اسلام آباد: سابق صدر آصف علی زرداری نے کہا ہے کہ 2013 انتخابات آر اوز نے کرائے، جن کی مدد سے نوازشریف نے اقتدار حاصل کیا.
ان خیالات کا اظہار انھوں نے راولپنڈی میں پارٹی کے مقامی عہدے داروں سے خطاب کرتے ہوئے کیا. ان کا کہنا تھا کہ اس وقت ہمارے ہاتھ بندھے ہوئے تھے، مگر اب وہ حالات نہیں، اب بلاول بھٹو میدان میں ہے.
پیپلزپارٹی کے شریک چیئرمین نے کہا کہ پیپلزپارٹی ذوالفقار علی بھٹوکے فلسفے پرعمل پیرا ہے، ہم سب بے نظیر بھٹوکے نقش قدم پر چل رہے ہیں اور معاشرے کے لئے جدوجہد کر رہے ہیں.
گذشتہ انتخابات میںپیپلزپارٹی کے لئے بے شمار رکاوٹیں پیدا کی گئی تھیں، ہمارے ہاتھ بندھے ہوئے تھے، انتخابات آر اوز نے کرائے تھے، مگر اب ہم سب مل کر بے نظیر بھٹو کے خوابوں کو سچ کر دکھائیں گے.
آصف علی زرداری کا کہنا تھا کہ جب پیپلزپارٹی حکومت میں نہیں ہوتی، تب عوام کا کوئی پرسان حال نہیں ہوتا، مہنگائی قابو سے باہر ہو جاتی ہے، نوجوانوں کے لئے روزگار کے دروازے بند کر دیے جاتے ہیں اور آج یہی حالات ہیں۔
ان کا کہنا تھا کہ آزاد خارجہ پالیسی محترمہ بے نظیر بھٹو کا فلسفہ تھا، ملک کو غربت، بے روزگاری اور جہالت سے پاک کرنا ہمارے مشن ہے، بلاول بھٹوبہترین اور روشن مستقبل کی ضمانت ہیں، پیپلزپارٹی جب اقتدار میں آتی ہے، ریاست کے ثمرات عوام تک پہنچتے ہیں۔ ہمارے دورمیں نوجوانوں کوروزگار ملتاہے، مہنگائی کنٹرول میں رہتی ہے۔
میاں صاحب اداروں کو کمزور کرنا چاہتے ہیں: آصف زرداری
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
