جامشورو: انڈس ہائی وے خانوٹ پر گاڑی الٹ کر گڑھے میں گرنے سے 3 افراد جاں بحق ہوگئے۔
تفصیلات کے مطابق انڈس ہائی وے پر پولیس نے ایک گاڑی کو رکنے کا اشارہ کیا تو گاڑی میں سوار افراد نے پولیس پر فائرنگ کردی اور فرار ہوگئی۔
حکام کا بتانا ہے کہ پولیس کی جوابی فائرنگ سے گاڑی الٹ کر گڑھے میں گر گئی جس کے نتیجے میں کار میں سوار تینوں افراد موقع پر ہی جاں بحق ہوگئے۔
پولیس حکام کا کہنا ہے کہ لاشیں پوسٹ مارٹم کیلئے اسپتال منتقل کردی گئیں اس کے علاوہ جاں بحق کرمنل کا ریکارڈ چیک کیا جائے گا۔
لوئردیر : گھرپر مٹی کا تودہ گرنے سے 3 افراد جاں بحق اور ایک بچہ شدیدزخمی ہوگیا ، ریسکیو ٹیموں نے مسلسل 3 گھنٹے 20 منٹ تک آپریشن کیا۔
تفصیلات کے مطابق خیبر پی کے ضلع لوئردیر کے تلاش مولی خٹ میں مٹی کا تودہ گرنے سے گھر کی چھت گرگئی۔
ریسکیوحکام کا کہنا تھا کہ گھر پر تودہ گرنے سے 3 افراد جاں بحق اور ایک بچہ شدید زخمی ہوگیا جبکہ ملبے تلے دبے 4 افراد کو نکال کراسپتال منتقل کردیاگیا ہے۔
حکام نے کہا کہ ریسکیو ٹیموں نے مسلسل 3 گھنٹے 20 منٹ تک سراچ اینڈ ریسکیوآپریشن کیا۔
دوسری جانب چمن میں کوژک ٹاپ کےپہاڑی سلسلوں میں پھنسی گاڑیوں کونکال لیاگیا جبکہ کوئٹہ چمن شاہراہ کو 2 مقامات شیلا باغ اور گڑنگ پربندکردیاگیا ہے۔
کوژک ٹاپ،چمن،شیلاباغ،ژڑہ بند،توبہ اچکزئی اورگلستان میں برفباری رک گئی تاہم سردہوائیں چلنے سے کوئٹہ چمن شاہراہ کوژک ٹاپ پربرف جم گئی۔
برفباری کےبعدیخ بستہ ہواوں سے درجہ حرارت نقطہ انجماد سے کئی درجےنیچےچلاگیا ہے۔
فیصل آباد: صوبہ پنجاب کے علاقے تاندلیانوالہ میں تیز رفتار گاڑی درخت سے ٹکرا گئی جس کے نتیجے میں 3 افراد جاں بحق جبکہ 5 افراد زخمی ہوگئے۔
تفصیلات کے مطابق صوبہ پنجاب کے علاقے تاندلیانوالہ میں تھانہ باہلک کی حدود میں تیز رفتار گاڑی درخت سے ٹکرا گئی، حادثے میں 2 خواتین سمیت 3 افراد جان کی بازی ہار گئے جبکہ 5 افراد زخمی ہوگئے۔
ریسکیو ذرائع کے مطابق حادثہ ڈرائیورکو نیند آنے کے باعث پیش آیا، حادثے میں زخمی ہونے والے افراد کو ٹی ایچ کیو تاندلیانوالہ اسپتال منتقل کردیا گیا جہاں انہیں طبی امداد دی جا رہی ہے۔
اس سے قبل گزشتہ روز پاکپتن روڈ پر تیز رفتار ٹرک اور بس میں تصادم ہوا، حادثے میں 9 افراد جان کی بازی ہار گئے تھے۔ ریسکیو حکام کا کہنا تھا کہ حادثے کی شکار بس قصور سے ملتان جا رہی تھی۔
سیالکوٹ : خوفناک ٹریفک حادثہ، ایک ہی خاندان کے 6افراد جاں بحق
