ARYNews.tv | Urdu – Har Lamha Bakhabar

Tag: 2 halak

  • حیدری اور پاک کالونی میں فائرنگ، 2افرادجاں بحق

    حیدری اور پاک کالونی میں فائرنگ، 2افرادجاں بحق

    کراچی :حیدری اور پاک کالونی میں الگ الگ واقعات میں دو افراد کو موت کے گھاٹ اتار دیا گیا۔ کراچی میں فائرنگ اور پر تشدد واقعات میں دو افراد جان کی بازی ہار گئے.

    پولیس حکام کے مطابق نارتھ ناظم آباد کے علاقے میں حیدری کے قریب نامعلوم افراد کی فائرنگ سے سیاسی جماعت کا کارکن خرم احمد جان کی بازی ہار گیا.

    واقعے میں ایک شخص زخمی بھی ہوا جسے طبی امداد کے لیے عباسی اسپتال منتقل کردیا گیا ہے، پاک کالونی میں فائرنگ کے واقعے میں ایک شخص جان کی بازی ہار گیا.

    پولیس کے مطابق واقعے ابتدائی طور پر خودکشی معلوم ہوتا ہے تاہم واقعے کی تفتیش کی جارہی ہے، ہجرت کالونی میں فائرنگ کے واقعے میں پولیس اہلکار زخمی ہوگیا۔

  • امریکی اور اطالوی شہری ڈرون حملے میں ہلاک ہوئے، وہائٹ ہاؤس کی تصدیق

    امریکی اور اطالوی شہری ڈرون حملے میں ہلاک ہوئے، وہائٹ ہاؤس کی تصدیق

    واشنگٹن :  بارک اوبامہ کی ڈاکٹر وارن اور اطالوی شہری افغانستان میں ہونے والے فوجی آپریشن میں ہلاک ہوئے، وائٹ ہاؤس نے تصدیق کر دی.

    تفصیلات کے مطابق امریکا سے بازیابی کی اپیل کرنے والےامریکی ڈاکٹر وارن وانسٹائن کو زندگی کی قید سے ہی نجات مل گئی ۔

    ڈاکٹر وارن وانسٹائن امریکی ڈرون حملے میں ما را گیا۔ وائٹ ہائوس سے جاری اعلامیہ میں اعتراف کیا گیا ہے کہ جنوری میں پاک افغان سرحدی علاقے میں امریکی کارروائی کے دوران القاعدہ کے ہاتھوں یرغمال امریکی ڈاکٹر وارن وان سٹائن اور اطالوی جیوانی لو پورتو ہلاک ہو گئے۔

    غیر ملکی خبر ایجنسی کے مطابق امریکی صدر نے ڈاکٹر وارن کی ہلاکت کو تکلیف دہ نقصان قرار دیتے ہوئے ا س پرافسوس کااظہار کیا ہے ۔

    وہائٹ ہاؤس سے جاری بیان میں کہا گیا ہے کہ یہ تصدیق کی جا سکتی ہے کہ آپریشن میں دونوں یرغمالی حادثاتی طور پر مارے گئے۔

  • فائرنگ : پولیس اہلکاراورخاتون ہلاک، مختلف علاقوں سے سولہ ملزمان گرفتار

    فائرنگ : پولیس اہلکاراورخاتون ہلاک، مختلف علاقوں سے سولہ ملزمان گرفتار

    کراچی : فائرنگ کے مختلف واقعات میں پولیس اہلکار سمیت دو افراد جاں بحق ہوگئے ۔ رینجرز نے مختلف علاقوں سے 16 ملزمان کو گرفتار کرلیا۔ جبکہ شاہ فیصل کالونی سے ٹارگٹ کلر گرفتار کرلیا گیا۔

    تفصیلات کے مطابق رینجرز نے ملیر ، گلشن سکندر آباد، اورنگی ٹاؤن اور ظفر ٹاؤن میں کارروائی کرکے سولہ ملزمان کو گرفتار کیا جن میں کالعدم تنظیم کے کارندے اور بھتہ خور شامل ہیں ۔

    ملزمان کے قبضے سے اسلحہ برآمد ہوا۔ لانڈھی شیر پاؤ کالونی میں فائرنگ سے تئیس سالہ شگفتہ جاں بحق ہوگئی۔ بوٹ بیسن تھانے کی حدود میں نامعلوم افراد کی فائرنگ سے پچاس سالہ پولیس اہلکار سید حسن شاہ پولیس اہلکار ہلاک ہوا۔

    حیدری مارکیٹ میں واقع سنار کی دکا ن سے ڈاکو لاکھو ں روپے کے زیورات لوٹ کر فرار ہوگئے ،پولیس نے سی سی ٹی وی فوٹیج کو اپنی تحویل میں لے کر واقعے کی تحقیقات شروع کردی ہیں۔

    سی ٹی ڈی پولیس نے شاہ فیصل کالونی میں کارروائی کرکے ٹارگٹ کلر مشہود انصاری کو گرفتار کرلیا۔ پولیس نے مقدمات درج کر کے تفتیش شروع کردی، ملزمان سے اہم انکشافات متوقع ہیں۔

