ٹوکیو: جاپان میں ایئر ایمبولینس ہیلی کاپٹر سمندر میں گر کر تباہ ہو گیا، جس کے نتیجے 3 افراد ہلاک ہوگئے۔
بین الاقوامی خبر رساں ادارے کی رپورٹ کے مطابق جاپان میں ایک ایئر ایمبولینس سمندر میں گرکر تباہ ہوگیا جس کے نتیجے میں 3 افراد لقمہ اجل بن گئے۔
جاپانی کوسٹ گارڈ کا کہنا ہے کہ ہیلی کاپٹر میں کل 6 افراد سوار تھے جن میں سے 3 افراد کو ریسکیو کرلیا گیا ہے۔
رپورٹس کے مطابق ہیلی کاپٹر حادثہ نا گا ساکی کے تسوشیما جزیرے سے فکوؤکا شہر جاتے ہوئے رونما ہوا، حکام کا کہنا ہے کہ حادثے کی وجہ جاننے کے لیے تحقیقات کا آغاز کردیا گیا ہے۔
اس سے قبل سوڈان میں فوجی طیارہ گر کر تباہ ہوگیا تھا، جس میں تمام فوجی اہلکار ہلاک ہوگئے تھے۔
فرانسیسی خبر رساں ایجنسی کا کہنا تھا کہ سوڈانی فوجی طیارہ خرطوم کے قریب تکنیکی خرابی کے باعث گر کر تباہ ہوا،طیارے میں سوار عملے سمیت سوڈانی فوج کے تمام اہلکار ہلاک ہوگئے تھے۔
طیارے میں سوار فوجی اہلکاروں کی اصل تعداد کے حوالے سے کوئی واضح معلومات سامنے نہیں آئیں۔
سوڈانی فوج نے ایک بیان میں کہا کہ اینٹونوف طیارہ جس نے خرطوم سے تقریباً 22 کلومیٹر شمال میں وادی سیدنا ایئربیس سے اڑان بھری تھی، روانگی کے فوراً بعد ہی گر گیا۔
امریکا میں لڑاکا طیارہ سمندر میں گر کر تباہ
مبینہ طور پر چار افراد کے عملے کے ساتھ طیارہ ایک فوجی مشن پر تھا، جس میں کئی اعلیٰ افسران سوار تھے۔
عینی شاہدین کا کہنا تھا کہ طیارہ کم اونچائی پر پرواز کر رہا تھا کہ اچانک گر کر آگ کے شعلوں کی لپیٹ میں آ گیا۔