یاد رہے کہ گزشتہ ہفتے سیالکوٹ میں پسرور روڈ پر خوفناک ٹریفک حادثہ پیش آیا تھا، دو گاڑیوں کے درمیان خوفناک تصادم کے نتیجے میں 6 افراد جاں بحق ہوگئےتھے ، متوفیان کا تعلق ایک ہی خاندان سے تھا۔
وزیراعلیٰ پنجاب عثمان بزدار نے پسرور کے قریب ٹریفک حادثہ میں قیمتی انسانی جانوں کے ضیاع پر گہرے دکھ اور افسوس کا اظہار کیا تھا۔ انہوں نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے حادثے کے بارے میں انتظامیہ سے رپورٹ طلب کی تھی۔
کوئٹہ: صوبہ بلوچستان کے شہر حب میں تیز رفتار اور موٹرسائیکل میں تصادم کے نتیجے میں 3 افراد جاں بحق ہوگئے۔
تفصیلات کے مطابق بلوچستان میں حب کے علاقے گڈانی موڑ کے قریب تیز رفتار کار اور موٹرسائیکل میں تصادم ہوا جس کے نتیجے میں 3 افراد جان کی بازی ہار گئے۔
پولیس حکام کے مطابق حادثے میں جاں بحق ہونے والے افراد کی لاشوں کو اسپتال منتقل کردیا گیا ہے جہاں ضابطے کی کارروائی کے بعد میتوں کو لواحقین کے حوالے کیا جائے گا۔
رواں ماہ کے آغاز میں بلوچستان کے ضلع قلعہ عبداللہ میں مسافر کوچ اور پک اپ میں تصادم کے نتیجے میں 7 افراد جان کی بازی ہار گئے تھے جبکہ ایک مسافر زخمی ہوگیا تھا۔
اس سے قبل گزشتہ ماہ 17 جولائی کو بلوچستان کے ضلع حب میں مسافر کوچ اور ہائی روف کے درمیان تصادم کے نتیجے میں 6 افراد جان کی بازی ہار گئے تھے۔
کوئٹہ قومی شاہراہ پر ہولناک ٹریفک حادثہ، 13 افراد جاں بحق
یاد رہے کہ رواں سال 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں تصادم کے نتیجے میں تیرہ افراد جاں بحق ہوگئے تھے۔
گوادر: صوبہ بلوچستان میں پسنی کوسٹل ہائی وے پر تیز رفتاری کے باعث گاڑی الٹ گئی جس کے نتیجے میں 3 افراد جاں بحق جبکہ 9 افراد زخمی ہوگئے۔
تفصیلات کے مطابق پسنی کوسٹل ہائی وے پر گاڑی حادثے کا شکار ہوگئی، افسوس ناک واقعے میں 3 افراد جان کی بازی ہار گئے۔
اسسٹنٹ کمشنر پسنی نے بتایا کہ جاں بحق افراد میں اسسٹنٹ ڈائریکٹرفشریز، خاتون اوربچہ شامل ہے، زخمیوں میں 5 خواتین اور4 بچے شامل ہیں۔
اسسٹنٹ کمشنر کے مطابق جاں بحق اور زخمی افراد کا تعلق ایک ہی خاندان سے ہے، متاثرہ فیملی پشکان سے کراچی جا رہی تھی۔
اس سے قبل گزشتہ روز بھکر میں ایم ایم روڈ پر فاضل اڈا کے قریب بس اور ٹریک میں تصادم ہوا جس کے نتیجے میں 5 افراد جاں بحق جبکہ 18 زخمی ہوگئے تھے۔
کوئٹہ قومی شاہراہ پر ہولناک ٹریفک حادثہ، 13 افراد جاں بحق
یاد رہے کہ 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔
پولیس کا کہنا تھا کہ حادثے میں جاں بحق ہونے والے 5افراد کا تعلق ایک ہی خاندان سے ہے، مسافر وین کوئٹہ سے ژوب آرہی تھی۔
کراچی: شہرقائد میں زمین کے تنازع پر فائرنگ کے نتیجے میں 3 افراد جاں بحق جبکہ 2 افراد زخمی ہوگئے۔
تفصیلات کے مطابق کراچی کے علاقے گلشن معمار میں زمین کے تنازع پر دو گروپوں میں فائرنگ کے نتیجے میں 3 افراد جان کی بازی ہار گئے جبکہ دو افراد زخمی ہیں۔
عباسی شہید اسپتال کے ایڈیشنل پولیس سرجن ڈاکٹر سلیم شیخ نے بتایا کہ اسپتال لائے گئے 5 زخمیوں میں سے 3 افراد راستے میں ہی دم توڑ چکے تھے جبکہ دیگر دو افراد کی حالت تشویش ناک ہے۔
ایس ایچ او گلشن معمار کے مطابق تہرے قتل کا واقعہ فارم ہاؤس کی زمین کے تنازع پر پیش آیا، واقعے میں اب تک کسی کی گرفتاری عمل میں نہیں آئی ہے۔
ایس ایس پی ملیر عرفان بہادر کے مطابق ملزمان کی گرفتاری کے لیے کارروائیاں کی جا رہی ہین جبکہ تفتیشی افسر گواہان کے بیانات ریکارڈ کررہے ہیں۔
کراچی : سی ٹی ڈی نے ایم کیو ایم لندن کے دو ٹارگٹ کلرز کو گرفتار کرلیا
یاد رہے کہ گزشت شب سی ٹی ڈی نے کراچی میں خفیہ اطلاع پر کامیاب کارروائی کرکے دو ٹارگٹ کلر گرفتار کرلیے۔ اس حوالے سے سی ٹی ڈی حکام کا کہنا ہے کہ گرفتارملزمان کا تعلق ایم کیوایم لندن سے ہے۔
کراچی: شہر قائد کے مختلف علاقوں میں تیز آندھی کے باعث مختلف حادثات میں 2 بچیوں سمیت 3 افراد جاں بحق اور 20 زخمی ہوگئے۔
تفصیلات کے مطابق کراچی کے مختلف علاقوں میں تیز گرد آلود ہواؤں کا سلسلہ جاری ہے، مختلف حادثات میں 3 افراد جان کی بازی ہار گئے۔
کراچی کے علاقے پیپلز چورنگی کے قریب درخت گرنے سے نوجوان جاں بحق ہوگیا، کورنگی میں دیوار گرنے سے بچی جاں بحق ہوگئی، حاجی مرید گوٹھ میں گھر کی چھت گرنے سے 5 سالہ بچی چل بسی۔
دوسری جانب ٹیپو سلطان سگنل کے قریب اسکول کی چھت گرنے سے 5 طالب علم زخمی ہوئے جنہیں اسپتال منتقل کردیا گیا۔
ادھر لانڈھی تین نمبر میں گھر کی دیوار کا حصہ گرنے سے 2 افراد زخمی ہوئے، سرجانی ٹاؤن سیکٹر 7 ڈی میں گھر کی چھت کا حصہ گرنے سے 2 افراد زخمی ہوئے۔
لیاری چاکیوڑا میں مدرسے کی چھت گرگئی جبکہ جامع مسجد فش ہاربر کی عارضی چھت اڑ گئی جس سے مؤذن زخمی ہوگیا جسے اسپتال منتقل کردیا گیا۔
تیز گرد آلود ہواؤں کے باعث بجلی کے تار ٹوٹنے سے کئی علاقوں میں بجلی غائب ہوگئی، انٹرنیٹ سروس بھی متاثر ہے۔
کے الیکٹرک نے شہریوں سے درخواست کی ہے کہ بجلی کے ٹوٹے ہوئے تاروں، کھمبوں اور پی ایم ٹیز سے دور رہیں اور برقی آلات کا استعمال گیلے ہاتھوں کے ساتھ نہ کریں۔
