پشاور: خیبرپختونخوا میں تین بڑے دہشت گرد گروپوں کا مکمل صفایا کردیا گیا ہے، محکمہ انسدادِ دہشت گردی کی جانب سے جاری کی گئی پہلی رپورٹ کی کاپی اےآروائی نیوز نے حاصل کرلی
محکمہ انسدادِ دہشت گردی کی پہلی رپورٹ کے مطابق خیبر پختون خواہ میں تین دہشت گرد گروپس کے نیٹ ورک ختم کردیئے گئے ہیں، رپورٹ کی کاپی اےآروائی نیوز نےحاصل کرلی ہے۔
رپورٹ کےمطابق تین ماہ میں انہتر دہشت گردی ، بیالیس بھتہ خوری اور تیرہ ٹارگٹ کلنگ سمیت ایک سو سینتس کیسز رجسٹرڈ ہوئے۔ تین ماہ میں پچپن دہشت گردوں اور انتیس بھتۃ خوروں کو سلاخوں کے پیچھے پہنچایا گیا۔
سیکیورٹی اداروں نے کئی نامور دہشت گردوں سمیت تیرہ ایسے دہشت گردوں کو بھی پکڑا، جن کے سروں کی بھاری قیمت ہے۔
کامیاب کارروائیوں میں ٹارگٹ کلنگ میں ملوث افغان گینگ کا بھی خاتمہ کردیا گیا ہے۔