پشاور: حیات آباد میں فرنٹیئر ریزرو پولیس کے ڈپٹی کمانڈنٹ کے قافلے پر ہونے والے خود کش حملے میں دو اہلکار شہید جبکہ پانچ زخمی ہوگئے۔
پولیس کی اس گاڑی پربارود سے بھری موٹرسائیکل سےحملہ کیا گیا۔ زورداردھاکہ ہوا اورگاڑی میں سوار دو پولیس اہلکارموقع پردم توڑگئے۔
فرنٹیرریزروپولیس کےڈپٹی کمانڈرطارق ملک ڈیوٹی پرجانےکےلیےگھرسے نکلےتھے،حیات آباد کی آفیسرز کالونی میں خودکش حملہ آورنےموٹرسائیکل ان کی گاڑی سےٹکرادی،طارق ملک شدید زخمی ہیں،انہیں انتہائی نگہداشت کےوارڈ میں رکھا گیا ہے۔
دھماکہ سےبجلی کی تاریں گرگئیں اورپورا علاقہ بجلی سےمحروم ہوگیا، پولیس نے علاقےکےلوگوں اورعینی شواہد کےبیان لکھ لیے اورتفتیش شروع کردی۔