محکمہ موسمیات کا کہنا ہے کہ آئندہ 24 گھنٹوں کے دوران گرج چمک کے ساتھ ہلکی بارش کا امکان ہے جبکہ زیادہ سے زیادہ درجہ حرارت 34 ڈگری سینٹی گریڈ تک جانے کا امکان ہے۔
پشاور/ صوابی / راولپنڈی / بھکر / کوئٹہ :ملک کے مختلف شہروں میں آندھی اور گرج چمک کے ساتھ بارش نے معمولات زندگی درہم برہم کر دئیے، خیبر پختونخو میں چھتیں گرنے اور دیگر واقعات میں تین افراد جاں بحق اور درجنوں زخمی ہوگئے۔
تفصیلات کے مطابق پشاور سمیت خیبر پختونخوا کے مختلف علاقوں میں آندھی اور طوفان نے تباہی مچا دی، پشاور میں تین افراد جاں بحق اور42زخمی ہو گئے۔ تیز ہواؤں سے بی آر ٹی سٹیشن کی سیلنگ بھی اڑ گئیں۔
طوفانی بارش کے سبب کئی علاقوں میں بجلی غائب، نشیبی علاقے زیرآب آنے سے شہریوں کو مشکلات کا سامنا ہے۔ آندھی اور بارشوں سے تباہی مچ گئی، معمولات زندگی درہم درہم ہوگئے،مختلف شہروں میں کئی حادثات بھی ہوئے۔
پشاور میں تیز ہوائیں، آندھی کے بعد گرج چمک کے ساتھ موسلادھار بارش کی وجہ سے فقیرکلے میں گھرکی دیوار گرگئی، جس کے ملبے تلے دب کر ایک بچہ جاں بحق ہوگیا۔
اس کے علاوہ پیربالا میں چھت گرگئی، علاقہ مکینوں نے اپنی مدد آپ کے تحت ملبے تلے دب جانے والے تین بچوں کو نکال لیا، تیز ہواؤں اور طوفانی بارش سے بی آرٹی بس اسٹیشن کی سیلنگ گرگئی، کئی چھتیں اکھڑ گئیں، جان بچانے کے لیے مزدور بھاگ کھڑے ہوئے۔
صوابی میں بھی طوفانی بارش ہوئی، اللہ داد خیل میں گھر کی چھت گرگئی، ملبے تلے دب کر دو خواتین جاں بحق اور تین زخمی ہوگئیں، کئی علاقوں میں بجلی کی فراہمی معطل ہے۔
ڈی آئی خان اور ٹانک میں بھی تیز ہواؤں کے ساتھ شدید بارش ہوئی اس کے علاوہ دین پور میں گھر کی دیوارگرنے سے پولیس کانسٹیبل شدید زخمی ہوگیا، مردان میں آندھی اور بارش کے باعث حادثات میں 4 افراد زخمی ہوگئے، جنہیں طبی امداد کیلئے مقامی اسپتال پہنچادیا گیا۔
لوئر دیر میں بھی طوفانی بارش نے بجلی کا نظام درہم برہم کردیا، چوک اعظم اورگرد و نواح میں آندھی اور موسلادھار بارش کے دوران کئی درخت جڑوں سے اکھڑ گئے، بجلی کے کئی پول گرگئے۔ بھکر میں بھی طوفانی ہواؤں اوربارش سے درخت اور بجلی کے کھمبے اکھڑ گئے۔
فیصل آباد میں بھی تیز آندھی چلی، موسم کا حال بتانے والوں کا کہنا ہے کہ پشاورمیں چھ، پاراچنار میں چار اور کوئٹہ میں دو ملی میٹر بارش ریکارڈ کی گئی، آج بھی ملاکنڈ، پشاور، کوہاٹ، کوئٹہ،راولپنڈی اور دیگر شہروں میں بارش کا امکان ہے۔
