Tag: 27 ویں شب

  • 27 ویں شب: اسرائیلی پابندیوں کے باوجود 2 لاکھ فلسطینی مسجد اقصیٰ پہنچ گئے

    27 ویں شب: اسرائیلی پابندیوں کے باوجود 2 لاکھ فلسطینی مسجد اقصیٰ پہنچ گئے

    رمضان المبارک کی 27 ویں شب غاصب اسرائیل کی تمام پابندیوں کو مسترد کرتے ہوئے 2 لاکھ کے قریب فلسطینی مسجد اقصیٰ پہنچ گئے۔

    غاصب وقابض صہیونی ریاست اسرائیل نے فسلطینیوں پر زندگی کا دائرہ تنگ کر رکھا ہے اور رمضان المبارک میں جہاں اس کی بربریت جاری ہے وہیں مسجد اقصیٰ میں ان کے داخلے پر بھی پابندی لگائی ہوئی ہے۔

    تاہم صہیونی ریاست کی تمام تر فسطائیت بھی فلسطینیوں کا جذبہ ایمانی کم نہ کر سکی۔ رمضان المبارک کی 27 ویں شب دو لاکھ کے قریب فلسطینی تمام تر رکاوٹیں عبور کرتے ہوئے مسجد اقصیٰ پہنچ گئے اور شب قدر کی تلاش میں عبادات کیں۔

    عرب میڈیا کے مطابق رمضان المبارک کے آخری عشرے کی 27 ویں شب کے موقع پر فلسطینیوں کی پہلے سے بھی زیادہ بڑی تعداد نے مسجد اقصیٰ میں نماز ادا کی۔

    یرو شلم میں قائم وقف اور الاقصیٰ مسجد کے امور سے متعلق محکمے کے جاری بیان کے مطابق ایک لاکھ 80 ہزار نمازیوں کی شرکت کی ہے۔ ان میں زیادہ تر تعداد یروشلم کے مقامی اور مغربی کنارے کے فلسطینیوں کی تھی۔ جبکہ ہزاروں فلسطینی مختلف شہروں اور قصبوں سے بھی آئے تھے۔

    بیان میں کہا گیا ہے کہ اگرچہ ان فلسطینیوں کو جگہ جگہ اسرائیلی چیک پوائنٹس پر روکا گیا اور ان کو رکاوٹوں کا سامنا کرنا پڑا لیکن وہ تمام تر رکاوٹیں عبور کرتے ہوئے مسجد اقصیٰ تک پہنچنے میں کامیاب رہے۔

    دریں اثنا عیدالفطر جو اتوار یا پیر کے روز (رویت کے مطابق ) منائے جانے کا امکان ہے اور اس موقع پر بھی مسجد اقصیٰ میں ایک بار پھر بڑے اجتماع کا امکان ہے۔

    https://urdu.arynews.tv/27th-night-of-ramzan-rain-in-grand-mosque/

  • 27 ویں شب: اہل اسلام رحمت خداوندی میں بھیگتے ہوئے طواف، نماز اور عبادات کرتے رہے (ویڈیوز)

    27 ویں شب: اہل اسلام رحمت خداوندی میں بھیگتے ہوئے طواف، نماز اور عبادات کرتے رہے (ویڈیوز)

    رمضان المبارک کی 27 ویں شب مکہ مکرمہ میں بارس جم کر برسی اہل اسلام رحمت خداوندی میں بھیگتے ہوئے طواف نماز دعائیں کرتے رہے۔

    سعودی عرب میں رمضان المبارک کی 27 ویں عقیدت واحترام سے منائی گئی۔ شب قدر کی تلاش میں اس رات مسجد الحرام میں 30 لاکھ سے زائد زائرین اور نمازیوں کا اجتماع ہوا۔

    اس متبرک رات بارش بھی خوب جم کر برسی۔ مسجد الحرام میں باران رحمت برسنے کے دوران بھی عبادات میں مصروف رہے۔

    زائرین عمرہ نے خانہ کعبہ کا طواف جاری رکھا۔ مطاف اور مسجد الحرام کے صحن میں نمازی نماز کی ادائیگی اور خشوع وخضوع کے ساتھ دعائیں مانگنے میں بھی مصروف رہے۔

    آسمان سے رحمت خداوندی اور زائرین کی آنکھوں سے ندامت کے آنسو گر رہے تھے اور وہ رب العزت سے گڑگڑا گڑگڑا کر اپنے گناہوں سے توبہ، مغفرت کی دعاؤں کے ساتھ مظلوم فلسطینیوں کی فتح اور دنیا میں امن کی دعائیں کرتے رہے۔

    اس دوران حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش کے مسائل سے نمٹنے کے لیے ہنگامی سکیموں پر عمل درآمد جاری رکھا۔

    بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جاتا رہا۔

    https://urdu.arynews.tv/27th-night-of-ramzan-in-makkah-madina/

  • ویڈیوز: 27 ویں شب حرمین شریفین میں 30 لاکھ سے زائد زائرین کا اجتماع، روح پرور مناظر

    ویڈیوز: 27 ویں شب حرمین شریفین میں 30 لاکھ سے زائد زائرین کا اجتماع، روح پرور مناظر

    سعودی عرب میں رمضان المبارک کی 27 ویں رات شب قدر کی تلاش میں 30 لاکھ سے زائد زائرین نے حرمین شریفین میں عبادات کیں۔

