خاموش ہے۔

کشمیر میڈیا سروس کے مطابق کشمیری رہنماؤں، نوجوانوں سمیت بچے بھی جیلوں میں قید ہیں، 4 ماہ سے کشمیریوں کو نماز جمعہ مساجد میں ادا کرنے نہیں دی جا رہی۔

کشمیری مسلمانوں کو نہ کھانے پینے کی اشیا دستیاب ہیں اور نہ ہی دیگر ضروریات زندگی میا کی جا رہی ہیں۔ وادی میں قحط کی صورت حال پیدا ہوگئی ہے۔

کشمیر میڈیا سروس کے مطابق سرد موسم نے گھروں میں محصور کشمیریوں کی مشکلات بڑھا دیں، تاریخ میں پہلی بار میلادﷺکی محفل منعقد نہیں کرنے دی گئی۔

سری نگر: بھارت کے یوم جمہوریہ پر مقبوضہ کشمیر سمیت پوری دنیا میں یوم سیاہ منایا جارہا ہے اس موقع پر بھارتی فوج کی ریاستی دہشت گردی میں مزید 2 کشمیری نوجوانوں کو شہید کردیا گیا۔

کشمیری میڈیا سروس کے مطابق مقبوضہ کشمیر میں بھارتی فوج کے ظلم و بربریت کا بازار گرم ہے، نام نہاد سرچ آپریشن کے دوران سری نگر میں دو کشمیری نوجوانوں کو شہید کردیا گیا۔

[bs-quote quote=”قابض فوج نے حریت رہنما یاسین ملک کو حراست میں لے لیا” style=”style-7″ align=”left”][/bs-quote]

سری نگر میں 2 نوجوانوں کی شہادت کے بعد ایک ہفتے میں شہید ہونے والوں کی تعداد 10 ہوگئی ہے جبکہ سری نگر کے بعض علاقوں میں تاحال سرچ آپریشن جاری ہے، اس دوران داخلی اور خارجی راستے بند کردئیے گئے ہیں۔

بھارت کے یوم جمہوریہ کے موقع پر مقبوضہ کشمیر سمیت دنیا بھر میں کشمیریوں نے یوم سیاہ منایا، جنت نظیر وادی میں مکمل ہڑتال ہے جبکہ دنیا بھر میں خصوصی تقریبات منعقد کی گئیں۔

کشمیریوں کو یوم سیاہ منانے سے روکنے کے لیے وادی بھر میں موبائل، انٹرنیٹ اور ٹرین سروس معطل ہے جبکہ یوم سیاہ کے اجتماعات کو روکنے کے لیے پولیس اور فوج کی بھاری نفری تعینات کردی گئی ہے۔

دوسری جانب قابض فوج نے حریت رہنما یاسین ملک کو حراست میں لے لیا ہے۔

مزید پڑھیں: بھارت پوری مقبوضہ وادی کو قبرستان میں تبدیل کرنا چاہتا ہے، وزیراعظم آزاد کشمیر

واضح رہے کہ وزیراعظم آزاد کشمیر فاروق حیدر کا کہنا تھا کہ بھارت پوری مقبوضہ وادی کو قبرستان میں تبدیل کرنا چاہتا ہے لیکن کشمیریوں نے جنگ آزادی کو منطقی انجام تک پہنچانے کا فیصلہ کرلیا ہے، 5 فروری کو یوم یکجہتی کشمیر بھرپور طریقے سے منایا جائے گا۔

سری نگر: مقبوضہ کشمیرمیں قابض بھارتی فورسز نے سرچ آپریشن کے دوران فائرنگ کرکے دو کشمیری نوجوانوں کو شہید کردیا۔

تفصیلات کے مطابق مقبوضہ کشمیر میں نہتے کشمیریوں کے خلاف بھارت کی بربریت تھمنے کا نام نہیں لے رہی۔ غاصب بھارتی فورسز نے اننت ناگ میں فائرنگ کرکے 2 کشمیری نوجوانوں کو شہید کر دیا۔

نوجوانوں کی شہادت کے بعد علاقے میں بھارتی فورسز کے خلاف مظاہرے کیے گئے جس پرقابض بھارتی فورسز کی جانب سے آنسو گیس کی شیلنگ اور ربڑکی گولیاں برسائی گئیں۔

مقبوضہ کشمیر میں بھارتی فورسز کی فائرنگ‘ 4 کشمیری نوجوان شہید

خیال رہے کہ 20 مارچ 2018 کو قابض بھارتی فورسز نے مقبوضہ کشمیر کے ضلع کپواڑہ کے علاقے ہلمت پورہ میں سرچ آپریشن کی آڑ میں 4 کشمیری نوجوانوں کو شہید کردیا تھا۔

یاد رہے کہ یکم مارچ کو مقبوضہ کشمیر کے ضلع بانڈی پورہ کے علاقے ہاجن میں بھارتی فورسز نے آپریشن کے دوران کشمیری نوجوان کو شہید کردیا تھا۔

واضح رہے کہ رواں سال 25 جنوری کومقبوضہ کشمیر کے ضلع شوپیاں ممیں بھارتی فوج نے ریاستی دہشت گردی کا مظاہرہ کرتے ہوئے 3 کشمیری نوجوانوں کو شہید کردیا تھا، فائرنگ سے دو لڑکیاں بھی زخمی ہوئیں تھیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