بالی ووڈ اداکارہ دیپیکا پڈوکون 2023 کے آسکر ایوارڈز میں میزبانی کریں گی۔
تفصیلات کے مطابق لاس اینجلس میں اس سال آسکرز ایوارڈز کی میزبانی بالی ووڈ اداکارہ دیپیکا پڈوکون کریں گی، برطانوی نژاد پاکستانی اداکار رض احمد بھی ایوارڈ پیش کریں گے۔
لاس اینجلس کے ڈولی تھیٹر میں ایوارڈز تقریب 12 مارچ کو ہوگی، دیپیکا پڈوکون کے علاوہ دیگر پریزنٹرز میں برطانوی نژاد پاکستانی اداکار رض احمد، ڈوین جانسن، ایملی بلنٹ بھی شامل ہیں۔
میزبانوں کی فہرست خاصی طویل ہے، مائیکل بی جارڈن، گلین کلوز، ٹرائے کوٹسور، جنیفر کونلے، سیموئل ایل جیکسن، ملیسا مک کارتھی، زوے سلڈانہ، ڈونی ین، جوناتھن میجرز اور کوئسٹ لو بھی میزبانی کے فرائض انجام دیں گے۔
دیپیکا پڈوکون نے انسٹاگرام اکاؤنٹ پر آسکر ایوارڈز میں میزبان شخصیات کی فہرست بھی شیئر کی، دیپیکا کے شوہر رنویر سنگھ نے اس پر کمنٹ سیکشن میں تالیاں بجانے والی ایموجیز شیئر کیں۔
واضح رہے کہ 95 ویں اکیڈمی ایوارڈز 12 مارچ کو لاس اینجلس کے ڈولی تھیٹر میں منعقد ہوں گے، آسکرز میں بھارت کے لیے یہ ایک خاص سال ہے، کیوں کہ اس بار نامزدگیوں کے لیے صرف ایک نہیں بلکہ تین فلمیں مقابلہ کر رہی ہیں۔