  • لی مارکیٹ کے قریب فائرنگ: 2 پولیس اہلکار جاں بحق

    لی مارکیٹ کے قریب فائرنگ: 2 پولیس اہلکار جاں بحق

    کراچی : لی مارکیٹ کے قریب نامعلوم افراد کی فائرنگ سے2 پولیس کانسٹیبل جاں بحق ہوگئے۔

    تفصیلات کے مطابق شہر میں پولیس اہلکاروں کا قتل معمول بن گیا،کراچی کے علاقے اولڈ سٹی ایریا میں فائرنگ سے دو پولیس اہلکار جاں بحق ہوگئے۔ اس سال اب تک مارے گئے پولیس اہلکاروں کی تعداد بتیس ہوگئی ہے ۔

    پولیس کے مطابق اولڈ سٹی ایریا کے علاقے لی مارکیٹ کے قریب نامعلوم افراد نے اسنیپ چیکنگ کرنے والے دو پولیس اہلکاروں پر اندھا دھند فائرنگ کردی،فائرنگ سے علاقے میں خوف و ہراس پھیل گیا۔

    فائرنگ سے ایک اہلکار موقع پر ہی جاں بحق جبکہ دوسرا اہلکار اسپتال میں  دوران علاج  دم توڑ گیا۔ اسپتال میں موجود مقتولین کے ساتھی پولیس اہلکار انتہائی غمزدہ تھے۔

    ایس ایس پی سٹی فدا حسین کے مطابق جاں بحق اہلکاروں کی شناخت کانسٹیبل ادریس اور کانسٹیبل ندیم کے ناموں سے ہوئی ہے ۔اس سال اب تک بتیس پولیس اہلکاروں کو فائرنگ کرکے قتل کیا جاچکا ہے۔

  • چمن: کار سواروں کی فائرنگ سے دو افراد جاں بحق

    چمن: کار سواروں کی فائرنگ سے دو افراد جاں بحق

    چمن :  بائی پاس روڈ پر گاڑی میں سوارنامعلوم مسلح افراد نے فائرنگ کرکے 2افراد ہلاک کردیا ہے۔لیویزذرائع نے اے آر وائی نیوز کو بتایا کہ فائرنگ کے بعد حملہ آور بآسانی فرار ہونے میں کامیاب ہوگئے۔

    واقعے کے بعد علاقے میں خوف و ہراس پیدا ہوگیا، جبکہ لیویز نے ہلاک ہونے والے دونوں افرد کی لاشوں کو سول ہسپتال منتقل کردیا ۔

    ذرائع نے مزید بتایا کہ نامعلوم مسلح افراد کی فائرنگ سے ہلاک ہونے والے دونوں افغان شہری اور افغان پولیس میں حاضر سروس اہلکار ہیں ۔ا

    فغان صوبہ ہلمند کے رہائشی دونوں مقتول آپس میں بھائی تھے ۔لیویزاہلکار واقعے کی مزید تحقیقات کررہے ہیں۔

  • تیز رفتار کار نے ماں بیٹی کو کچل ڈالا

    تیز رفتار کار نے ماں بیٹی کو کچل ڈالا

    گوجرانوالہ : کار کی موٹرسائیکل کو ٹکر ماں بیٹی ہلاک ،دو بچوں سمیت تین افراد زخمی ،زخمیوں کو سول ہسپتال منتقل کردیا گیا۔

    تفصیلات کے مطابق وزیرآباد کے قریب جی ٹی روڈ پرتیز رفتار کار کی ٹکر سے موٹرسائیکل  پر سوار ماں بیٹی جاں بحق ہوگئیں جبکہ حادثے میں دو بچوں سمیت تین افراد زخمی ہو گئے۔

    واجلہ کا رہائشی محمد بشیر اپنی بیوی صفیہ بی بی اور تین بچوں صوبیہ ،رابعہ اور زین کے وزیر آباد جا رہا تھا کہ وزیر آباد کے قریب پیچھے سے آنے والی کار نے موٹرسائیکل کو ٹکر مار دی۔

    حادثے میں  بشیر کی بیوی صفیہ بی بی اور بیس سالہ بیٹی ثوبیہ موقع پر ہلاک ہو گئیں جبکہ محمد بشیر ،رابعہ اور زین شدید زخمی ہو گئے جن کو ریسکیو1122نے فوری طبی امداد کے لئے سول ہسپتال منتقل کردیا ہے جہاں ان کو طبی امداد دی جا رہی ہے۔

  • کراچی: ملیرمیں 2 سگے بھائی فائرنگ سےجاں بحق

    کراچی: ملیرمیں 2 سگے بھائی فائرنگ سےجاں بحق

    کراچی: ملیر میں فائرنگ سے دو سگے بھائیوں قتل کردیا گیا فائرنگ کے واقعے میں دو افراد زخمی بھی ہوئے۔پولیس کے مطابق صبح سویرے ملیر کے علاقے کھوکھراپار ایک نمبر میں نامعلوم افراد نے دکان پر اندھا دھند فائرنگ کردی جس کے نتیجے میں بتیس سالہ توصیف اور پینتیس سالہ تنویرجاں بحق ہوگئے،

