Tag: 3 افراد جاں بحق

کراچی : شہر قائد کے علاقے کورنگی میں مکان کی چھت گرنے سے بچے سمیت تین افراد جاں بحق ہوگئے۔

تفصیلات کے مطابق کورنگی کے علاقے گلگت کالونی میں دو منزلہ مکان کی چھت گرنے سے ملبے تلے دب کر 3 افراد جان کی بازی ہار گئے۔

افسوس ناک واقعے کی اطلاع ملتے ہی ریسکیو اہلکار جائے وقوعہ پر پہنچے اور حادثے میں جاں بحق افراد ہونے والے افراد کی لاشیں نکال لیں۔

پولیس حکام کے مطابق جاں بحق افراد کی لاشوں کو اسپتال منتقل کردیا گیا ہے، مرنے والوں میں لیاقت، اس کی بیٹی ثوبیہ اور نواسہ ایان شامل ہے۔

صوابی میں مکان کی چھت گرنے سے 4 افراد جاں بحق

یاد رہے کہ 28 جنوری 2019 کو صوبہ خیبرپختونخواہ کے شہر صوابی میں مکان کی چھت گرنے سے ایک ہی خاندان کے 4 افراد جاں بحق ہوگئے تھے۔

افسوس ناک حادثے میں باپ اور بیٹا زخمی ہوگئے تھے جنہیں طبی امداد کے لیے اسپتال منتقل کردیا گیا تھا۔

واضح رہے کہ گزشتہ ہفتے بلوچستان کے ساحلی شہر پسنی میں مکان کی چھت گرنے سے دوبچوں سمیت ایک ہی خاندان کے 4 افراد جاں بحق ہوگئے تھے۔

کراچی: شہر قائد کے مختلف علاقوں میں پیش آنے والے ٹریفک حادثات میں 3 افراد جاں بحق اور متعدد زخمی ہوگئے۔

تفصیلات کے مطابق کراچی کے علاقے نیوسبزی منڈی کے قریب کوچ اور رکشے میں تصادم کے نتیجے میں 2 افراد جان کی بازی ہار گئے۔

پولیس حکام کا کہنا ہے کہ حادثے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔

دوسری جانب کراچی کے علاقے بھینس کالونی میں گاڑی اور موٹرسائیکل میں تصادم کے نتیجے میں ایک شخص جاں بحق ہوگیا۔

ادھر شہر قائد کے علاقے ملیر کالا بورڈ پرتیزرفتار بس کی ٹکر سے خاتون سمیت 4 افراد زخمی ہوگئے۔

کراچی: سپر ہائی وے پر ٹریفک حادثہ، 4 افراد جاں بحق، 10 زخمی

یاد رہے کہ گزشتہ ماہ کراچی سپر ہائی وے پر خوفناک ٹریفک حادثے میں چار افراد جان کی بازی ہار گئے تھے جبکہ دس افراد زخمی ہو گئے تھے۔

واضح رہے کہ رواں ستمبرشہرِ قائد کے علاقے گلشن حدید میں ڈیزل سے بھرے 2 ٹینکر اور وین میں تصادم ہوا تھا جس کے نتیجے میں 2 افراد جاں بحق ہو گئے تھے۔