کراچی (11 اگست 2025): شہر قائد میں سی ٹی ڈی اور پولیس نے مشترکہ آپریشن کیا اس دوران منگھوپیر سے کالعدم تنظیم فتنۃ الخوارج ٹی ٹی پی کے 2 خطرناک دہشت گردوں کو گرفتار کر لیا گیا۔
اس حوالے سے ترجمان سی ٹی ڈی کا کہنا ہے کہ انٹیلیجنس بیسڈ آپریشن کے دوران فتنہ الخوارج ٹی ٹی پی کے 2 دہشت گرد اسلحے سمیت گرفتار کرلیے گئے ہیں۔
گرفتاردہشت گردوں میں عبدالوکیل اور اجمل شامل ہیں، دونوں گرفتار دہشت گرد افغانستان سے عسکری تربیت یافتہ ہیں۔
ترجمان کے مطابق ملزمان انتہائی مطلوب دہشت گرد شریف اللہ کے قریبی ساتھی ہیں، گرفتار دہشت گردوں کا تعلق قلعہ عبداللہ بلوچستان سے ہے۔
مزید پڑھیں : پولیس آپریشن، 2 دہشت گرد ہلاک، 6 فرار
میانوالی میں کندیاں کے علاقے میں محکمہ انسداد دہشت گردی (سی ٹی ڈی) اور دہشت گردوں کے درمیان شدید فائرنگ کے تبادلے میں 2 خطرناک دہشت گرد ہلاک جبکہ 6 دہشت گرد اندھیرے کا فائدہ اٹھاتے ہوئے فرار ہوگئے۔
ترجمان کے مطابق خفیہ اطلاع پر انٹیلی جنس بیسڈ کارروائی کے دوران کالعدم تنظیم کے دہشت گردوں نے کاؤنٹر ٹیررزم ڈیپارٹمنٹ کی ٹیم پر فائرنگ بھی کی۔
