Tag: 23افراد ہلاک

اتراکھنڈ: بھارت کی شمالی ریاست اتراکھنڈ میں بس ندی میں گرنے سے 23افراد ہلاک اور 7زخمی ہوگئے۔

تفصیلات کےمطابق بھارتی ریاست اتراکھند میں بس ندی میں جاگری جس کے باعث 23مسافر ہلاک جبکہ سات مسافر زخمی ہوگئے۔

اتراکھنڈ کے وزیراعلیٰ تریویندر راوت کاکہناہےکہ حادثہ بس ڈرائیور کی ٖغفلت کےباعث پیش آیا جبکہ حادثے میں زخمی ہونے والے افراد کو مقامی اسپتال منتقل کردیاگیاہے۔

بس حادثے کے شکار افراد گنگوتری سے واپس اپنی ریاست مدھیہ پردیش جا رہے تھے۔ گنگوتری کو ہندو مذہب میں اہم مقام حاصل ہے اور یہ وہ جگہ ہے جہاں سے دریائے گنگا نکلتی ہے۔

بھارت : بس کھائی میں گرنےسے44افراد ہلاک

مدھیہ پردیش کے وزیر اعلی شو راج سنگھ چوہان نے اپنے ٹویٹ میں اس واقعے کو تکلیف دہ قرار دیا ہے اور انہوں نے مرنے والوں کے اہل خانہ کو دو دو لاکھ روپے معاوضے کا اعلان کیا ہے۔

واضح رہےکہ اترا کھنڈ میں سنہ 2013 میں آنے والے سیلاب میں تقریبا ایک ہزار افراد ہلاک ہو گئے تھے اور بڑے پیمانے پر املاک کو نقصان پہنچا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

وارسا: یورپ کے مختلف ممالک میں شدید سردی کےباعث تارکین وطن اور بےگھر لوگوں سمیت23 افراد ہلاک ہوگئے۔

تفصیلات کےمطابق یورپ کے مختلف ممالک میں شدید سردی کی لہررواں ہفتے کے اختتام تک جاری رہنے کا امکان ہے۔

اٹلی میں بحری اور فضائی سفر کی سہولیات تعطل کا شکار ہوئی ہیں جبکہ جنوبی علاقوں میں اسکول بند کردیےگئےہیں۔

ترکی بھی سرد موسم سے بری طرح متاثر ہوا ہے۔ باسفورس کی بندرگاہ کو بھی استنبول میں برفانی طوفان کے بعد لنگر اندازی کے لیے بند کر دیا گیا ہے۔

پولینڈ میں سردی کے باعث کم از کم 10 افراد ہلاک ہو گئے ہیں۔جہاں منجمند کردینے والی سردی مائنس 14 سینٹی گریڈ تک ریکارڈ کی گئی۔روس میں رات کے وقت درجۂ حرارت منفی 30 تک پہنچ چکا ہے۔

یونان کے شمالی علاقوں میں درجۂ حرارت منفی 15 تک پہنچ گیا ہیں جہاں گذشتہ ہفتے ایک افغان پناہ گزین سردی کے باعث ہلاک ہو گیا تھا وہاں تمام سڑکیں بند ہیں۔

اٹلی میں سات افراد کی ہلاک کے بعد بے گھر افراد کے لیے بنے ہاسٹلز دن رات کھلے ہیں۔ مرنے والوں میں پانچ افراد کھلے آسمان تلے ہلاک ہو ئے۔

واضح رہےکہ روس میں 120 سال کے بعد اس قدر سردی پڑی ہے۔جہاں رات کے وقت درجۂ حرارت منفی 30 تک ریکارڈ کیاگیا ہے۔