دھابے جی : رینجرزکی چھاپہ مار کارروائی کے دوران بیس ملزمان گرفتار اور بھاری تعداد میں اسلحہ برآمد کرلیا گیا۔
تفصیلات کے مطابق گاڑیوں اور موٹر سائیکلوں پر سوار رینجرز کے اہلکار حرکت میں آگئے۔ دھابیجی میں جرائم پیشہ افراد کی موجودگی کی اطلاع ملی تو رینجرز کی بھاری نفری نے مختلف علاقوں کا محاصرہ کرلیا۔
رینجرز کے جوانوں نے داخلی اور خارجی راستے بند کر کےچھ گھنٹے طویل سرچ آپریشن کیا جس میں گھر گھر تلاشی بھی لی گئی۔ کارروائی کے نتیجے میں کئی ملزمان گرفتار اور بھاری تعداد میں اسلحہ بر آمد کرلیا گیا۔
بر آمد کئے گئے اسلحے میں جی تھری اور نائن ایم ایم پسٹلز سمیت دیگر خطر ناک اسلحہ شامل ہے۔گرفتار شدگان کیخلاف مقدمات درج کر کے تفتیش کا آغاز کردیا گیا ہے۔
