کراچی: تین علاقوں سے تحویل میں لی گئی بچیوں کی حوالگی کا معاملہ اب عدلیہ حل کرے گی، پولیس نے مقدمہ درج کرکے پانچ افراد کو حراست میں لے لیا ہے۔
لیاقت آباد ، جمشید کوارٹرز اور بھٹائی آباد سے تحویل میں لی گئی تینتیس بچیوں کا معاملہ تا حال حل نہ ہوسکا، معصوم بچیوں کو اپنے گھر اب عدالت پہنچائے گی، لیاقت آباد سپر مارکیٹ اور ابراہیم حیدر پولیس نے بچیوں کو حبس بے جا میں رکھنے کے دو مقدمات تین روز گزرجانے کے حمیدہ خاتون اور ایوب نامی شخص کے خلاف درج کرلئے ہیں جبکہ دو خواتین سمیت پانچ افراد کو حراست میں بھی لیا گیا۔
قانونی ماہرین کا کہنا ہے کہ بچیوں کی حوالگی کا فیصلہ عدالت کرے گی، سندھ حکومت اورقبائلی عمائدین کی گذشتہ روز کمشنر ہاؤس میں ملاقات کے دوران اسسٹنٹ پولیٹیکل ایجنٹ باجوڑ ایجنسی اور قبائلی عمائدین پر مشتمل کمیٹی بنانے کا فیصلہ ہوا، اسسٹنٹ پولیٹکل ایجنٹ کا کہنا ہے کہ بچیوں کو مکمل تصدیق کے بعد حوالے کیا جائےگا۔
