Tag: 20 تولے سونا

  • سوات : سیلاب متاثرہ علاقے کی صفائی میں مصروف رضاکاروں کو 20 تولے سونا مل گیا

    سوات : سیلاب متاثرہ علاقے کی صفائی میں مصروف رضاکاروں کو 20 تولے سونا مل گیا

    سوات: سیلاب متاثرہ علاقے کی صفائی میں مصروف رضاکاروں کو 20 تولے سونا مل گیا تاہم ملنے والا سونا اصل مالک کو شناخت کے بعد واپس لوٹا دیا گیا۔

    تفصیلات کے مطابق سوات میں سیلاب متاثرہ علاقوں میں ریلیف کام کے دوران ایک مقامی مدرسے کے طلبہ نے دیانت داری کی شاندار مثال قائم کرتے ہوئے 20 تولہ سونا اس کے اصل مالک کو واپس کردیا۔

    سوشل میڈیا پر وائرل ہونے والی ایک ویڈیو میں دیکھا جاسکتا ہے کہ کیچڑ اور ملبے سے اٹے طلبہ ایک تباہ شدہ گھر سے طلائی زیورات برآمد کر رہے ہیں، بعدازاں یہ زیورات مدرسے کے مہتمم کے حوالے کیے گئے، جنہوں نے تصدیق کے بعد امانت اصل مالک تک پہنچا دی۔

    مقامی ذرائع ک نے بتایا کہ طلبہ کو اس عمل پر 10 ہزار روپے بطور انعام دیے گئے، تاہم انہوں نے یہ رقم بھی چندے میں دے دی۔

    واضح رہے کہ پاکستان میں فی تولہ 24 قیراط سونے کی موجودہ قیمت 3 لاکھ 55 ہزار 700 روپے ہے، جس حساب سے برآمد ہونے والا یہ سونا کئی ملین روپے مالیت کا تھا۔

    مدرسے کے طلبہ کے اس اقدام کو عوام اور سوشل میڈیا صارفین کی جانب سے زبردست خراجِ تحسین پیش کیا جا رہا ہے۔