    فائرنگ کے اس واقعے میں تیرہ سالہ اذان اور پینتالیس سالہ منور زخمی بھی ہوئے، جاں بحق ہونے والے مقتولین سگے بھائی تھے، پولیس کا کہنا تھا کہ ابتدائی تحقیقات سے واقعہ ذاتی دشمنی کا شاخسانہ معلوم ہوتا ہے۔

  • تھر:مزید دو بچے جان سے گئے،تعداد197 تک جا پہنچی

    تھر:مزید دو بچے جان سے گئے،تعداد197 تک جا پہنچی

    تھرپارکر: غذائی قلت نےآج مزید چاربچوں کی جان لے لی۔ یکم اکتوبرسے بھوک سے مرنے والے بچوں کی تعدادایک سو ستانوےہوگئی۔سندھ حکومت کی جانب سے بھیجی گئی امداد کے باوجود تھر کے کئی علاقوں میں بھوک نے ڈیرے ڈالے ہوئے ہیں۔

    سردی کے موسم میں موت کی آنکھ مچولی تا حال جاری ہے ۔وسائل کم اور  مسائل زیادہ ہیں۔زمینیں بنجرہوچکی ہیں،کنویں خشک ہوگئے،ان حالات میں بچے  قحط اور بھوک سے نڈھال ہوکر بیمار نہ ہوں تو کیا ہو؟

    اس پر ستم یہ کہ قریب کوئی اسپتال  بھی نہیں،اور اگراسپتال ہے تو وہاں تک جانے کے لئے سواری دستیاب نہیں  نہیں۔دوردرازعلاقوں تک مریض کو مشکل سے اسپتال لے بھی جائیں تو انکشاف ہوتا ہے کہ ڈاکٹرز موجود ہ نہیں ۔

    انکیوبیٹر ہیں تو ان کی تعداد اتنی کم کہ بچوں کی جان بچانے کے لئے حیدرآبادکے اسپتالوں کا رخ کرناپڑتاہے۔چھاچھرو، مٹھی، اسلام کوٹ سمیت اندرون تھر خوراک کی کمی ہے ۔روز کئی بچے موت کا شکار ہوکر صحرا کی مٹی میں مل جاتے ہیں۔

  • نوابشاہ:پرانی دشمنی کا شاخسانہ، فائرنگ سے دوافرادجاں بحق

    نوابشاہ:پرانی دشمنی کا شاخسانہ، فائرنگ سے دوافرادجاں بحق

    نوابشاہ : تھانہ کھڈہر کی حدود میں چار نامعلوم مسلح افراد نے موٹر سائیکل سواروں کی اندھادھند فائرنگ سے دو افراد جاں بحق ہوگئےہیں مقتولین میں 18 سالہ بشیر احمد مغیری اور 28 سالہ ولی محمد مغیری شامل ہیں ۔

    جان بحق افراد کا تعلق گاوٴں ساوٗلو مغیری سے بتایا جاتا ہے اس سلسلے میں ایس ایچ او دلدار سھتو نے بتایا ہے کہ دہرے کے قتل کا شاخسانہ پرانی دشمنی ہے، واقعے کی تحقیقات کی جارہی ہے، آخری اطلاعاتموصول ہونے تک مقدمہ درج نہیں ہوسکا ہے۔

  • کراچی فائرنگ ، 2افراد جاں بحق، دو ڈکیت گروپ گرفتار

    کراچی فائرنگ ، 2افراد جاں بحق، دو ڈکیت گروپ گرفتار

    کراچی میں دہشت گردی نہ رک سکی۔ فائرنگ کے نتیجے میں دو افراد جان سے گئے، پولیس نے ڈکیتوں کے دو بڑے گروپوں کو مسروقہ سامان سمیت گرفتار کرلیا۔ پولیس کے مطابق سرجانی ٹاؤن میں اسٹیٹ ایجنسی پرنا معلوم افراد کی فائرنگ کے نتیجے میں دو افراد زخموں کی تاب نہ لاتے ہوئے جاں بحق ہوگئے۔

    ایس ایس پی فاروق عوان کے مطابق نیو کراچی میں خفیہ اطلاع پر کارروائی کی گئی، جس کے دوران گھروں میں ڈکیتی کی وارداتوں میں ملوث چار ملزمان گرفتارکرلیے گئے،ملزمان کے قبضے سے اسلحہ او رمسروقہ گاڑی برآمدہوئی ہے۔۔ ایس پی وقار شعیب کے مطابق کراچی میں اسی سے زیادہ ڈکیتی کی وارداتوں میں ملوث پانچ افراد پر مشتمل گروہ بلال کالونی سے اسلحہ سمیت گرفتار کرلیا گیا۔