رنبیر کپور کی فلم ’اینیمل‘ نے باکس آفس پر کمائی کے ریکارڈ قائم کردیے ہیں، فلم نے دنیا بھر میں دو دنوں میں دو سو کروڑ سے زیادہ کا بزنس کرلیا۔
سندیپ ریڈی وانگا کی ہدایت کاری میں بننے والی ’اینیمل‘ نے اپنی دھاڑ سے باکس آفس کو ہلا کر رکھ دیا ہے۔ فلم نے ریلیز کے پہلے دن بھارتی سینماؤں سے 63 کروڑ روپے کمائے تھے جبکہ دنیا بھر سے 100 کروڑ روپے سے زائد سمیٹے تھے۔
پرتشدد مناظر سے بھرپور فلم نے دوسرے دن بھی اپنی تیز رفتار اڑان جاری رکھی اور بھارت میں 66 کروڑ کا بزنس کرڈالا جبکہ دوسرے دن بھی اس کی مجموعی عالمی باکس آفس کمائی 100 کروڑ سے زائد رہی۔
تجزیہ کار رمیش بالا کے مطابق فلم نے محض دو دنوں میں دنیا بھر میں 230 کروڑ روپے کا گراس بزنس کیا ہے۔
فلم نے رنبیر کی پچھلی ریلیز ’تو جھوٹی میں مکار‘ کے 221 کروڑ روپے کے گراس بزنس کو محض دو دن میں ہی پیچھے چھوڑ دیا ہے۔
In 2 days, #Animal has grossed a huge
₹ 230 Crs+ at the WW Box office.. 🔥 pic.twitter.com/2yrnuTJc9x— Ramesh Bala (@rameshlaus) December 3, 2023
فلم نے عالمی باکس آفس پر پہلے دن 116 کروڑ کی مجموعی کمائی کی ہے جبکہ دوسرے دن فلم نے مجموعی طور پر 120 کروڑ روپے اپنی جھولی میں ڈالے ہیں۔
واضح رہے کہ ’اینیمل‘ میں رنبیر کپور نے ایک سائیکو لڑکے کا کردار نبھایا ہے جو اپنے باپ سے بہت محبت کرتا ہے۔ فلم میں ان کے ساتھ رشمیکا مندانہ، انیل کپور اور بوبی دیول بھی مرکزی کرداروں میں موجود ہیں۔
