لاہور: آن لائن کاروبار کرنے والی دو کمپنیاں کروڑوں روپے لوٹ کر فرار ہوگئیں، کروڑوں روپے ڈوبنے پر شہری نے مقدمہ درج کرادیا۔
تفصیلات کے مطابق آن لائن کاروبار کرنے والی دو کمپنیاں کروڑوں روپے لے کر فرار ہوگئیں، کروڑوں روپے ڈوبنے پر شہری کی درخواست پر تھانہ سول لائن میں مقدمہ درج کرلیا گیا۔
مقدمے میں کہا گیا کہ رحیم یار خان کے یاسر حیات اور احمد ندیم نے 2سال قبل ایبٹ روڈ پر دفاترقائم کئے ساتھ ہی کیپٹل ایف ایکس اور بیٹ فائر کے نام سے کمپنیاں رجسٹرڈ کرائی گئیں۔
مقدمے کے متن کے مطابق یہ کمپنیاں انٹر نیشنل مارکیٹ کی آن لائن ٹریڈنگ کرتی تھیں، گزشتہ ہفتے کمپنی کی ویٹ سائٹ اور دفاتر بند ہوگئے، مالکان غائب ہوگیا۔
متاثرہ شہری نے درخواست کی کہ ایف آئی اے سائبر کرائم سے بھی رجوع کر رہے ہیں۔