مظفرگڑھ : صوبہ پنجاب کے شہر مظفرگڑھ میں مسافر بس اور تیز رفتاری کے باعث ٹرک سے ٹکرا گئی جس کے نتیجے میں 3 افراد جاں بحق جبکہ درجنوں زخمی ہوگئے۔
تفصیلات کے مطابق مظفرگڑھ میں سلطان کالونی دری اڈے کے قریب مسافر بس اور ٹرک میں تصادم کے نتیجے میں 3 افراد جان کی بازی ہار گئے۔
ریسکیو حکام کے مطابق ٹریفک حادثے میں 20 افراد زخمی بھی ہوئے، بس میں پھنسے مسافروں کو نکال کر طبی امداد کے لیے اسپتال منتقل کردیا گیا۔
پولیس حکام کا کہنا ہے کہ حادثے کا شکار ہونے والی بس سخی سرور سے فیصل آباد جا رہی تھی۔
گوجرانوالہ میں بس حادثہ ‘ 1 شخص جاں بحق ‘ 15 زخمی
یاد رہے کہ رواں سال جنوری میں صوبہ پنجاب کے شہر گوجرانوالہ میں تیزرفتار بس فٹ پاتھ سے ٹکرا کرالٹ گئی تھی جس کے نتیجے میں ایک شخص جان کی بازی ہار گیا تھا۔
پولیس کے مطابق بس جڑانوالہ سے سیالکوٹ ایئرپورٹ جارہی تھی، حادثے کا شکار ہونے والی بس میں عمرہ عازمین سوارتھے۔
ڈی جی خان: خطرناک ٹریفک حادثہ، 4 افراد جاں بحق
واضح رہے کہ گزشتہ سال دسمبرمیں پنجاب کے شہر ڈیرہ غازی خان میں انڈس ہائی وے پر پائیگاہ کے قریب کار اور ٹرک میں ٹکر ہوئی تھی جس کے باعث 4 افراد زندگی کی بازی ہار گئے تھے۔
جاں بحق ہونے والوں میں ماں اور بیٹا بھی شامل تھے جبکہ حادثے میں ایک بچی بھی شدید زخمی ہوئی۔
ڈیرہ مراد جمالی: صوبہ بلوچستان کے علاقے ڈیرہ مراد جمالی میں ریلوے ٹریک پردھماکے کے نتیجے میں خاتون سمیت 2 افراد جاں بحق ہوگئے۔
تفصیلات کے مطابق بلوچستان کے علاقے ڈیرہ مراد جمالی میں شہید عزیز بلوچیک پوسٹ کے قریب ریلوے ٹریک پر دھماکا ہوا جس کے نتیجے میں کوئٹہ سے آنے والی جعفرایکسپریس کی 3 بوگیاں پٹری سے اترگئیں۔
افسوس ناک حادثے میں خاتون سمیت 3 افراد جان کی بازی ہار گئے جبکہ 4 افراد زخمی ہیں۔ ریسکیو حکام نے زخمیوں کو طبی امداد کے لیے اسپتال منتقل کردیا۔
دھماکے اطلاع ملتے ہی ریسکیو ٹیمیں جائے وقوع پر پہنچ گئیں، سیکیورٹی فورسز نے علاقے کو گھیرے میں لے کرسرچ آپریشن شروع کردیا۔
یاد رہے کہ گزشتہ سال ستمبر میں صوبہ سندھ کے ضلع نوشہرو فیروز میں ریلوے ٹریک پر دہشت گردوں نے دھماکا خیز مواد نصب کیا تھا، دھماکا ٹرین گزرنے سے کچھ دیر پہلے ہوا تھا۔
بولان : ریلوے ٹریک کے قریب 2 دھماکے
واضح رہے کہ 20 اکتوبر 2018 کو بولان کے علاقے مچھ اور ہرک کے درمیان ریلوے ٹریک کے قریب دو دھماکے ہوئے جس میں کوئی جانی نقصان نہیں ہوا تھا۔