Tag: –

کراچی: داتا نگر میں ننھی فریحہ کو زیادتی کے بعد قتل کرنے والے مرکزی ملزم گرفتارکرلیا گیا، ملزم نے اعتراف جرم کرلیا۔

تفصیلات کے مطابق کراچی کے علاقے پپری داتانگر میں ننھی فریحہ کو زیادتی کے بعد قتل کرنے والے مرکزی ملزم گرفتار کو کرلیا گیا۔

ایس ایس پی ملیر حسن سردار نیازی نے بتایا کہ پولیس نے ملزم انتظار کو گرفتار کر لیا ہے، پولیس نے چوبیس گھنٹے مہلت مانگی تھی مگر اس سے پہلے ملزم گرفتار کر لیا ہے۔

حسن سردار نیازی کا کہنا تھا کہ مرکزی ملزم کی مدد کرنے والا آلہ رکھا نامی شخص کو بھی گرفتار کیا گیا ہے۔

ملزم بچی کو جھانسا دے کر لے گیا، بچی کے ساتھ زیادتی کی جس کے بعد گلا دبا کر قتل کر دیا اور بچی کی لاش پانی کے نالے میں ملزمان نے پھینکی۔

بچی کو زیادتی کے بعد قتل کرنے کے واقعے میں ملزمان نے اعتراف جرم کرلیا ، گرفتار ملزمان نے پولیس تحویل میں بیان دے دیا ہے۔

پولیس کا کہنا ہے کہ مرکزی ملزم انتظار اور ساتھی اللہ رکھا نے بچی سےزیادتی ،قتل کا اعتراف کیا۔

اس سے قبل کراچی کے علاقے پپری داتانگر میں بچی کو زیادتی کے بعد قتل کرنے کا واقعے پر بچی کے والد محمداعظم خان نے الزام لگایا کہ میری بیٹی کو پڑوسی انتظار نے قتل کیا، ملزم پہلے دن سے لاپتہ ہے، اسے لوگوں نےلاش لے جاتے دیکھا تھا، ملزم سےلوگوں نے پوچھا تھا بورے میں کیا ہےتواس نے کہا موٹر سائیکل کا انجن ہے۔

جناح اسپتال میں بچی کے چچا بہرام نے میڈیا سے گفتگو کرتے ہوئے کہا تھا کہ میری بھیتجی 3روز پہلے گھرکےباہر کھیلتے ہوئے لاپتہ ہوئی بچی کی لاش بوری میں بندتھی،پیررسی سے بندھے تھے۔

چچا کا کہنا تھا کہ ملزمان نے بچی کوتشدد کا نشانہ بنایا ،زیادتی کی ، 6سالہ بچی پہلی جماعت کی طالبہ اور داتا نگر کی رہائشی تھی۔
بورےمیں بندبچی کی لاش پانی کےنالےسےبرآمدکی گئی تھی ، پولیس تا حال مرکزی ملزم کو گرفتار کرنے میں ناکام ہیں۔

بچی کی لاش پوسٹ مارٹم کے بعد ورثا کے حوالے کردی گئی تاہم بچی کےقتل کامقدمہ بھی تاحال درج نہ ہوسکا۔

بچی کے رشتے داروں کا کہنا تھا کہ وہ ستائیس تاریخ کی صبح پڑوس کی دکان سے چیزلینے گئی تھی، دس منٹ میں واپس نہیں آئی توباہرنکل کرتلاش کیا کہیں نہیں ملی، لاوڈاسپکیرلیکر تین دن تک علاقے میں ڈھونڈتے رہے، حکومت سے اپیل کرتے ہیں جن درندوں نے یہ ظلم کیا ہے انہیں پھانسی دی جائے۔

اسلام آباد : بجلی کا بل ادا کرنے والوں پر مزید بوجھ ڈالنے کی تیاری کرلی گئی، جس پر چیئرمین نیپرا نے کہا کہ جو بجلی کے بل نہیں دیتے وہ تو آج بھی مسکرا رہے ہیں۔

تفصیلات کے مطابق بجلی صارفین پر تین روپے انتالیس پیسے اضافی سرچارج لگانے کی حکومتی درخواست پر سماعت ہوئی۔

چیئرمین نیپرا نے شدید تحفظات کا اظہار کرتے ہوئے کہا کہ جو بیچارے بل ادا کرتے ہیں انہوں نے تین روپے انتالیس پیسے کا سرچارج دینا ہے اور جو بل نہیں دیتے وہ تو آج بھی مسکرا رہے ہیں۔

چیئرمین نیپرا کا کہنا تھا کہ کمپنیوں نے جو کام کرنے تھے وہ نہیں کئے تو اب عوام پر ہی سرچارج لگا رہے ہیں۔

نیپرا نے اضافی سرچارج کی منظوری قانونی رائے سے مشروط کر دی، چیئرمین نیپرا نے کہا کہ پاور ڈویژن پہلے اس پر قانونی رائے دے پھر منظوری کا فیصلہ ہوگا، جس پر پاورڈویژن حکام کا کہنا تھا کہ سرچارج کے نفاذ سے متعلق قانونی سوالات کا جواب پوچھ کر بتادیں گے۔

چیئرمین نیپرا نے مزید کہا کہ اگر نیپرا اس طرح ریکوری کی اجازت دے تو باقی طریقہ کار تو ختم ہوجائیں گے، نیپرا کے پاس سرچارج کی منظوری یا نامنظور کرنے کی پاور ہی نہیں؟ ہمیں سرچارج کے نفاذ پر حکومت کی لیگل پوزیشن درکار ہے، یہ طاقت حکومت کے پاس ہے تو باہر نکل کر ذمہ داری نیپرا پر نہ ڈالی جائے۔

ممبر نیپرا کا کہنا تھا کہ پاور ڈویژن کی نااہلی تو وہیں ہے مسئلہ ہر سال بڑھتا جائے گا، انڈسٹری کا ٹیرف بتیس روپے فی یونٹ تک پہنچ جائے گا اور اگر انڈسٹری متبادل آپشن پر چلی جائے تو پھر ریکوری کیسے ہوگی۔

نیپرا کے مطابق بجلی صارفین پر پہلے ہی تینتالیس پیسے فی یونٹ سرچارج عائد ہے ، اب حکومت اس سرچارج کو تین روپے بیاسی پیسے فی یونٹ تک لے جانا چاہتی ہے۔

کراچی: جوہرموڑ کے قریب نجی ٹیکسٹائل کمپنی کی بس کا بریک فیل ہونے سے تیز رفتار بس 15 گاڑیوں سے ٹکرا گئی۔

اے آر وائی نیوز کے مطابق یہ واقعہ کراچی کے علاقے جوہر موڑ کے قریب پیش آیا ہے، جہاں ایک نجی ٹیکسٹائل کمپنی کی بس کا بریک فیل ہونے سے گاڑی 15 سے زائد گاڑیوں سے ٹکرا گئی۔

ذرائع کے مطابق پولیس، ٹریفک پولیس اور ریسکیو ٹیمیں موقع پر پہنچ گئیں تاہم کسی جانی نقصان کی اطلاع نہیں ملی۔