ARYNews.tv | Urdu – Har Lamha Bakhabar

Tag: 2018 FIFA World Cup

  • فیفا ورلڈ کپ: روس نے اسپین کو پنلٹی شوٹ آؤٹ پر شکست دے دی

    فیفا ورلڈ کپ: روس نے اسپین کو پنلٹی شوٹ آؤٹ پر شکست دے دی

    ماسکو: فیفا ورلڈ کپ کے اہم میچ میں روس نے اسپین کو پنلٹی شوٹ آؤٹ پر شکست دے کر کوارٹر فائنل کے لیے کوالیفائی کرلیا ہے۔

    تفصیلات کے مطابق فیفا ورلڈ کپ کے پری کوارٹر فائنل میچ میں میزبان روس نے پنلٹی شوٹ آؤٹس پر اسپین کو 3-4 سے شکست دے کر کوارٹر فائنل کے لیے کوالیفائی کرلیا۔

    میچ دوسرے ہاف میں ایک، ایک گول سے برابر رہا، دونوں ٹیموں کو اضافی وقت دیا گیا تاہم اضافی وقت کے پہلے ہاف میں بھی میچ برابر رہا، دوسرے ہاف میں بھی کوئی ٹیم گول اسکور نہ کرسکی۔

    اسپین کی ٹیم کھیل شروع ہونے کے 12 ویں منٹ میں ہی گول کرنے میں کامیاب ہوگئی جب روس کے سرگئی نے اون گول کردیا تاہم روس کے آرٹم ڈسیوبا نے گول برابر کردیا۔

    اس کے بعد میچ کو فیصلہ کن بنانے کے لیے پنلٹی شوٹ آؤٹ کا مرحلہ آن پہنچا، اسپین کی جانب سے دو پنلٹی ککس ضائع کرنے پر روس کامیابی سے ہمکنار ہوگیا، اسپین کے کوکے اور آس پاس نے پنلٹی کک ضائع کیں۔

    واضح رہے کہ گزشتہ روز پری کوارٹر فائنل مرحلے دو بڑی ٹیمیں رونالڈو کی پرتگال اور میسی کی ارجنٹینا مقابلے سے باہر ہوچکی ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ میں ایک اور خاتون رپورٹر کو جنسی ہراسگی کا سامنا

    فیفا ورلڈ کپ میں ایک اور خاتون رپورٹر کو جنسی ہراسگی کا سامنا

    ماسکو: فیفا ورلڈ کپ کی لائیو رپورٹنگ کرتے ہوئے ایک اور خاتون رپورٹر کو اوباش نوجوان کی جانب سے ہراساں کیا گیا، خاتون رپورٹر نے مذکورہ شخص کو کھری کھری سنادیں۔

    تفصیلات کے مطابق روس میں جاری فیفا ورلڈ کپ کی لائیو رپورٹنگ کے دوران خاتون رپورٹر کو ہراساں کرنے کا ایک اور واقعہ پیش آیا، برازیل کی خاتون رپورٹر جولیا گیوماریس لائیو رپورٹنگ کررہی تھیں کہ اوباش نوجوان نے ان کے گال پر بوسہ لینے کی کوشش کی لیکن خاتون رپورٹر پیچھے ہٹ گئیں اور نوجوان کو کھری کھری سنائیں۔

    جولیا نے نہایت غصے میں اوباش نوجوان کو کہا کہ ایسا دوبارہ کبھی مت کرنا، میں تمہیں کبھی ایسا نہیں کرنے دوں گی، ایسا کرنے کے بجائے تمہیں خواتین کی عزت کرنی چاہئے، اوباش نوجوان نے خاتون سے معافی مانگی لیکن جولیا کا غصہ ٹھنڈا نہ ہوا اور وہ اسے مسلسل سناتی رہیں۔

