Tag: 2 people arrest

کراچی: متحدہ قومی موومنٹ نے کہاہے کلفٹن سےگرفتار کئے گئےکلیم کو پچیس فروری کوحراسست میں لیاگیا تھا،جس کے خلاف کلیم کی والدہ قافیہ بیگم کی پٹیشن سندھ ہائیکورٹ میں زیر سماعت ہے۔

 ایم کیو ایم کے ترجمان نے ایک بیان میں کہا ہے کہ عبد الکلیم کو اس کی ٹیلرنگ شاپ سے پچیس فروری کو رینجرز نے حراست میں لے کر نامعلوم مقام پر منتقل کر دیا تھا ، جس پر ایم کیو ایم کے منتخب نمائندوں نے رینجرز کے افسران سے رابطہ کیاتھا، جبکہ کیلم کی والدہ کی جانب سے سندھ ہائی کورٹ میں پٹیشن دائر کی گئی تھی ۔

 اس پٹیشن کی سماعت کیلئے سندھ ہائی کورٹ کے جسٹس علیم شیخ اورجسٹس محمداقبال کلہوڑو پرمشتمل بینچ تشکیل دیا جاچکا ہے، کل مورخہ 19مارچ کو اس پٹیشن کی سماعت ہے ان حقائق کی روشنی میں عوام خوداندازہ لگاسکتے ہیں کہ کلیم پر عائد کئے جانے والے الزامات میں کتنی صداقت ہوسکتی ہے۔

ترجمان ایم کیوایم کا کہنا ہے کہ میڈیا سے گزارش ہے کہ وہ ذمہ داری کامظاہرہ کرتے ہوئے خودبھی تحقیق کرے اورکسی بھی سرکاری ادارے کی جانب سے عائد کئے جانے والے الزام کی بنیادپرکسی فردکومجرم بناکرپیش نہ کرے۔