میرپورخاص: صوبہ سندھ میں پیش آیا افسوس ناک واقعہ جہاں ٹریفک حادثے نے دو افراد کی جانیں لے لیں۔
تفصیلات کے مطابق سندھ کے شہر میرپورخاص میں ٹریفک حادثے کے باعث دو افراد جاں بحق ہوئے جبکہ ایک بچہ سمیت 8 افراد زخمی ہیں۔
ریسکیو ذرائع کا کہنا ہے کہ میرپورخاص کے علاقے سندھڑی کے قریب کار اور مسافر کوچ ٹکرا گئی، جس کے باعث دو افراد کی موت واقع ہوئی۔
پولیس حکام کا کہنا ہے کہ زخمیوں کو مقامی اسپتال منتقل کردیا گیا ہے جہاں انہیں فوری طور پر طبی امداد فراہم کی جارہی ہے۔
حادثے سے متعلق تحقیقات جاری ہے جلد حقائق سامنے آئیں گے۔
دادو: خطرناک ٹریفک حادثہ، 2 افراد جاں بحق، 4 زخمی
خیال رہے کہ گذشتہ ماہ سندھ کے ضلع دادو میں ہولناک ٹریفک حادثے نے دو افراد کی جانیں لے لی تھیں، جبکہ چار شدید زخمی بھی ہوئے تھے۔
یاد رہے کہ گذشتہ ماہ ہی صوبہ بلوچستان کے شہر اوتھل کے قریب تیز رفتار مسافرکوچ الٹ گئی تھی، حادثے میں 3 افراد جاں بحق جبکہ 12 زخمی ہوگئے تھے۔
بعد ازاں وزیراعلیٰ بلوچستان جام کمال نے حادثے میں زخمی ہونے والے افراد کو طبی امداد فراہم کرنے کی ہدایت کی تھی۔
