اسلام آباد : سیشن کورٹ نے 27 یوٹیوب چینلز میں سے ایک اور چینلز کی بندش کا حکم معطل کردیا ، جس کے بعد 8 ہوگئی۔
تفصیلات کے مطابق 27 یوٹیوب چینلز بندش کے عدالتی حکم کے حوالے سے اہم پیش رفت ہوئی، اسلام آباد سیشن کورٹ نے مزید ایک یوٹیوب چینلز کی حد تک بندش کا حکم معطل کر دیا۔
ایڈیشنل ڈسٹرکٹ اینڈ سیشن جج افضل مجوکہ نے جوڈیشل مجسٹریٹ کے فیصلہ کے خلاف اپیلوں پرسماعت کی عدالت نے ساجد ندیم کے یوٹیوب چینل کی بندش کا حکم معطل کیا۔
عدالت نے نیشنل سائبر کرائم انوسٹی گیشن ایجنسی کو 21 جولائی کے لئے نوٹس جاری کرتے ہوئے جواب طلب کر لیا۔
عدالت نے گزشتہ دنوں مطیع اللہ جان اور اسد طور سمیت 8 یوٹیوب چینلز کی بندش کا حکم بھی معطل کیا تھا۔
مزید پڑھیں : مزید 5 یوٹیوب چینلز کی بندش کا حکم معطل
یاد رہے عدالت نے ایف آئی اے کی درخواست پر دو صفحات کا تحریری حکم نامہ جاری کیا تھا ، جس میں 27 معروف یوٹیوب چینلز بلاک کرنے کا حکم دیا تھا۔
حکم نامے میں کہا گیا تھا شواہد کی بنیاد پر عدالت سمجھتی ہے، معاملہ پیکا ایکٹ اور تعزیرات پاکستان کے تحت قابل سزا جرم ہے۔
عدالت نے اپنے فیصلے میں یوٹیوب کے افسر انچارج کو حکم دیا تھا کہ مذکورہ ستائیس چینلز کو مکمل طور پر بند کرے۔
تحریری حکم نامے کے مطابق مطیع اللہ جان ، صابر شاکر ، عبد القادر ، حیدر مہدی ، عمران ریاض ، اوریا مقبول جان ، مخدوم شہاب الدین، وجاہت سعید خان، عبدالقادر، ساجد گوندل، اسد طور ، صدیق جان کے علاوہ پاکستان تحریک انصاف ، نیا پاکستان اور ڈیلی قدرت کے یوٹیوب چینلز بند کرنے کا حکم دیا گیا تھا۔