صادق آباد: اسسٹنٹ کمشنر نے پیٹرول سے بھرا ذخیرہ کیا گیا ٹینکر پکڑ کر 25000 لیٹر پٹرول برآمد کرلیا۔
تفصیلات کے مطابق رحیم یارخان کے علاقہ صادق آباد میں چھپایا گیا 25 ہزار لیٹر پیٹرول برآمد کر کے دو افراد کو حراست میں لے لیا گیا۔
اسسٹنٹ کمشنر حماد حامدبتایا کہ ذخیرہ اندوزی میں ملوث دو افراد کو گرفتار کرکے قانونی کاروائی شروع کردی گئی ہے۔
صادق آباد۔ اسسٹنٹ کمشنر حماد حامد نے شہر کے مختلف پیٹرول پمپوں پرچھاپے مارے اور پیٹرول پمپ کا پیمانہ بھی چیک کیا۔
پیمانہ پورا نہ ہونے پر ایک پیٹرول پمپ سیل دو پیٹرول پمپ مالکان کو بھاری جرمانہ عائد کردیا گیا۔
حماد حامد کا کہنا تھا کہ پیٹرولیم مصنوعات کی مصنوعی قلت پیدا کرنے والوں کے خلاف بلا تفریق کارروائی کی جائے گی۔