اسلام آباد : قومی اسمبلی کی قائمہ کمیٹی توانائی کے اجلاس میں 200 اور 201 یونٹ پر بلوں میں فرق کا ایجنڈہ شامل کرنے کا مطالبہ کیا گیا اور سوال کیا 200 یونٹ تک 5000 روپے بل اور 201 یونٹ ہوتے ہیں بل 15 ہزار کیوں؟

تفصیلات کے مطابق محمد ادریس کی زیر صدارت قومی اسمبلی کی قائمہ کمیٹی توانائی کا اجلاس ہوا ، جس میں مہنگی بجلی اور زائد بلوں کی بھرمار پر اراکین قومی اسمبلی نے سوالات اٹھادیئے۔

رکن کمیٹی رانا سکندر حیات نے کہا کہ ہم لوگوں کو کیا جواب دیں بجلی کب سستی ہوگی،؟ کچی آبادیوں اور ہاؤسنگ سوسائٹیوں میں بجلی کنکشن نہیں ہیں ، کئی سوسائٹیاں 50 سالوں سے قائم ہیں لیکن وہاں بجلی نہیں ہے، ایسی جگہوں پر بجلی چوری ہو رہی ہے، ایک میٹر ساتھ 10 کنڈے ہوتے ہیں۔

وزیر برائے پاور ڈویژن اویس لغاری نے بتایا کہ ہاوسنگ میں کنکشن تب لگتے ہیں جب وہاں کی مقامی اتھارٹی ڈیمانڈ کرے،مقامی اتھارٹی ڈیمانڈ کرے تو ہم کنکشن دینے کے پابند ہیں،ہم اس سے پہلے ایک اتھارٹی کا رول کیسے ادا کر سکتے ہیں۔

وزیر برائے پاور ڈویژن کا کہنا تھا کہ میرے لیے کنکشن دینا بہت آسان ہے اس سے بجلی زیادہ استعمال ہوگی،زیادہ بجلی استعمال ہوگی تو بجلی کے ریٹ کم ہو جائیں گے، بجلی کی قیمت اس لیے ہی زیادہ ہے کیونکہ بجلی کا استعمال کم ہے، 500ارب کی بجلی چوری نہیں ہے، بجلی چوری 250 ارب سالانہ ہے۔

مزید پڑھیں : بجلی کے ماہانہ 100 سے 500 یونٹ تک استعمال کرنے والے صارفین کو بڑا ریلیف مل گیا

ملک انور تاج نے کہا کہ 200یونٹ اور 201 یونٹ کا معاملہ آج کل لوگوں میں زیر بحث ہے اور 200 اور 201 یونٹ پر بلوں میں فرق کا ایجنڈہ شامل کرنے کا مطالبہ کرتے ہوئے کہا ایجنڈہ شامل کیا جائے کہ ایک یونٹ کے فرق پر بل اتنا کیوں بڑھ جاتا ہے۔

رانا سکندر حیات کا کہنا تھا کہ لائف لائن والے صارفین کو 200 یونٹ تک 5000 روپے بل آتا ہے، رجیسے ہی 201 یونٹ ہوتے ہیں بل 15 ہزار ہو جاتا ہے، ایک یونٹ بڑھنے سے اگلے 6 ماہ تک وہ پروٹیکٹڈ صارف بھی نہیں رہتا، کم از کم اسی مہینے کیلئے نان پروٹیکٹڈ رکھ لیں چھ ماہ کیلئے کیوں۔

اویس لغاری نے بتایا کہ 200 یونٹ تک کے صارفین کو 80 فیصد ڈسکاونٹ دیا جا رہا ہے، ہم صارفین کو ریلیف کے حوالے سے مزید اقدامات بھی کریں گے۔

لاہور : بجلی صارفین کو بھاری بلوں سے چھٹکارا دلانے کے لیے مفت سولر پینل دینے کی تاریخ کا اعلان ہوگیا۔

تفصیلات کے مطابق ایک طرف صارفین بجلی کی بڑھتی قیمتوں اور بھاری بلوں سے پریشان ہیں ، وہیں صوبائی حکومتوں کی جانب سے مفت سولر پینل دینے کے اعلانات کیے جارہے ہیں۔

پنجاب حکومت کی جانب سے بجلی کے بھاری بلوں سے چھٹکارا دلانے کے لیے روشن گھرانہ کے نام سے اسکیم کی منظوری دی، پروگرام کے تحت ابتدائی طور پر 45 لاکھ گھریلو صارفین کو پنجاب حکومت آسان اقساط پر سولر سسٹم لگا کر دے گی۔

اب مفت سولر سسٹم کن صارفین کو دیئے جائیں گے اور سولر سسٹم دینے کا سلسلہ کب سے شروع ہوگا؟ اس سلسلے میں وزیراعلیٰ پنجاب مریم نواز نے بڑا فیصلہ کرلیا ہے۔

وزیراعلیٰ پنجاب کا جشن آزادی کے دن سے سولر پینل کی تقسیم شروع کرنے کا فیصلہ کرلیا، 200 یونٹ تک استعمال کرنیوالے 14 اگست سے سولر پینل حاصل کرسکیں گے۔

اس کے علاوہ 200 سے500 یونٹ استعمال کرنیوالےکو سولر پینل 10 فیصد معاوضہ کی ادائیگی پرملیں گے جبکہ 500یونٹ تک سولر پینل کی فراہمی کی 90 فیصد رقم پنجاب حکومت ادا کرے گی۔

بلا سود ادائیگی پانچ سال میں سولر پینل کی فراہمی بینکوں کے ذریعے ہوگی ، پنجاب حکومت نے سولر پینلز کی فراہمی کی اسکیم کی تمام ایس او پیزطے کر لیں۔

مریم نواز کا کہنا تھا کہ سولرپینلز کی فراہمی سے بجلی بل میں 40 فیصد کمی ہوگی، عوام کو ریلیف دینا ہی میرا مشن ہے، مشکل حالات ہیں لیکن ہم عوام کیساتھ ہیں اور رہیں گے۔۔