Tag: 2024 T20 World Cup

بھارتی کپتان روہت شرما نے انکشاف کیا ہے کہ ٹی ٹوئنٹی ورلڈکپ میں انگلینڈ کے خلاف سیمی فائنل سے پہلے انھیں ایک چیز سے ڈر لگ رہا ہے۔

آئی سی سی ٹی ٹوئنٹی ورلڈکپ 2024 میں آج دوسرے سیمی فائنل میں دفاعی چیمپئن انگلینڈ اور بھارت کی ٹیمیں مدمقابل آئیں گی، میچ میں بارش کی بھی پیشگوئی کی گئی ہے جبکہ آئی سی سی نے اس مقابلے کے لیے کوئی ریزرو ڈے بھی نہیں رکھا۔

بھارتی کپتان روہت شرما نے خدشہ ظاہر کرتے ہوئے کہا ہے کہ حالات کسی کے اختیار میں نہیں ہوتے آپ نہیں جانتے کہ کیا ہونے والا ہے، مجھے صرف ایک چیز کی فکر ہے کہ اگر ہمارا سیمی فائنل کافی دیر سے شروع ہوا تو یہ بہت تاخیر سے ختم ہوگا۔

روہت نے میچ کے موقع پر پریس کانفرنس میں کہا کہ ہم نے میچ کے بعد چارٹرڈ فلائٹ بک کرائی ہوئی ہے اور تاخیر کے باعث ہماری چارٹر فالائٹ مس ہوسکتی ہے۔

انھوں نے کہا کہ تاہم زیادہ فکر کی بات یوں نہیں کہ ہمیں اگلے وینیو تک پہنچانا آئی سی سی اور کرکٹ ویسٹ انڈیز کا درد سر ہے۔

ہم اس بات پر توجہ مرکوز رکھیں گے کہ ہم اس سیمی فائنل میں کس طرح اچھی کرکٹ کھیل سکتے ہیں اور نتیجہ اپنے حق میں کرسکتے ہیں، دو بہترین کرکٹ ٹیمیں مدمقابل آرہی ہیں اس لیے یہ بہت اچھا میچ ہو گا۔

خیال رہے کہ پہلے سیمی فائنل میں جنوبی افریقہ افغانستان کو روند کر فائنل میں پہنچ چکا ہے جبکہ اب انگلینڈ یا بھارت میں سے کوئی ٹیم فائنل میں پروٹیز کا سامنا کرے گی۔

قومی کرکٹ ٹیم تو ٹی ٹوئنٹی ورلڈکپ کے سیمی فائنل میں نہ پہنچ سکی مگر پاکستانی امپائر نے فائنل فور مقابلوٓں کیلئے اپنی جگہ پکی کرلی۔

آئی سی سی ٹی ٹوئنٹی ورلڈ کپ 2024 میں ایک پاکستانی امپائر احسن رضا بھی اپنی ذمہ داریاں نبھانے کے لیے موجود ہونگے، یہ ٹی ٹوئنٹی عالمی کپ کی تاریخ میں پہلی بار ہوگا کہ کسی پاکستانی امپائر کو فرائض کی انجام دہی کے لیے چنا گیا ہے۔

پہلے سیمی فائنل میں 27 جون کو جنوبی افریقا اور افغانستان کے درمیان ٹرینی ڈاد اینڈ ٹابگو میں لاہور سے تعلق رکھنے والے امپائر احسن رضا بطور فورتھ امپائر فرائض انجام دیں گے۔

پاکستانی امپائر احسن رضا تیسری بار ٹی ٹونٹٹی ورلڈکپ میں امپائرنگ کررہے ہیں جبکہ وہ ایک بار ون ڈے ورلڈکپ میں بھی بطور امپائر اپنی خدمات انجام دے چکے ہیں۔

احسن آئی سی سی ایلیٹ پینل میں شامل واحد پاکستانی امپائر ہیں جنھیں آئی سی سی نے تیسرے ٹی ٹوئنٹی ورلڈ کپ میں امپائرنگ کے لیے بھی متخب کیا تھا۔