    ایک ٹی وی انٹرویو میں جولیا کا کہنا تھا کہ برازیل میں مجھے ایسے واقعات کا سامنا نہیں کرنا پڑتا لیکن یہاں مجھے دوسری بار ہراساں کیا گیا ہے، پہلے تو میں خاموش ہوگئی تھی لیکن اس بار مجھے چپ نہیں رہنا تھا کیونکہ ان لوگوں کو ایسے سمجھ نہیں آتی ہے۔

    مزید پڑھیں: روس : فٹبال ورلڈ کپ کی لائیو کوریج کے دوران خاتون صحافی ہراساں

    واضح رہے کہ جرمن نشریاتی ادارے سے تعلق رکھنے والی خاتون صحافی جولیتھ گونزالیس تھیران کو فٹبال مقابلوں کی براہ راست کوریج کے دوران اوباش نوجوان بوسہ دے کر فرار ہوگیا تھا۔

    جولیتھ گونزالیس کا اپنے پیغام میں کہنا تھا کہ ’میرے ساتھ روس میں جو نازیبا حرکت ہوئی وہ ہرگز قابل برداشت نہیں، خواتین صحافی مردوں کے شانہ بشانہ پیشہ ورانہ صحافتی امور انجام دے رہی ہیں اور برابری کے حقوق کی حق دار ہیں‘۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ : بیلجیئم، میکسیکو اورجرمنی کی ٹیموں نے میچز جیت لیے

    فیفا ورلڈ کپ : بیلجیئم، میکسیکو اورجرمنی کی ٹیموں نے میچز جیت لیے

    ماسکو : فیفا ورلڈ کپ میں بیلجیئم اور میکسیکو اور جرمنی نے اپنے اپنے میچز جیت لئے، تیونس، جنوبی کوریا اور سوئیڈن کو شکست کا سامنا کرنا پڑا۔

    تفصیلات کے مطابق روس میں فٹبال ورلڈ کپ کے سنسنی خیز مقابلے جاری ہیں، گروپ جی میں بیلجیئم نے تیونس کو آسان مقابلے کے بعد 2-5 سے شکست دے دی۔

    بیلجیئم کی جانب سے رومیلو لوکاکو اور ایڈن ہزارڈ نے دو دو جب کہ مچی بٹشوائی نے ایک گول کیا۔ بیلجیئم گروپ میں دو فتوحات کے ساتھ ناک آؤٹ مرحلے میں اپنی جگہ بناچکا ہے۔

    دوسرے میچ میں میکسیکو نے جنوبی کوریا دو ایک سے شکست دی، میکسیکو نے پہلے ہاف میں پنالٹی پر گول کر کے برتری حاصل کی اور پھر دوسرے ہاف میں جیویر ہرنینڈس نے وسطی امریکی ملک کو ٹورنامنٹ میں مسلسل دوسری فتح سے ہمکنار کرا دیا۔

    تیسرے میچ میں دفاعی چیمپیئن جرمنی اور سوئیڈن کےدرمیان کھیلے جانے والے میچ میں جرمنی نے سویڈن کو سنسنی خیز مقابلے کے بعد ایک کے مقابلے میں دو گول سے شکست دے کر فتح اپنے نام کی، یاد رہے کہ جرمنی فیفا ورلڈ کپ میں دفاعی چیمپئن ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • جیت کی خوشی، جاپانی شائقین نے پورے اسٹیڈیم کی صفائی کردی

    جیت کی خوشی، جاپانی شائقین نے پورے اسٹیڈیم کی صفائی کردی

    ماسکو: فٹبال ورلؑڈ کپ کے میچ میں جاپان نے کولمبیا کو شکست دی تو جاپانی شائقین کی خوشی کی انتہا نہ رہی اور انہوں نے پورے اسٹیڈیم کی صفائی کردی۔

    تفصیلات کے مطابق ورلڈ کپ میں کسی بھی میچ کے بعد اسٹینڈز میں کوڑا، بوتلیں اور کھانے کی چیزوں کے خالی پیکٹ پڑے ملتے ہیں، گزشتہ رات جاپان کے شائقین کی خوشی دیدنی تھی ان کی ٹیم نے کولمبیا کو 2-1 سے شکست دی تو شائقین نے پورے اسٹیڈیم کی صفائی کردی۔

