لاہور : تھانہ سندر میں بارات سے چند گھنٹے قبل دلہن کو کس نے اور کیوں قتل کیا؟ تفتیش میں اہم انکشاف سامنے آیا۔
تفصیلات کے مطابق لاہور کے علاقے تھانہ سندرمیں بارات سے قبل دلہن کو قتل کی تفتیش میں قاتل کے حوالے سے اہم انکشاف سامنے آیا۔
پولیس نے بتایا کہ مقتولہ کے بہنوئی قاتل نکلا، اکرام نے مبینہ طور پر رشتہ کے تنازعہ پر عائشہ کو فائرنگ کرکے قتل کیا۔
پولیس نے مقتولہ کے والد کی مدعیت میں اکرام کے خلاف مقدمہ درج کرلیا۔
پولیس نےبتایاکہ تئیس سالہ عائشہ کی بھائی پھیرو کے رہائشی فلک شیر سے آج شادی تھی اور اس کی بارات دوپہر ایک بجے آنی تھی، رات مہندی کی تقریب کے بعد عائشہ کمرے میں سوگئی اس دوران علی الصبح سے فائرنگ کرکے قتل کردیا۔
حکام کا کہنا تھا کہ ملزم پستول کو گھر کے ساتھ ہی خالی پلاٹ میں پھینک کر فرار ہوا، مقتولہ کا بہنوئی اکرام کے حالات مشکوک تھے، قتل کے بعد طبیعت خراب کا بہانہ بناکر وہ غائب ہوگیا۔
پولیس نے ملزم اکرام کے بھائی کو حراست میں لےتفتیش شروع کردی اور مرکزی ملزم کی گرفتاری کے لیے کوششیں جاری ہے، مرکزی ملزم کو جلد گرفتار کرلیا جائے گا۔