سب سے زیادہ مختصر فارمیٹ کے میچز میں امپائرنگ کرنے کا اعزاز بھی احسن رضا کے پاس ہے جبکہ انھوں نے شوپیش ایونٹ کے دوران اپنا 100 واں ٹی ٹوئنٹی میچ بھی سپروائزر کیا تھا۔

آئی سی سی ٹی ٹوئنٹی ورلڈکپ میں سب سے زیادہ سیمی فائنل کھیلنے والی ٹیم کا تعلق ایشیا سے ہے جس نے 6 بار فائنل فور میں جگہ بنائی ہے۔

اے آر وائی کے اسپورٹس پروگرام میں میزبان نے اعداد و شمار بتاتے ہوئے انکشاف کیا کہ سب سے زیادہ 6 بار پاکستان ٹیم نے ٹی ٹوئنٹی ورلڈکپ کا سیمی فائنل کھیلنے کا اعزاز حاصل کیا ہے، گریش شرٹس نے 2007، 2009، 2010، 2012، 2021 اور 2022 کا سیمی فائنل کھیلنے کا اعزاز حاصل کیا۔

تاہم پاکستان کرکٹ ٹیم صرف ایک بار ہی 2009 میں یونس خان کی قیادت میں ورلڈ ٹی ٹوئنٹی کا ٹائٹل اپنے نام کرنے میں کامیاب رہی۔

یہ بات قابل ذکر ہے کہ پاکستان نے ٹی ٹوئنٹی ورلڈکپ کی شروعات سے ہی اچھی پرفارمنسز دی ہیں، اکثر ایونٹس میں پاکستان ٹیم نے فائنل فور میں جگہ بنائی ہے۔

اس موقع پر کامران اکمل کا کہنا تھا کہ ایسا لگ رہا ہے کہ چوکرز کا لیبل جنوبی افریقہ سے ہٹ کر کہیں پاکستان پر نہ آجائے، اس سے قبل ہم چھ سیمی فائنل کھیلے اور صرف ایک بار ورلڈکپ جیتا۔

View this post on Instagram

A post shared by ARY News (@arynewstv)

اس کے علاوہ ٹی ٹوئنٹی ورلڈکپ میں بھارت پانچ سیمی فائنل کھیلنے میں کامیاب رہا، انگلینڈ نے بھی 5 بار سیمی فائنل ٹیموں میں اپنا نام درج کروایا، ویسٹ انڈیز نے چار بار سیمی فائنل میں جگہ بنائی ہے، آسٹریلیا بھی چار بار سیمی فائنل کھیلنے کا اعزاز رکھتی ہے۔

سری لنکا نے بھی چار بار اپنی رسائی کو سیمی فائنل تک ممکن بنایا، نیوزی لینڈ نے بھی چار بار ہی سیمی فائنل تک پہنچنے کی راہ ہموار کی تاہم یہ واحد ٹیم رہی جو اب تک یہ ٹائٹل جیتنے میں ناکام ہے۔

بھارتی کپتان روہت شرما نے آسٹریلوی پیسر مچل اسٹارک کی جم کر دھلائی کرڈالی، فاسٹ بولر کے ایک اوور میں 29 رنز بٹور لیے۔

آئی سی سی ٹی ٹوئنٹی ورلڈکپ کے سپر ایٹ مرحلے میں آسٹریلیا اور بھارت کے درمیان اہم میچ کھیلا جارہا ہے، بھارت کپتان نے میچ کے تیسرے اوور میں دنیا کے مانے ہوئے فاسٹ بولر مچل اسٹارک کی درگت بنا ڈالی، انھوں نے کینگرو بولر کو ایک اوور میں چار چھکے جڑے۔

روہت نے پہلی بال پر اسٹارک کو آف سائیڈ پر چھکا لگایا، دوسری بال بھی انھوں نے اسی اسٹائل میں باؤنڈری کی جانب پھینکی۔