    بڑے بڑے کچرے کے تھیلے تھامے جاپانیوں نے ہر نشست کو صاف کیا اور جب وہ اسٹیڈیم سے باہر نکلے تو اسٹینڈز ایسا منظر پیش کررہے تھے جیسے وہاں کوئی بیٹھا ہی نہیں تھا۔

    جاپان کے صحافی اسکاٹ میکنٹائر کے مطابق یہ نفاست صرف فٹبال کے لیے ہی نہیں ہے، صفائی جاپانی ثقافت کا کلیدی حصہ ہے، وہ اس وقت ورلڈ کپ کے لیے روس میں موجود ہیں اور جاپانی شائقین کی اس صفت سے بخوبی واقف ہیں۔

    جاپانی شائقین کی دیکھا دیکھی سینیگال کے شائقین بھی پیچھے نہ رہے اور ورلڈ کپ میں ان کی ٹیم کے میچ کے بعد وہ بھی گراؤنڈ کی صفائی میں مگن نظر آئے۔

    اسٹیڈیم صاف کرنے کی روایت جاپان نے ہی ڈالی اور یہ ان کی وجہ شہرت بن گئی ہے یہ رویہ ابھی بھی کچھ ممالک کے لوگوں کے لیے حیران کن ہے تاہم سوشل میڈیا پر جاپانی صفائی مہم کی ویڈیو وائرل ہوچکی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • مداحوں‌ کے لیے خوش خبری، اب فٹ بال ورلڈ کپ دیکھنے کے لیے روس کے ویزے کی ضرورت نہیں

    مداحوں‌ کے لیے خوش خبری، اب فٹ بال ورلڈ کپ دیکھنے کے لیے روس کے ویزے کی ضرورت نہیں

    ماسکو: اب فٹ بال کے مداح بغیر کسی ویزے کے روس جا کر فٹ بال کے عالمی مقابلے سے محظوظ ہوسکتے ہیں۔

    تفصیلات کے مطابق فٹ بال کا سب سے بڑا عالمی مقابلہ 14 جون کو روس میں منعقد ہوگا، جسے لاکھوں افراد براہ راست اور کروڑوں ٹی اسکرینز کے ذریعے دیکھیں گے.

    مداحوں کے لیے اہم خبر یہ ہے کہ اب وہ ویزے کی جھنجھٹ کے بغیر روس کا سفر کرسکیں گے، فیفا کی ویب سائٹ کے مطابق اگر کسی مداح کے پاس میچ کا ٹکٹ اورفین آئی ڈی موجود ہو، تو اسے روس جانے کے لیے ویزے کی ضرورت نہیں ہوگی۔

    برطانوی خبر رساں ادارے کے مطابق فیفا کی یہ آئی ڈی ایک شناختی کارڈ کا کام دے گی، جس پر تصویر اور رجسٹریشن نمبر درج ہوں گے۔

    فین آئی ڈی کے ذریعے روس کے اندر ورلڈ کپ کے لیے چلائی جانے والی خصوصی ٹرینوں پر مفت سفر کیا جا سکتا ہے، فین آئی ڈی فارم آن لائن بھرا جاسکتا ہے.

    یاد رہے کہ عالمی فٹ بال ورلڈ کپ کی ٹکٹس قرعہ اندازی کے ذریعے فروخت کے لیے پیش کی گئی ہیں۔ ان ٹکٹس کی قیمت 105 ڈالر سے لے کر 1450 ڈالر تک متعین ہے۔

    یاد رہے کہ روس میں‌ ہونے والے مقابلے میں دنیا کی بہترین ٹیموں سنہری ٹرافی کے لیے مدمقابل ہوں‌ گی. جرمنی اپنے اعزاز کا دفاع کرے گی.

    میسی اسرائیل کے ساتھ دوستانہ فٹبال میچ نہ کھیلیں، فلسطینیوں کی اپیل

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