    سعودی عرب سمیت مشرق وسطیٰ میں گزشتہ روز رمضان کی 27 ویں شب تھی۔ شب قدر کی تلاش میں مسجد الحرام اور مسجد نبوی ﷺ میں 30 لاکھ سے زائد زائرین عمرہ اور نمازیوں نے شب بیداری کر کے خصوصی عبادات کیں۔

    مسجد الحرام میں 27 ویں شب کی تراویح  شیخ ڈاکٹر بدر بن محمد الترکی اور دوسرے شیخ ڈاکٹر ماہربن حمد المعیقلی نے پڑھائی جبکہ مسجد نبوی میں شیخ ڈاکٹر محمد بن احمد برھجی اور شیخ ڈاکٹر عبداللہ بن عبدالمحسن القرافی نے تراویح پڑھائی۔

    اندرون ملک اور بیرون ممالک سے آئے ہوئے عمرہ زائرین اور نمازی اس عظیم رات کی برکات سے استفادہ کرنے کے لیے مسجد الحرام میں جمع ہوئے۔ حرمین شریفین انتظامیہ کے مطابق مسجد الحرام اور اس کے ملحقہ علاقوں میں مجموعی طور پر 34 لاکھ 31 ہزار 600 سے زائد افراد موجود تھے۔

    سرکاری خبررساں ادارے ایس پی اے کے مطابق سعودی شہری، مقیم غیر ملکی اور زائرین افطار سے بہت پہلے حرمین پہنچنا شروع ہوگئے تھے۔

    مسجد الحرام میں تیسری توسیع ، تمام منزلیں، دالان، تہ خانے، چھتیں اور اطراف کے علاقے نمازیوں سے بھر گئے۔

     

    تراویح کے موقع پر مسجد الحرام کے اطراف کی سڑکیں، تجارتی مراکز اور ہوٹلوں کی راہداریاں اور علاقے نمازیوں سے بھرے ہوئے تھے۔

    مسجد الحرام اور مسجد نبوی ﷺ میں قیام اللیل کے دوران روح پرور مناظر دیکھنے کو ملے۔ زائرین اور نمازیوں نے رب تعالیٰ کے حضور گڑگڑا کر اپنے گناہوں کی مغفرت طلب کی۔ امت مسلمہ کے اتحاد، دنیا میں قیام امن اور فلسطین کی آزادی کے لیے خصوصی دعائیں کیں۔

    حرمین شریفین کی انتظامیہ نے 27 ویں شب کے حوالے سے خصوصی انتظامات کیے تھے تاکہ زائرین کو عبادت اور نماز میں کسی قسم کی دشواری کا سامنا نہ کرنا پڑے۔

    واضح رہے کہ قرآن پاک میں شب قدر کو ہزار مہینوں سے افضل قرار دیا گیا ہے اور اہل اسلام کو اس متبرک شب کو رمضان المبارک کی طاق راتوں میں تلاش کرنے کا حکم دیا گیا ہے۔

    اس لیے دنیا بھر میں مسلمان رمضان کے آخری عشرے میں رمضان المبارک کی طاق راتوں 21، 23، 25، 27 اور 29 ویں شب بیداری کر کے خصوصی عبادات کرتے اور رضائے الہٰی کے حصول کی دعائیں کرتے ہیں۔

  • کویت: مسجد الکبیر میں 27 ویں شب ایک لاکھ سے زائد نمازیوں کی شرکت متوقع

    کویت: مسجد الکبیر میں 27 ویں شب ایک لاکھ سے زائد نمازیوں کی شرکت متوقع

    کویت کی گرینڈ اسٹیٹ مسجد ”مسجد الکبیر“ ا نتظامیہ کے ڈائریکٹر علی شداد المطیری کا کہنا ہے کہ رمضان المبارک کے مقدس مہینے میں نمازیوں اور زائرین کے استقبال کے لیے تیاریاں مکمل کرلی گئی ہیں۔

    غیر ملکی ذرائع ابلاغ کے مطابق ڈائریکٹر علی شداد المطیری نے بتایا کہ مسجد اس سال رمضان کی 27 ویں شب کو 100,000 سے زیادہ نمازیوں کے استقبال کے لئے تیار ہے۔

    انہوں نے کہا کہ کویت کی ٹیلی کمیونیکیشن کمپنی ”زین” اور بوبیان بینک کے تعاون سے 45,000 سے زیادہ افطار اور 15,000 سحری کے کھانوں کی فراہمی بھی کی جائے گی۔

    اُنہوں نے انکشاف کیا کہ گرینڈ اسٹیٹ مسجد کویت اور اسلامی دنیا کے مشہور قاریوں بشمول مشاری الفاسی، احمد النفیس، فہد واصل اور دیگر جو رمضان کے دوران نمازیوں کی امامت کرتے ہیں کے ایک گروپ سے ممتاز ہے۔

    علی شداد المطیری کا مزید کہنا تھا کہ ہمارے پاس دو وقت کے کھانے (سحر اور افطار) بڑے خیمے اور مرکزی سڑک پر دستیاب ہیں۔ زین اس سال مختلف کمیونٹیز کے لوگوں کو افطار کے کھانے کی فراہمی کے لیے ہمارے اسپانسرز میں سے ایک ہے۔

    سعودی عرب: مکہ مکرمہ اور ریاض میں بارشوں کا الرٹ جاری

    ہم رمضان المبارک 1445 ہجری کے مقدس مہینے میں آنے والے تمام مہمانوں کا بھرپور استقبال کریں گے۔