عراق: دارالحکومت بغداد میں دو کار بم دھماکوں میں ستائیس افراد ہلاک ہوگئے۔
عراق کے دارالحکومت بغداد میں جمعہ کے روز دو کار بم دھماکوں میں ستائیس افراد ہلاک ہوگئے، ایک کار بم دھماکہ بغداد کے جنوبی علاقے حے العمل میں مارکیٹ میں ہوا اور دوسرا کار بم دھماکہ بغداد کے مشرقی علاقےالحبیبیہ میں ہوا۔
پولیس کے مطابق دونوں بم دھماکوں میں ستائیس افراد ہلاک ہوگئے، دولت اسلامیہ نے ان کار بم دھماکوں کی ذمہ داری قبول کرلی ہے۔
سینائی: مصر کے علاقے سینائی میں دو کار بم دھماکوں میں اٹھائیس فوجی ہلاک اور متعدد زخمی ہوگئے ہیں ۔
میڈیا رپورٹس کے مطابق مصر کے علاقے سینائی کی چیک پوسٹ پر کھڑی فوج کی دو گاڑیوں کو باردو سے بھری کار سے نشانہ بنایا گیا۔ جس کی ذد میں آکر اٹھائیس فوجی مارے گئے۔
دھماکے بعد سیکیورٹی اہلکاروں نے علاقے کو گھیرے میں لیکر زخمیوں اور لاشوں کو اسپتال منتقل کیا۔
طبی ذرائع کے مطابق کئی زخمیوں کی حالت تشویشناک ہے، کسی تنظیم نے حملے کی ذمہ داری قبول نہیں کی ہے۔