اسلام آباد: پیٹرولیم مصنوعات ساڑھے تین سے پانچ روپے فی لیٹر تک سستی ہونے کا امکان ہے۔
عالمی منڈی میں مسلسل گرتی قیمت کےباعث یکم دسمبرسےپاکستان میں بھی پیٹرولیم مصنوعات کی قیمتوں میں کمی کا امکان ہے،اُوگرا ذرائع کےمطابق پیٹرول چار روپے،ہائی آکٹین پانچ روپےفی لیٹر سستا ہونےکا امکان ہے،اسی طرح مٹی کا تیل تین روپے65 پیسےاورہائی اسپیڈ ڈیزل تین روپےنوے پیسےفی لیٹر سستا ہونےکا امکان ظاہرکیاگیا ہے، عالمی مارکیٹ میں خام تیل کی قیمت پچھترڈالر فی بیرل تک نیچےآچکی ہے۔
اسلام آباد: عوام کو ریلیف دینے کیلئے اوگرا نے پیٹرولیم مصنوعات کی قیمتوں میں تین روپے تک کی کمی کی سفارش کردی ہے۔
ذرائع کے مطابق اوگرا نے یکم اکتوبر سے پیٹرولیم مصنوعات کی قیمتوں میں ردو بدل کی سمری وزارتِ پیٹرولیم کو بھجوا دی ہے، اوگرا نے پیٹرول کی قیمت میں دو روپے ساٹھ پیسے فی لیٹر اور ہائی اکٹین کی قیمت میں تین روپے فی لیٹر کمی کی سفارش کی ہے۔
سمری میں مٹی کے تیل کی قیمت میں ایک روپے چھہتر پیسے، ہائی اسپیڈ ڈیزل کی قیمت میں ستتر پیسے فی لیٹر سستا کرنے کی تجویز دی گئی ہے۔
لائٹ اسپیڈ ڈیزل کی قیمت میں بھی ایک روپے تریپن پیسے کی کمی تجویز کی گئی ہے۔