تیسری گیند پر روہت شرما نے لانگ آن پر چوکا مارا جبکہ چوتھی بال پھر ایک شاندار چھکے کی صوت میں گراؤنڈ سے باہر گئی، ایسے میں گھبرا کر مچل اسٹارک نے ایک وائیڈ بھی کی۔

 

View this post on Instagram

 

A post shared by ICC (@icc)

بھارتی کپتان روہت نے اوور کی آخری بال پر بھی اسٹارک کو نہ بخشا اور فل ٹاس گیند ان بلے کا کنارہ لیتی ہوئے چھکے کے لیے اسٹینڈز میں چلی گئی، یوں مچل اسٹارک کو ایک اوور میں 4 چھکے اور ایک چوکے پڑے اور انھوں نے 29 رنز دیے۔

روہت نے آسٹریلیا کے خلاف شاندار بیٹنگ کا مظاہرہ کرتے ہوئے صرف 19 بالز پر اپنی ففٹی اسکور کی، ان کی اب تک کی 51 رنز کی اننگز میں 5 چھکے اور 4 چوکے شامل ہیں۔

خیال رہے کہ ٹی 20 ورلڈ کپ میں سینٹ لوشیا میں کھیلے جارہے سپر ایٹ مرحلے کے اہم میچ میں آسٹریلوی کپتان مچل مارش ٹاس جیت کر روہت شرما الیون کو پہلے بیٹنگ کی دعوت دی ہے۔

بھارتی ٹیم میچ جیت کر سیمی فائنل میں جگہ پکی کرلے گی، افغانستان سے شکست کے بعد آسٹریلیا کو سیمی فائنل تک رسائی کے لیے یہ میچ جیتنا لازم ہے۔

آئی سی سی ٹی ٹوئنٹی ورلڈکپ میں ویرات کوہلی کی ناقص کارکردگی پر بھارتی بیٹنگ کوچ وکرم راٹھور نے اپنا ردعمل دیا ہے۔

بھارتی سپراسٹار بیٹر کوہلی کا بلا اس سال آئی پی ایل میں تو خوب چلا تھا اور انھوں نے بولرز کے چھلے چھڑا دیے تھے مگر آئی سی سی ٹی ٹوئنٹی ورلڈکپ 2024 میں انھیں متواتر ناکامی کا سامنا کرنا پڑا، وہ اب تک میگا ایونٹ میں ایک بھی متاثر کن اننگز کھیلنے میں کامیاب نہ ہوسکے۔

بیٹنگ کوچ وکرم راٹھور نے بنگلہ دیش کے خلاف سپر ایٹ مرحلے میں بھارت کے دوسرے میچ سے قبل کوہلی کی فارم پر تفصیلی بات چیت کی تھی۔

راٹھور کے مطابق کوہلی کو اس وقت چیلنج کا سامنا ہے، ان کا کہنا تھا کہ میں ان کی فارم سے خوش نہیں ہوں، میں چاہتا ہوں کہ وہ میدان میں جائیں اور زیادہ رنز بنائیں۔

بھارتی بیٹنگ کوچ نے کہا کہ ہاں یہ بات ضرور ہے کہ جب آپ کو کبھی کبھی چیلنج کا سامنا کرنا پڑتے تو یہ اچھا ہوتا ہے، اس سے قبل جو پلیئرز کبھی بھارت کے لیے زیادہ بیٹنگ نہیں کر پا رہے تھے وہی لوگ ہ آج رنز اسکور کررہے ہیں۔

وکرم راٹھور نے کہا کہ اس وقت ہمارا مڈل آرڈر رنز بنا رہا ہے ہمارا مڈل آرڈر میدان میں آکر کھیل رہا ہے لہذا، یہ بھی اچھی بات ہے۔

خیال رہے کہ ویرات کوہلی پچھلے ٹوئنٹی ورلڈ کپ میں بھارت کے سب سے زیادہ رنز بنانے والے کھلاڑی تھے تاہم اس بار ان کا بلا خاموش ہے انھوں نے سب سے زیادہ افغانستان کے خلاف 24 رنز اسکور کیے تھے۔